شوروا علي ؟

[ام فطامي11]

هلا
اقول خفن شوي عن الريايل لو تحسن بمسولية الشغل جان ما فكرتي جيه
والله المستعان

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

[...(مريّة)...]

ليش أختي تسوين جيه ؟
ريلج قال لج شو اللي يباه ، الهدوء ،
تعاقبينه بإنج تبين تحسسينه إنه
مب موجود ؟ حرام أختي مب زين جيه ،
صح إنتي تبين تسولفين وتطلعين اللي
في خاطرج بس مب إنج تحسسينه إنه
مب موجود ! الريال إذا ما يحس إنه موجود
في بيته وين تبينه يحس بهالشي ؟

الله ييسر لج أمورج ويهديكم يا رب

[مشاعل-2008]

انا ريلي الحمد لله لصقه أقوى من السوبر جلو مل ما يخوز عني و حتى لو كان ساير المقهي يشلني وياه يوديني بيت أمي و لازم نتعشى مع بعض و كل شي نسويه مع بعض

[دلوعة_أحمد]

انا ريلي الحمد لله لصقه أقوى من السوبر جلو مل ما يخوز عني و حتى لو كان ساير المقهي يشلني وياه يوديني بيت أمي و لازم نتعشى مع بعض و كل شي نسويه مع بعض

لوول الله يرحم ايام اول !! جي كنا انزين. الحين يب يكون مقص .. وين ما انا اكون يقص يقص يقص هيهيهي

[الشموع]

انا ريلي الحمد لله لصقه أقوى من السوبر جلو مل ما يخوز عني و حتى لو كان ساير المقهي يشلني وياه يوديني بيت أمي و لازم نتعشى مع بعض و كل شي نسويه مع بعض

الله يديم محبتكم و يحفظكم يارب...الله الله بالمــــــــعوذات

[دلوعة_أحمد]

انا بس ابا اعرف شو ممكن الوحدة تشغل عمرها فيه داخل غرفتها ؟؟

[***الفراشة***]

انا حالتي اصعب عن حالتج
انا ريلي يداوم 3 ايام و يطلع يوم اجازة وفي يوم اجازته يكون مشغول اما انه يخلص اشغاله الخاصة او يخلص اشغال اهله او اي شغلة ثانية يعني يكون مشغول اغلب الوقت و ما اشوفه الا فالليل و طبعا يكون تعبان و ينام على طول
حتى انه يكون مداوم فالاجازات و الاعياد يعني تخيلي ان صار لنا 3سنين و نص متزوجين و لين الحين ما قضى وياي ولا عيد و انه يكون مداوم طول ايام العيد

[اميـ بوظبى ـره]

والله يا دلوعه احمد ما حد فاهمج غيري انا .. نفس معاناتج بالضبط ..

مع ان حالتى نفس حاله اخت علميه بالضبط .. من الشغل للجامعه .. والويكند مشغول بالدراسه ..

بس صح على قولتج ساعات يكون متفيج يلعب مع بنته .. ويقعد مع ربعه ويستقبل التلفونات .. ويطالع المبارايات ..

عيل انا وين سرت ؟؟؟

ماشاء الله قبل كنا 24 ساعه .. اللحين ماادري ليش انقلب الحال ..

وبعدين كل وحده تقولج راعى وشوفى وضحى وماادري شو .. بس لو كانوا مكانج بيسون العكس ..

والله يالغاليه انا مليت من هل التصرف .. هل الويكند انا جنى يالسه بروحى .. صح انى عندي جامعه بس انا حاليا موقفه ..

بس صدق محتاجه اهتمام ومشتاقه صدق على قولتج للكلام وياه .. بس هو مايحس .. وايد كلمته وخبرته لكن لا حياه لمن تنادي لدرجه انه ساعات يوم ارمسه مايرد على من اصله ولا يتجاوب.. يعنى في عالم ثانى .. انقهررررررررر فعلا .. يعنى حتى دقايق . ماتروم تسمعنى !!!!..
بس من اليوم انا مسويه بصراحه مقاطعه .. مااكلمه وخليه فحاله لين هو مايلاحظ .حتى الطلعه يستخرسها على ..
قهر فعلا قهر

وانتى صدق يتى على الوتر الحساس ..

الله كريم شو نسوي بعد .. مثل ماهو يسوي جى انا بعد بسوي جى ... وخله هو بحياته وانا بحياتى


شكله كل واحد اسمه احمد لازم يكون جى

[,،؛حـور؛،,]

ان شاء الله تستفيدين من الخوات

[فطومـة]

اممم
اليوم انا زعلانة. انا ريلي يطلع من الساعة 9 يسير الدوام و يرد وقت الغدى يتغدى ويانا و عقب يرد الدوام و يرد على صلاة المغرب يصلي في المسجد و يرد البيت. فيعني تقريبا من الساعة 7 هو في البيت و انا اكون مشتاقتله و ابا ارمس و ابا اسولف و هو و لا على البال؟ يقول انه محتاج هدووووء لأنه طول اليوم و هو يرمس. و انا عكسه. طول اليوم مع صياح عيالي و لا زعيج امه و محتاجة اني ارمس! فالحين قررت اني اسكت عنه و ما ارمس .. فبشو تنصحوني اشغل عمري داخل البيت ؟ مع العلم اني بديت اطبخ خفايف .. شوربات و جي. و اقرى قصص.. و ادش المنتدى .. بس ابا شي صدق يشغلني عنه لدرجة انه يوم يدش ما احس انه هو موجوووووووووووود لول
شوروا علي
ادري مب مشكلة عوده بس انا محتاجة هواية و لا شي اقدر اتسلى فيه في البيت ؟

حلو ها الوقت الساعة 7 تكونين نومتي اليهال وسويتي العشا الطيب وخليج هادية عشانيرتاح ويسولف لج من قلبه


واا على الوقت اشتركي في الموضوع اللي في توقيعي

حفظ القران الكريم وايد مريح وقيم وان شالله يهدي اعصابج

مووووفقة