شوروا علي ؟

[دلوعة_أحمد]

اممم
اليوم انا زعلانة. انا ريلي يطلع من الساعة 9 يسير الدوام و يرد وقت الغدى يتغدى ويانا و عقب يرد الدوام و يرد على صلاة المغرب يصلي في المسجد و يرد البيت. فيعني تقريبا من الساعة 7 هو في البيت و انا اكون مشتاقتله و ابا ارمس و ابا اسولف و هو و لا على البال؟ يقول انه محتاج هدووووء لأنه طول اليوم و هو يرمس. و انا عكسه. طول اليوم مع صياح عيالي و لا زعيج امه و محتاجة اني ارمس! فالحين قررت اني اسكت عنه و ما ارمس .. فبشو تنصحوني اشغل عمري داخل البيت ؟ مع العلم اني بديت اطبخ خفايف .. شوربات و جي. و اقرى قصص.. و ادش المنتدى .. بس ابا شي صدق يشغلني عنه لدرجة انه يوم يدش ما احس انه هو موجوووووووووووود لول
شوروا علي
ادري مب مشكلة عوده بس انا محتاجة هواية و لا شي اقدر اتسلى فيه في البيت ؟

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[دلوعة_أحمد]

ليش محد يرد ؟

[علمية]

الغالية أنا ظروفي أسوأ عن ظروفج أنا ريلي يروح الوام الصبح ومن الدوام يطلع يروح الجامعة وما أشوفه غير الساعة 8 ونص ومرات الساعة 9 بليل ‘ يصلي ، يتعشا، يتسبح وعلى طول يرقد،،، اتخيلوا مايكون عنده وقت حقي وحق عيالي وكل وقته متنرفز ومتضايج وطفران،،، وفي الويكند ايكون وقته موزع بين الدراسة في البيت وإلا في الدوام يحاول يخلص شغله،،، وعلى فكره طول ما هو في الدوام مايتصل بي لأنه ماعنده وقت يرد على التيلفون،،،،،، في فترات أحس إني محتاجه حد اتكلم معاه واتضايج من ظروف ريلي بس بالمقابل مستحيل ابين له هالشي ومستحيل أطنشه يوم يوصل البيت أو ما أتكلم معاه بالعكس ،،، الغاليه خلي ريلج على راحته ولا تضغطين عليه بأسلوبج خليه يحس إنج مقدرة ظروفه وصدقيني ما بينسالج هالشي طال الزمن أو قصر،، خليه يوم يرد البيت يحس بالترحيب منج ، لا أطنشينه واتحاولين تنشغلين عنه هلاأشياء كلها بتزيد المسافات من بينكم ماتقرب أبداً ،،،،،،،موفقه حبوبه

[judy abbott]

هو قال يريد هدوء...بس مش معناته انج يوم يدخل البيت يحصلج عالنت و لا مشغولة بشي ثاني و مطنشتنه...

لا...هو يريد هدوء...يعني تقدرين تيلسين عداله و تهمزينه...دلكي راسه...ييبي كريمات تنظيف للوجه ...واذا يعجبه ريلج يلسي و نظفي و يهه مع التدليك ...

فظي عمرج حقه يوم بيي...بس بدون ما تحسسينه انج ثقيلة و اتسوين كل شي بألحاح...

يمكن عيالج حشرة مثل اللي عندي...يوم ايي ابوهم كلهم يركظون صوبه فيتضايق...

حاولي في الوقت اللي يرجع ابوهم فيه انج تشغلينهم بشي يحبونه العاب تعليمية مثلا معجون رسم تلوين...

خليه يوم يدخل البيت يتفاجئ بالهدوء...وغير هذا خلي الغرفة اضاءتها خفيفة و دخنيها ...يعني جو مريح ...

خذي الصينية اللي تنحط عالسرير...وحطيله عصير فريش وشي خفيف ياكله عقب ما يرجع من الدوام...

وحببيه فالقعدة ..وكوني خفيفة.....

[ام غريبه]

امممممممم
حبوبه انتي شو هواياتج اصلن
يعني اذا تحبين الطبخ دخلي كل مواقع الطبخ و طبعي لج طبخات و جمعيهن و رتبيهن في كتاب حلو هذا بيشغلج لفتره
بعدين سيري قري قصص لعيالج لعبيهم قضي وقتج معاهم
طلعي عند اهلج اذا تقدرين ...و روحي زيارات ....غيري جو شوي

لحتى تهدي النفسيه
بعدين بدي تغيرين ريلج شوي حتى لو هو يريد هدوووء اكيد مشتاق لج مره طرشي له مسج تعبرين له عن حبج و ولهج له و هو بعدي

و هالافكار

و ان شاءالله اكون افدتج
^_^

[آيس كريم]

