طالبتكم طلبة

**شرجاوية200** · 2008-01-14, 17:17

هلاااااااا بالحلوين.. طلبتكم بدت زيارات التوجيه والادارة لنا وبغيت افكار لدروس الضرب 7 و 8 و9 .. ارجوكم سعفوني ولا تخلوني والدروس للصف الثالث ( مدخل للدرس حلو) وافكار ثانية ضروري الله يخليكم

المزيد من آخر المواضيع من نفس القسم:

**мiss.busџ** · 2008-01-14, 17:36

جاري المساعدة ان وجدت ^_^

**شرجاوية200** · 2008-01-15, 01:12

مشكورة اختي وجزاك الله خير بتكسبي فيني اجر

**شرجاوية200** · 2008-01-16, 04:57

يالله ما طالبة بيت شعبي طلبت درس او افكار ... على العموم مشكورين على المنتدى الفاشل وسامحوني بهالكلمة لانه ما يلبي طلباتنا وقررت اشارك في منتديات ثانية

**منى الحمادي** · 2008-01-16, 10:34

ان شاء الله البنات بيساعدونج

**شرجاوية200** · 2008-01-16, 16:56

شكرا اختي منى .. بس انا ما عندي وقت تعرفي التوجيه وبلاويه ما يرضي باي شي والاخوات شكلهم مستبخلين بأفكارهم عليناااااااااااااا

**أنين الحزن** · 2008-01-17, 13:02

مرحبا اختي :
قبل ما أقولج أفكاري بقولج ..مب حلوة تقولين عن المنتدى إنه فاشل ، تراج تجرحين مشاعر كل شخص منتسب للمنتدى من إدارة للأعضاء ..ولو البنات شافوا موضوعج ما بيساعدونج بسبة الكلمة اللي قلتيها..."السموحة "
أما أفكاري لتحفيظ التلاميذ جدول 9 فهي :
9 ، 18 ، 27 ، 36 ، 45 ، 54 ، 63 ، 72 ، 81 ، 90
خليهم يلاحظون إن الأرقام في الأحاد تنازلية : 9، 8 ، 7 ، 6،5 ، 4 ،3 ،2،1 ،0
وفي العشرات تصاعدية 0 ، 1، 2 ، 3 ، 4 ، 5 ، 6 ، 7 ، 8 ، 9
وإذا كتبتيها رأسي تكون أوضح
وطريقتي لجدول 8 ، 7 بتكون صعبة شوي على ثالث والسموحة
بس ممكن تستخدمين المكعبات الملونة ، والحلويات ، والأقلام علشان توصليهم فكرة الضرب ومفهوم الضرب اللي هو الجمع المتكرر

**شرجاوية200** · 2008-01-17, 15:15

شكرا اختي انين وانا اعتذر عن الكلمة وبصراحة ما قصدتها بس حبيت استفزهم واقدم اعتذاري لكل اعضاء المنتدى ولولاهم ما حصلنا افكار حلوة
والسموحة مرة ثانية... وعزيزتي مشكورة على الفكرة بس انا بغيت مدخل للدرس يوم اشرحه

**فلونة** · 2008-01-17, 20:22

بالنسبة لجدول 9

خلهم يفتحون ايدينهم ويرقمونهن من 1 ألين 10 من اليسار لليمين

يعني رقم 4 بتكون السبابة في الايد اليسار

المهم...

احينه يوم تقولين 9 × 4

بيجسفون صبعهم السبابة اللي هو رقم 4

بيكون الباقي 6 ارقام على اليمين

و3 ارقام ع اليسار

يعني الناتج

36

أتمنى تكونين فهمتي طريقتي

**فلونة** · 2008-01-17, 20:29

بالنسبة لرقم 7 صعب احسه ع اليهال

بس بخبرج

7 × 1 = 07

7 × 2 = 14

7 × 3 = 21

ــــــــــــــــــــــــــــــــــــــــــــــــــ ــــــــــــــــــــــــــــ

7 × 4 = 28

7 × 5 = 35

7 × 6 = 42

ــــــــــــــــــــــــــــــــــــــــــــــــــ ـــــــــــــــــــــــ

7 × 7 = 49

7 × 8 = 56

7 × 9 = 63

ــــــــــــــــــــــــــــــــــــــــــــــــــ ــــــ

لاحظي قسمت المجموعات لثلاث مجموعات

الرقم اللي علي يسارج الناتج بيكون تصاعدي.. 0، 1، 2، 2، 3،

المهم الغالية... العدد اللي على يمينج بيكون مثلاً رقم 7 لأول واحد

العدد اللي عقبه 7 - 3

اللي عقبه ناتج 7 - 3 = 4... يعني 4 - 3 = 1

بني للمجموعة الثانية...

أول عدد عبارة عن العدد اللي طلعناه أول شي اللي هم رقم 7 + 1

فبيكون 8.. والاعداد اللي عقب تنقصين 3 في كل مرة

والمجموعة الثالثة 8 + 1 = 9.. وعقب تنقصين 3

بس وايد صعبة ع اليهال

**فلونة** · 2008-01-17, 20:32

بالنسبة لرقم 8... بتقسمينه لمجموعتين...

من 8 × 1 ألين 8 × 5

العدد اللي ع اليسار بيكون تصاعدي.. يعني 0، 1، 2، 3..........

والعدد اللي ع اليمين بيكون تنازلي كل مرة بعددين.. 8، 6، 4، 2، 0

وعقب نبدأ من أول ويديد عند رقم 6.... بيرد من أول ويديد.. 8، 6، 4، 2، 0

والأعداد اللي ع اليسار بيكون يبدأ من رقم 4، وعقب عد تصاعدي..

**شرجاوية200** · 2008-01-18, 00:49

مشكورة يا اختي فلونه وافكارج حلوة وان شاء الله استفيد انا وكل من يطالع الموضوع منها وسامحينا تعبناج

الموضوع: طالبتكم طلبة

أدوات الموضوع

عرض

العرض المتطور