المراره

[Shudoon]

مرحبا الغاليه... بخبرج تجربتي مع المراره... أولا قالوا لي وقريت وايد انه الدهون مش سببها الرئيسي .. شو سبها بالضبط لين الحين ماحد يعرف ... واعراضها كانت اتييني 3 سنين على خفيف اللهم ألم في رأس المعده يعني تحت الصدر قليلا في الوسط ... وكان كل تفكيري انه الم بسبب الغازات ... المهم اشتد علي ألمها مره وكان اني حسيت بألم شديد في نفس المكان وأحس هذا الالم نفسه في جهة الظهر يعني كأن سكين تضرب في المعده وتطلع من الظهر والايد اليمين كلها اتعن علي واتعورني ومثل الحزام كان يطوق صدري كاااااااامل واحسه يضيق على صدري وعلى ضلوع الصدر بالذات لدرجة اني احسها بتتفجر ويخف الالم اذا رجعت الله يكرمج مثل الصفاره ويرد الالم نفسه بعد شوي ويخفف اذا رجعت وعلى هذا الموال ... واول ماسرت لمستشفى وخبرت الدكتور قال لي انه شاك في المراره وسويت فحص وطلعت هي ... قال مافيه لها علاج الا جراحه بنج كامل وبالمنظار يسوون 4 فتحات وحده عند مكان الالم فوق ووحده فوق السره مباشره ووثنتين على الطرف الايممن من البطن فوق بعض ومده العمليه قريبا من 40 دقيقه لين ساعه والحمدلله سويتها واشكر الله واحمده... على فكره عقب العمليه شوي حسيت بتعب وهذا شي طبيعي لو اتشيلين ضرس تعبتي منه يومين بس صدقوني انه تعب العمليه كان ولا شي ن ألم المراره استغرب من ناس اعرفهم يتحملون ألم المراره خوف من العمليه واحب اقول لهم انه العمليه بكبرها اهون من الالم اللي انتو اتحسون فيه ونصيحتي للي يبا يسويها يستخير ... لاني هذا اللي سويته استخرت والحمدلله اول ماكتشفتها بعد شهرين سويت العمليه والحمدلله
كان الليمون يهيجها علي واعرف ناس كان البزار والدهن يهيجها عليهم والليمون مايسبب لهم شي .. ولاتقولين باخذ ادويه او اعشاب اتشلها لانها مب نفس حصى الكلى
المراره فضيييييييييييييييييييييييييييييييييييييييعه واللي عندها حصى فيها انصحى اتسوي العمليه وترتاح لان المراره يوم تنشل الكبد اتقوم بعمل المراره ... اما لو كانت ملتهبه خلاص لازم تنشل لانها ممكن اتأثر على البنكرياس وممكن اتخلف بعدها اورام خبيثه ... هذا والله أعلم من كلام الدكاتره

والله يشفيكم ويشفي مرضى المسلمين ان شاءالله واي استفسار أنا حاضره