امممممممممممم الغاليه كلام الاخت علمية صح

بس لو كان قصدج تنشغلين (بعد ماترحبين فيه وتحسسينة انج مشتاقتله)
جربي الاشغال اليدوية اذا تحبينها؟!! اممممم ممكن اتييبين البوم كبير وتزينينة ومن داخل حطي فيه صوركم العائلية وقصيها وعدليها وسويلها حركات وتحت كل صورة حطي عبارة (مكتوبه بالكمبيوتر بالالوان وقصي الاحرف ولصقيها عدال بعض بشكل شبة عشوائي)
هالفكرة بالذات بتاخذ منج وقت وااااااااااااااايد خاصة اذا انتو من النوع اللي تتصورون وايد
انا بديت اشتغل في البوم خاص فيني انا وريلي من كنا صغار حطيت صوري وصورة وعقب المراهقة وعقب يوم شوي كبرنا وعقب الملجة والعرس وبعد حطيت شهر العسل والصور الباقية وكل سفراتنا وطلعاتنا يعني بالتدريج ماكملته بس توني بديت فيه وياخذ وقت وايد بس والله الفكرة حلوة منها تنشغلين بشي ومنها تسوين مفاجئة حق ريلج ومنها تحفظين الذكريات بشكل حلوو

ممكن بعد تسوين شغلات طفولية حق عيالج (اذا كانو وايد صغار) انا ماعندي عيال بس قبل كنت احب ارتب واسوي حق عيال اختي وعيال اخوي يعني حركان من اشيا بسيطة بس تخلي شكل الغرفة حلوو

اشيا وايد الغاليه ترومين تسوينها انتي بس حددي شو تحبين وشو اكثر شي ممكن تبدعين فيه وتوكلي على الله والافكار بتطلع وياج شوي شوي
وارد اقول لا تهملين ريلج ترى اهم شي هو وبعدين هالسوالف

[M & S]

لا حبيبتي لا هملينه بالعكس انتي أكثر وحده في هالحاله يتوقعج تفهمينه
لانه هوه اصلاً يشتغل لج ولعياكم.. افهميه وحسسيه انج صابره
رغم كل الضروف وشوقج له جيه بيزيد حبه لج.. وشوفي شو الاشياء اللي تريحه
غيييير انج تسكتين عنه وتنطنشينه لانه مستحيل يرتاح بسكوتج عنه هوه بعد متزوج ليرتاح
واذا بتقولين شو ذنبج؟؟
لا بالعكس انتي محضوضه هالشي مثل الفرصه.. وبعدين الحرمه لازم تضحي
الحرمه اذا عرست تبدا تضحياتها .....
وبالتوفيق والله يصبرج

[* أم أحمد]

حبيبتي اول ما ريلج يوصل البيت رحبي فيه وبعد ما ارتاح شوي اييبيله شي ياكل وخليه مرتاح وانتي تتلعبين في شعره او
ادلكين ريله اوجسمه اواييبيله ماي دافي مع الملح حطي ريله في الماي ، الغالية بعدي عنه حشرة اليهال لأن انا مجربة الرياييل مول ما يحبون حشرة الصغارية والله يصبرج ويصبرنا ع الرياييلنا

[حزن قلبي]

كلام الاخوات كلها صحيحة، انا في شهر العسل ريلي قال لي " لو تسكتين يكون أحسن" وفعلا سكت و ما تكلمت موليه يوم كامل، و إحنا في الغربة يعني بروحنا، و اسويله كل شي ، و يوم يكلمني و يسألني ما أجاوب عليه بس أخدمه ، وانا ما كنت زعلانة بس أباه يحس شوية اذا سكت شو بيصير، و بعدها يترجاني اتكلم و ما اسكت.
والحين يوم يقول لي "حشرتيني" اقول له " خلاص بتم عالصامت" يقول لي " لالا دخيلج برايج ارمسي من اليوم لباجر"
و طبعا كل هذه سوالف، ما توصل للجد لأنه اذا ريلي يبغي الهدوء اتفهم شوي و اشغل عمري في المطبخ او بالتلفزيون.

[ام فطامي11]

هلا
اقول خفن شوي عن الريايل لو تحسن بمسولية الشغل جان ما فكرتي جيه
والله المستعان

[دلوعة_أحمد]

الغالية أنا ظروفي أسوأ عن ظروفج أنا ريلي يروح الوام الصبح ومن الدوام يطلع يروح الجامعة وما أشوفه غير الساعة 8 ونص ومرات الساعة 9 بليل ‘ يصلي ، يتعشا، يتسبح وعلى طول يرقد،،، اتخيلوا مايكون عنده وقت حقي وحق عيالي وكل وقته متنرفز ومتضايج وطفران،،، وفي الويكند ايكون وقته موزع بين الدراسة في البيت وإلا في الدوام يحاول يخلص شغله،،، وعلى فكره طول ما هو في الدوام مايتصل بي لأنه ماعنده وقت يرد على التيلفون،،،،،، في فترات أحس إني محتاجه حد اتكلم معاه واتضايج من ظروف ريلي بس بالمقابل مستحيل ابين له هالشي ومستحيل أطنشه يوم يوصل البيت أو ما أتكلم معاه بالعكس ،،، الغاليه خلي ريلج على راحته ولا تضغطين عليه بأسلوبج خليه يحس إنج مقدرة ظروفه وصدقيني ما بينسالج هالشي طال الزمن أو قصر،، خليه يوم يرد البيت يحس بالترحيب منج ، لا أطنشينه واتحاولين تنشغلين عنه هلاأشياء كلها بتزيد المسافات من بينكم ماتقرب أبداً ،،،،،،،موفقه حبوبه

