مشكلتي ما اشبع !!!

[ام عماري]

السلام عليكم...
ولله انا مشكلتي مشكلة ... شوي يضحك وتزعل فنفس الوقت...

انا اصلا طبيعة جسمي مليانه شوي... قبل ما اعرس خففت وزني لين 54 لانه طولي 155 ... ويوم عرست وصل وزني 64 بس ماكان مبين وايد يعني كنت متينه بس حلو وكل حد يشوفني يقول انتي جذيه اوكي ....
وبعد الولاده وصل وزني 70

والفاجعه ....

امس وزنت وانصدمت اني زدت 3 كيلو ...


ساعدوني شو اسوي احس اني آكل وما اشبع ... اتعشى الساعه 7 واحس خلاص فالليل اكون ميته من اليوع وحلجي مايتسكر لين وقت الرقاد...
وطول الوقت لازم يكون شي في ايدي آكله

ااكل ولدي وآكل وياه

متضايقه ما اعرف شو اسوي...
ولدي الحين عمره سنتين وريلي يبغيني احمل وانا ما ابغي...
ولد واحد وجذيه سوا فيني عيل عقب شو بيصير فيني..

متضايقه ما اعرف شو اسوي...

المزيد من آخر المواضيع من نفس القسم:

• اهم أسباب تراكم الدهون في الظهر وطرق التخلص...
• بغيت خلطة تسمين
• حيل ذكية لخسارة الوزن بفعالية وفي وقت قصير
• اسرع طريقة للحصول على بطن مسطح
• اهم أسباب ثبات الوزن أثناء الرجيم وطرق...
• احذري هذه الانظمة فهي تخسس لكن تدمر
• رجيم قاس جدًا سريع المفعول لنسف الدهون بالجسم
• تعرفي على رجيم الكورن فليكس
• تعرفي على جدول في السعرات الحرارية للخضروات
• افضل حمية غذائيّة لإنقاص الوزن بسرعة

[MshakeL]

استشيري اخصائية تغذية و هي بتسويلج برنامج يضعف و يشبع بنفس الوقت
وشي منهن يسون مساجات تضعف
بس لاازم يكون عندج اراده حبيبتي
مووفقه

[كيوت ومن]

انا بعد اذا كلت الليل وتميت واعيه ارد ايوووع مرة ثانيه
بس وزني وع وع وااااايد نزل موول مايزيد
ماعرف شو سبب وعندي بيبي

[عطر الزهر]

هدي اعصابج الغلا
اهم شي الارادة
وان عزمتي صدقيني بتوصلين للي تبيه
واهم شي اذا حبيتي تحملي لازم تنزلي وزنج
شربي واااااااااااااااااااااايد ماي
وجربي تحاولي بعد الساعة 6 لا تاكلين شي
راح تتعبي اول يومين بس بعدين شوي شوي المعدة بتصغر صدقيني
وحاولي تسوي اي رياضة نطي الحبل وايد زين ومسلي
والله يوفقج يا رب

[KHULO0O0OD]

روحي عند إخ ــصاائية تغ ــذيه أح ــسن لج بوااايد ^^
هم أدرى بمصلح ــتج ^^

[rose_rr]

حبيبتي انا نفسج متنت وايد عقب العرس بس شو بعدني ماحملت خخخخخخخخ هالمصيبه عيل اذا حملت كيف بستوي...

بقولج شي ليش ماتسوين رياضه على الاقل الاكل الي بتاكلينه تحرقينه انا كسوله في هالسوالف بس ش اسوي الحين خذت من عند ام عبدالحمن القهوه التركيه الي اتضعف واتسد الشهيه بس الي يقولج خذي حبوب لا تاااااااااااااااااخذين ابد ابد... وعلى الاقل نزلي 10 كيلو عقب ردي احملي عشان اذا زدتي 10 كيلو اتكونين مثل قبل واتردين اتنزلينهم....(انا قاعده اتفلسف وااااااااااايد ومااشف عمري كيف مستويه قاعده اكتبلج واقول حق عمري قولي حق نفسج هالكلام خخخخخخخخ)


يلا الله يسهل علينا ونضعف...

[meme1234]

شربي شوربه الملفوف كل ما يعتي ولا كيوي ولا اناناس

[ام عماري]

مشكوريين خواتي على نصايحكم..
بس المشكله انه ارادتي ضعييييييييفه موووووووول...
بس انشالله بحاول اخفف اكل علشان اصغر معدتي...

اختي رزو جربتي القهوه... شو رايج فيها.؟؟

[مــريــم]

اول شي لازم يكون عندج دااافع ..


كل ما اتين بتاكلين اتذكري انج تبين تضعفين واتخيلي الاجسام الحلووه اللي في التلفزيون <<< بس كدافع ..


وبعدين لاتخففين مره وحده لانه صعب ...


يعني اول شي امنعي عمرج من الاشياء اللي تمتن شوي شوي ..

يعني قللي من الدهووون ..


لاتاكلين جبس وككاو ..


يوم بتيوعين سدي يوعج بفواكه ولا خضروات ..


وتدريجيا بتتعودين ..

واكل الليل ودريييييييييييه ..


وخل عندج اراده قووويه

وبالتوفييق .... <<<<<< وايد اتفلسفتي فكينا .. خخخخخخخ

[شفافة الشوق]

انا نفسج بعد

لكن الحمدلله من بعد ما خذت حبوب زين الاتات احس ان بطني متروووس

[وردة الامل]

كثري سلطات وخفي الاكل وسوري رياضة

[ظبية الامارات]

وانا شراتج والله مستويه خمامة ازط الخضر واليابس ... مليت ابا اسوي رجيم وكل يوم اقول باجر ..

انا قريت عن رجيم التمر من احد العضوات .. قلت بجربه ان شاء الله بس متى مدري ههههههههههه