امى تدعى عليه شو اسوى

[ام امينة]

بسم الله الرحمن الرحيم

حبيت اعرض عليكم مشكلتى وهذه اول مره اعرضها انا انسانه متزوجه وعندى عيال اربعه اكبرهم عمره 16 سنه والحين هوه فى العمره الله يحفضه بس للاسف عندى امى دايم تدعى عليه بالموت علشان عيالى يتيتمون وتدعى عليه انى ما اتوفق مع عيالى وريلى واكون دايمنا فى مشاكل وعذاب وهذا الكلام الى اقول لكم صدق ليش انا ما سويت لها شى واحترمها وانا من النوع الى ما يروح لبيت ابوى الى فترات بعيده لانى انا فى اماره وهم فى اماره اخرى يا بنات الى تقرا الرساله تقولى هل دعاء الام مستجاب فى هذه الحاله ولا لا وهى ما ادانينى لانى انا ما اكلم اختى الكبيره لان خلاف صاير بينا وانا الحين عادى ابى اكلمها بس هى ما تبى بس هى كانت سبب المشكله امى وابوى وايد يحبونها ويصدقون كلامها بس انا انسانه مش صغيره انا الحين عمرى 36 سنه واعرف معنى الام والاحترام بس خايفه الله يستجيب لدعاها قولولى الله يستجيب لدعاها ولا لا

المزيد من آخر المواضيع من نفس القسم:

• لأنّه جعل الفقير ييعش مع المؤمنين لا مع...
• الإكتئاب طاعون العصر الحديث بحث مرجعي...
• كيف تكون إيجابيا ؟
• كيف تتعامل مع ذاتك بطريقة صحيحة؟
• كيف تقوي ذاتك؟
• كيفية تطوير الذات بطرق بسيطة
• افضل طرق لتطوير الذات وزيادة الثقة بالنفس
• اهم المهارات التي تحتاجها لتطوير الذات
• طرق تطوير الذات في مجال العمل
• اقتباسات ~ مُهرة القَصر

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[فيض]

الصراحه قلبي عورني اختي فديت امي الله يخليها عمرها مادعت علي بس اختي انتي شوفي يمكن السبب منج لان في خلاف بينج وبين اختج وامج تباكم تردون لبعض عشان جذه هي مقهوره وتبا تبين لج بس انتي حاولي تتقربين منها وقولي لها امي مب زين ترى دعاوي الام ماتنرد ولا سمح الله في طوفة ملك الله استجاب لدعائها عقب مابيفيد الندم .. الله يخليج لهلج ولعيالج ويهدي امج

[شمعة...]

دعاءالظالم مستجاب حبوبة بس دامج ماظلمتي حد اكيد ربج مابيظلمج

ثقي بنفسج دامج ما اخطيتي لاتخافين

ياليت لو تسالينها سبب داءها عليج وتخبرينها انج كبرتي وهالشي يضايقج ان امج تدعي عليج

جربي تشترينلها هدايا انا امي كانت تدعي علي بس من بديت احبها ع راسها واشتريلها هدايا وامازحهها قل دعاءها علي

بالتوفيق حبوبة

[دلوووعة أمها]

الله يهدي أمج إن شاء الله .. بس اتوددي لأمج .. كلميها كل يوم بالتلفون دامج ما تقدرين اتسييرين بيتهم دوم .. اشتريلها هدايا واخذيهم معاج .. ترى الحريم الكبار تعيبهم الهدايا .. الله يهدي بال أمج عليج ... ويهدي أختج إن شاء الله وتردون مثل قبل وأكثر ..

[شمس الود]

يا ختيه حاولي تتفاهمين مع أمج بكل هدوء ولى تراه بعدين ما ينفع الندم كله ولا رضى الوالدين وتخبريها شو ألي غاضبنها عليج وليش زعلانه وشو تبغيج أسوين وأذا تبغي تراضي بينج وبين أختج حاولي مع أختج حتى لو تحبينها على راسه كله من أجل رضى الوالدين .
والله يهديها عليج .

[طي السنيين]

أمج يمكن متعوده وعلى لسانها دائما الدعاء بس لازم تقولين لها مب زين تدعين علي لأن الملائكه ترد الدعوه وتقول ولك مثلها خاصه لو كنتي متأكده إن إنتي ما غلطي فعلا وتبرينها
والطاعه للوالدين لا تقتصر على الشي الذي نرغب به لا وإنما بالأمور المكره لنفوسنا ولا نرغب بتنفيذها هنا الطاعه ويظهر الصبر بطاعة الوالدين
عليج بكثرة الإستغفار

[بداوه]

الله يهديهااا ويحفظج من كل مكرووووووووووووووووه انتي وعيااالج ..
والله حرااااااااااااااام هالدعااااوي

[ام امينة]

مشكورين على هذا الرد انا اقرا ردودكم واصيح لانى عمرى ما ضريت امى وهى جدامى بشى ومن وراى بشى ثانى انا اختى قالتلى انا تدعى عليه وانا دايما استغفر بالمسباح والله يهديها هى جدامى تحترمنى بس من وراى جذى

[فيض]

انزين اختي انتي بيني لها قولي لها فلانه او اي حد وايد تدعي على عيالها ماعليه اجذبي وقولي انا قريت انه مب زين والدعاوي مستجابه واهم شي رضا الوالدين وجذيه وتمي ادعي لها بالهدايه وان شاء الله مابيصير لج الا اللي الله كاتبنه ولا تضايجين واتصلي لها دوم وسلمي عليها وتوددي لها والله بتتغير ان شاء الله

[ساره فيصل]

الله يهدي امج انشاءالله بس اتعرفين ساعات دعاء الام مستجاب لان انا بنت خالتي الله يرحمها كانت دايما تدعي عليها امها اللي هي خالتي انها تموت وهي حامل وفعلا بعد اربع سنوات من العاء المستمر ماتت بنت خالتي وكان عمرها 33 سنه وكانت حامل بالشهر السابع في حادث سياره وتركت وراها 5 عيال كان اكبرهم 11 سنه واصغرهم 2 كان معاها في السياره بس الله نجاه . الله يرحمها انشاءالله ويهدي امج يلسي معاها وحاولي تتقربين منها وسيري عند اختج واتسامحي منها ترى الدنيا ما فيها خير

[* أم أحمد]

حبيبتي امج ما تقصد تدعى عليج بس لأن هي يوم اتكون معصبة ما تعرف شو تقول والله يهديها إن شاء الله

[قصص]

حبيبتي

ادعي لأمج بالهدايه ودايما ذكريها بانها تدعي لج وموب عليج

ما روم اقولج وعيوني تدمع


لانها استوت هالسالفه وعند اقرب الناس لي

ما اروم اقول السالفه

لانه قلبي يعورني

لكن دعوت الام تصيب

من تصبحين اقري على نفسج وعيالج المعوذات وسورة الكافرين ثلاث مرات

والله يحفظهم

[elmoon]

الله يهدي أمج ويعينج ..... الأم كل الحنان كيف ترضى تسوي جي بعيالها

[امونة2006]

الله يعينج يالغالية ...انت دوم حاولي تتقربين منها اكثر وشوفي شو المشكلة الي خلتها داعي عليج وعلى ريلج وعيالج واكيد بتحصيل الحل

[Soul_night]

الله يعييينج شو هالام شقايل تدعي عليج !
رمسيها بالطيب وسايريها وطاعي شو فخاطرها ^^ ويلسي وياها وحطيلها قناة اسلاميه
والله يهديها