هديتين

[مياري الحلوه]

مرحبا

صارلي فتره وانا بيت اهلي زعلانه من ريلي وقلت بصلي صلاة الاستخاره وصليت وحلمت انه وصلتني هديتين اول هديه من ريلي وعليها رقمه والهديه الثانيه ماعرف من منوه ومكتوب عليها رقم تلفون بس ماعرف رقم منوه وحد قالي هالهديه وااايد زينه (هديه ريلي) احسن عن الثانيه وكنت مرتاحه شو يعني تفسير هالحلم


بنات دخيلكن لا تبخلون عليه بالردود

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[3yo0on_Al_Maha]

حبيبتي ردي لريلج ولا تخلين الزعل بينكم..

يعني اذا انتي زعلانه لازم تطلعين من البيت..ما يصير غناتي..
وبعدين لازم تحلين موضوع الزعل بطريقتج وكل شئ بعد التوكل على الله ان شاء الله خير..

الحياه الزوجيه مش دايما حلوه ..فيها الحلوه وفيها المره..

[وعد الحياة]

رجعي حق ريلج احسلج ترا الدنيا حلووووووووه

[...(مريّة)...]

الله يجمعكم على خير

[مياري الحلوه]

المشكلة بينا محاكم واهلي قالوا مابتردين له لو شو يصير اذا ما حطالج بيت

[المحبة لله]

ارجعي لزوجك اختي عشان يحس انك في حايته وماتخليتي عنه لاتخلين البعد يزيد
البرود الزايد يخليه ينسا الوله وحبك له

[uAe eVe]

الحلم ماعرف تفسيره

بس انا بغيت اخسر زواجى بسبة روحتى لاهلي...لان السالفه تكبر والشيطان يتدخل ويستوى عناد مابين الاهل حتى عمتى دورتله عروس حسبي الله بس مارضى

والحين لازقه في البيت اذا زعلانه ماسرت لاهلي ..

نصيحتى الغاليه اذا الريال شاريج وتعزينه اصبري وان شاءالله تنحل المشاكل

[vip~s]

حبيبتي ردي لريلج ولا تخلين الزعل بينكم..

[عاليه مقام]

فديت عمرج ولله الحلم غريب ولا نعرف شو تفسيره عسا الله يكون لج خير وبركه ياربي


بس انتي غلطانه فديتج المفروض ماتسيري بيت اهلج لو شو ماكان بينج وبين ريلج حلوبينكم بالتفاهم وطيب

الحياه الزوجيه فيهاا الشين وفيها الزين

[اتعبني@غروري]

الغالية هذي حياتج ولا تخلين حد يدخل صح انه اهلج يبون مصلحتج بس انتي حااامل يعني ما شفتي شيء من زواااجج

دام انتي مرتااحه فالحلم اتوكلي على الله ,, ورجعي لريلج وحاولي تقنعين اهلج ان اللي يسوونه غلط وقوليلهم انا عادي بعيش عند اهله ما عندي اي مانع ,, وان شاء الله ربي بيفرجها عليج حبوبة اهم شيء اتكوونين مع ريلج دام هالشيء تبينه ويريحكم

[يانور عيني]

انتي استخرتي هذا احسن شي سويتيه اول شي فسري الحلم عند شيخ اوحد يفسر الاحلام وشوفي شو بيكون تفسيره وانشالله خير

[رحلة أمل]

مممممممم الهدية بشكل عام زينه .. بس بعد ارجعي حق شيخ احسن علشان يفسر لج عدل ..

المشكله انج حامل يعني حرام الياهل يتربى بعيد عن ابوه .. وبنفس الوقت انا اشوف هلج يبون مصلحتج

.. الله يكون في عونج يارب ..

والسموحه منج

[أم توتة]

يلا عن الدلع .. ترى الدنيا ما تسوى تبتعدين عن حبيبج ..

اتصلي فيه ,, وسولفي وياه وعطيه من هالكلام الحلو ,, وشوفي بييييج ركضضضضضض ...

الله يهيدكم ويصلح ما بينكم ,,

[غــــاية]

ارجعي لـ ريلج، و أهله هم أهلج، و لا إتخلين الشيطان يدخل بينكم وتكبير السالفة ، و بعدين تعظين أصابع الندم . .

توكلي على الله و ردي لـ ريلج . .

[أأأموووون]

حرام عليج حامل وتاركه بيتج وزوجج

شلون هانت عليج عشرته وفراقه


الله يهديكم ويجمعكم على خير ان شاءالله