خطبتي هالاسبوع :(

**آهات القلب** · 2008-01-15, 13:38

شحالكم حبايبي
يقولون خطبتي هالاسبوع
وانا للحين مب مسوية شي
اخاف ايوني اهل المعرس قصدي الحريم وانا مب شارية لبس حق الخطبة
نوروني الله ينور عليكم؟ شسوي؟شو البس لهم فستان ولا مغربيه؟
الشعر قلت بستشوره وبفتحه لانه قصير
بس اللبس ماعرف شو

على فكرة تراها بتكون عائلية فالبيت يعني
ساعدووني

المزيد من آخر المواضيع من نفس القسم:

**قصايد الهاملي** · 2008-01-15, 13:51

ممم الغاليه اذا خطوبه عاديه البسي خوار ( مخور ) بس يكون حلو

**آهات القلب** · 2008-01-15, 13:53

مشكورة على ردج السريع
انا هم قلت جذيه بس خواتي يقولون البس فستان خفيف وانا استحي صراحه
والله مب عارفه

**قصايد الهاملي** · 2008-01-15, 13:54

ممم اوكيه حلو فستان بس حاولي مايكون وايد عاري او فخم

شيء بسيييييييييييط

**أم سلطانM** · 2008-01-15, 14:01

مخور أو تنورة وقميص ولا تبالغين كوني طبيعية وعاديه ...

**أم سلطانM** · 2008-01-15, 14:02

ألف مبروك مقدما والله يتمم لج عخير

**احب الخير** · 2008-01-15, 14:06

ممب حلوه اول مره بشوفج وانتي لابسة المغربي ... على الاقل بدلة كاشخة او فستان خفيف راقي .. عشان تبرزين ..

لان الشيء الخفيف يبرز الشكل ... ويحلى ...واكثر الناس صارو يحبون الكلاسك ... والله يسعدج ووفقج

**بنت_دبي1** · 2008-01-15, 14:09

اولاً الف مبروووووووووووووووووووك وتستاهلين كل خير.....

وثانياً اذا حفله بسيطه يعني تقدرين تلبسين مخور أو تنورة وقميص وخليج طبيعية وعاديه..

**بداية new** · 2008-01-15, 14:10

فستااااااااان بسيييييييييط ومكياج بسييييط

**حزينة زايد** · 2008-01-15, 14:17

رايي من راي الاخت احب الخير

**فرحة الامارات** · 2008-01-15, 14:27

ألف مبروك مقدما والله يتمم لج عخير

**آهات القلب** · 2008-01-15, 15:01

تسلموون حبايبي ع آرائكم ومروركم
والله يبارك فيكم وعقبال العزابية
الله يكتب اللي فيه الخير ^_^

**غــــاية** · 2008-01-15, 15:05

البسي تنورة و قميص بس يكون شي فخم و راقي و سشوري شعرج و حطي ميك آب خفيف و الله يوفقج . .

**...(مريّة)...** · 2008-01-15, 15:10

حبوبة حسب ستايلهم ،
شوفي الحريم اللي بيّن عيايز
ولا متوسطات ولا كيف ؟

إذا عيايز البسي مخورة غاوية وفلي شعرج
إذا متوسطات البسي بدلة ولا مغربية

عني أنا لبست بدلة تجنن ،
الحريم كانن عيايز ومتوسطات ،

الله يوفقج ويسعدج يا رب ^_^

**الرحاله** · 2008-01-15, 15:14

مخور أو تنورة وقميص

مبرررررررررررررررررررررروك عقبالي ان شاء الله

الموضوع: خطبتي هالاسبوع :(

أدوات الموضوع

عرض

خطبتي هالاسبوع :(

المزيد من آخر المواضيع من نفس القسم:

المواضيع المتشابهه

|| خطبتي بعد اسبوعين ||

خطبتي هههههههه

باجر خطبتي ....

خطبتي بعد يومين

تقريير خطبتي ^^