ولدي ما يشبع

**قلوب ملتهبة** · 2008-01-20, 11:20

مرحبا خواتي شخباركم ويا البرد خواتي من شهر ربيت والحمدالله طبيعي بس اللي متعبني انه ولدي ما يشبع والدكتورة نصحتني ارضعه طبيعي واتقول اتغذي زين بس ابى منكن اللي تعرف شو اللي يساعد على ادرار الحليب احس بالم يوم يمص صدري لانه ناشف
والسموحة على طريقتي في التعبير شاله ولدي في صدري واكتب

المزيد من آخر المواضيع من نفس القسم:

**i_mha_i** · 2008-01-20, 11:36

اول شي قولي ماشاء الله على ولدج
ثاني شي اشربي سوائل وايد مثل الماي والعصاير واكلي بقدونس (تبوله) جرجير الاشياء الخضرا مدره للحليب

**ميميه88** · 2008-01-20, 11:54

ههههههههههه

والله ظحكتيني
بسم الله عليه قولي ماشاء الله لاتنظلينه ولاتخبرين حد ترى عيون الناس عوذ بالله منها
ثاني شي طبيعي انه يبا يرضع وغير جيه وين مايشبع ياحليله وهوه يمص عالفاضي وانتي تقولين صدرج يابس
صدقها تغذي زين بالسمن والعسل والحلبه والحريروه والزعتر هاذيلا يدرن الحليب واللي يسوي بعد حليب الكااااجو انصحج تاكلينه الدختوره قايله لعموه يوم مايكون فيج حليب كلي كاجو

**دلوعة 2008** · 2008-01-20, 13:25

السلام عليكم الغالية قولي ماشالله حرام عليج بعدين لا تحطين في بالج انه فديته كل مايمص معناته أييه حليب لا حبيبتي يمكن الفقير يمص عالفاضي وخاصه انج تحسين انه صدرج يابس حولي تاكلين الاشياء اللي قالولج عنها الخوات وبعد كلي رهش ( بشمك) وكلي كاجو وكثري من التبوله وكلي تمر تمر تمر واااااااااااااااااااااايد مفيد وتراه عفكرة الصدر كلما تحطين عليه البيبي وتيرضع كلما زاد الحليب ودر حتى اذا كنتي طالعة وولدج في البيت وانتي متعودة ترضعينه هالحزة بيعورج صدرج وصدقيني بيغمضج ولدج واااااااااااااااااااااااااااااايد وبيتقطع قلبج خاصة اذا كنتي في الدوام . حبيوبه اذا الحلمة عندج وايد جافة أو فيها جروح من المص خبري الدكتورة بتعطيج كريم تستخدمينة بعد الرضاعة وايد زيين . واقري عولدج من عينج هههههههههههههههههههههههههههه.

**i_mha_i** · 2008-01-20, 13:32

خخخخخخخخخخخخخخخخخخخخ شفتي البنات ردو عليج مثل ردي ههههههههههههههههههههههههه
قل أعوذ برب الفلق .................................................. ................................

**المزيونة 55** · 2008-01-20, 14:21

انا بعد ولدي كان ما يشبع وكنت اكل لين اقول بس وبعد صدري ما في حليب
الحين اعطيه حليب صناعي عشان يساعده ولا تراه بيموت من الجوع

**امـ فطومـ** · 2008-01-20, 15:39

نصيحه انا كنت مثلج بس اخر شي دخلت حليب صناعي

**أم عايشة** · 2008-01-20, 16:25

الحلبة مفيدة للمرضعة وتسوي حليب أنا ما جربت الحلبة العادي أنا جربت حلبة مغات تنباع في المحمصة وايد لذيذه

**نور*دبي** · 2008-01-20, 17:02

هههههههههههههههههههههه الناس تبى عيالهم يشربون حليب وانتي مستخسرة كمن جغمه عليه وحليله ههههههههههههه ماشاء الله

**@ام حمد @** · 2008-01-20, 17:26

الغاليه اشربي حلبه

**TaRgEt** · 2008-01-20, 17:53

شربي ماااي وايد ترااه يدر الحليب .. و انا اللي اعرفه اذا يابس معناته في حليب اما اذا صدرج شرات الخلقه يعني مافيه حليب .. و اقري عولدج .. ما في شي احسن من الصحه .. و الله يبارك لج فيه

**%طيوبه%** · 2008-01-20, 18:09

البنات ما قصروا ماشاالله وازيد عليهم الينسون ,, اشربيه بدال الشاي ترا وااايد يدر الحليب

والله يحفظلج وليدج

**عسوله كيوت** · 2008-01-20, 18:34

حرام عليج يمكن صدرج مافيه حليب عشان جيه تشوفينه مايشبع يوعان وحليله انا كنت اكل اسكريم وحده قالت عنه في المنتدى ويترس صدري بس الحين برد ماتقدرين وكلي بشمك وكثري من الحريروه تراها تزيد الحليب

**أم حفصة** · 2008-01-20, 19:45

الصراحة أنا صارت معاي نفس السالفة وكنت أشرب حلبة مطحونة مع المكسرات والزبييب وشوية سمن مع الماي ويوميا كنت أشربها والحمد لله وايد نفعتني ولين الحين أرضع والدي وعمره سنة وثلاث شهور

**الشوووخ** · 2008-01-20, 19:50

عليكن خواتي بالرهش ... تراه مدر للحليب ...
أنا مجربة والله ...

الموضوع: ولدي ما يشبع

أدوات الموضوع

عرض

ولدي ما يشبع

المزيد من آخر المواضيع من نفس القسم:

المواضيع المتشابهه

دخيلكم ساعدوني.. كيف افطم ولدي ؟؟ لاني حامل؟؟؟ والمصيبه ولدي مايرضع الا طبيعي

ابغي حليب يشبع

عين ولدي <<< ميته ضيج من اشوف ولدي :(

أندومي ..يشبع..... مع صورة..اليوعانة تدخل

ولدي يعاني من غازات البطن شو الحل بليز ساعدوني ولدي الوحيد