الله يعيييينج

[دلوعة_أحمد]

كلام الاخوات كلها صحيحة، انا في شهر العسل ريلي قال لي " لو تسكتين يكون أحسن" وفعلا سكت و ما تكلمت موليه يوم كامل، و إحنا في الغربة يعني بروحنا، و اسويله كل شي ، و يوم يكلمني و يسألني ما أجاوب عليه بس أخدمه ، وانا ما كنت زعلانة بس أباه يحس شوية اذا سكت شو بيصير، و بعدها يترجاني اتكلم و ما اسكت.
والحين يوم يقول لي "حشرتيني" اقول له " خلاص بتم عالصامت" يقول لي " لالا دخيلج برايج ارمسي من اليوم لباجر"
و طبعا كل هذه سوالف، ما توصل للجد لأنه اذا ريلي يبغي الهدوء اتفهم شوي و اشغل عمري في المطبخ او بالتلفزيون.

اشغل عمري في المطبخ بس امه اتحب تطبخله (هاي المشكلة الثانية) و عايشين في البيت مع اهله فيعنيمافي مجال اني ايلس في الصالة و انا مرتاحة. و هو راحته في الغرفة. و انا مالي غير هالغرفة .. فشو ممكن اسوي داخل الغرفة .. هو يطالع التلفزيون و يوم ابا ارمس يرفع ايده انه اسكتي اشوي خليني اسمع لول

[دلوعة_أحمد]

حبيبتي اول ما ريلج يوصل البيت رحبي فيه وبعد ما ارتاح شوي اييبيله شي ياكل وخليه مرتاح وانتي تتلعبين في شعره او
ادلكين ريله اوجسمه اواييبيله ماي دافي مع الملح حطي ريله في الماي ، الغالية بعدي عنه حشرة اليهال لأن انا مجربة الرياييل مول ما يحبون حشرة الصغارية والله يصبرج ويصبرنا ع الرياييلنا

بالعكس! هو يطنشني انا و يلس يلعب عياله ! عشان جي انا انقهر منه. انه عنده وقت حقهم و انا لا .. و في الليل يعطيني ظهره و يبغي يرقد لو ما انا احتشر و اقوله لازم اتجابلني و ترقد

[دلوعة_أحمد]

امممممممممممم الغاليه كلام الاخت علمية صح

بس لو كان قصدج تنشغلين (بعد ماترحبين فيه وتحسسينة انج مشتاقتله)
جربي الاشغال اليدوية اذا تحبينها؟!! اممممم ممكن اتييبين البوم كبير وتزينينة ومن داخل حطي فيه صوركم العائلية وقصيها وعدليها وسويلها حركات وتحت كل صورة حطي عبارة (مكتوبه بالكمبيوتر بالالوان وقصي الاحرف ولصقيها عدال بعض بشكل شبة عشوائي)
هالفكرة بالذات بتاخذ منج وقت وااااااااااااااايد خاصة اذا انتو من النوع اللي تتصورون وايد
انا بديت اشتغل في البوم خاص فيني انا وريلي من كنا صغار حطيت صوري وصورة وعقب المراهقة وعقب يوم شوي كبرنا وعقب الملجة والعرس وبعد حطيت شهر العسل والصور الباقية وكل سفراتنا وطلعاتنا يعني بالتدريج ماكملته بس توني بديت فيه وياخذ وقت وايد بس والله الفكرة حلوة منها تنشغلين بشي ومنها تسوين مفاجئة حق ريلج ومنها تحفظين الذكريات بشكل حلوو

ممكن بعد تسوين شغلات طفولية حق عيالج (اذا كانو وايد صغار) انا ماعندي عيال بس قبل كنت احب ارتب واسوي حق عيال اختي وعيال اخوي يعني حركان من اشيا بسيطة بس تخلي شكل الغرفة حلوو

اشيا وايد الغاليه ترومين تسوينها انتي بس حددي شو تحبين وشو اكثر شي ممكن تبدعين فيه وتوكلي على الله والافكار بتطلع وياج شوي شوي
وارد اقول لا تهملين ريلج ترى اهم شي هو وبعدين هالسوالف

فكرة الألبوم وايييد حلوة. و سويتها مع اول بيبي و عقب وردت على الثاتي. ان شالله بشتري البوم و بسوي اللي قلتي عليه

[...(مريّة)...]

ليش أختي تسوين جيه ؟
ريلج قال لج شو اللي يباه ، الهدوء ،
تعاقبينه بإنج تبين تحسسينه إنه
مب موجود ؟ حرام أختي مب زين جيه ،
صح إنتي تبين تسولفين وتطلعين اللي
في خاطرج بس مب إنج تحسسينه إنه
مب موجود ! الريال إذا ما يحس إنه موجود
في بيته وين تبينه يحس بهالشي ؟

الله ييسر لج أمورج ويهديكم يا رب