الشهر السادس؟

**مياري الحلوه** · 2008-01-10, 16:11

السلام عليكم ورحمة الله و ربركاته

اشحالكن؟

انا وايد اتقلب وقت الرقاد وانا الحين في الشهر السادس فهل هالشي يثأثر على البيبي لان وااايد قالولي هب زين لازم انش اقعد وارقد الصوب الثاني ..

وعندي بعد آلام تحت يوم اكون راقده او قاعده بس تحت من داخل فهالشي يصير عند الحوامل ولا ؟

بليز ابغي الرد السريع

المزيد من آخر المواضيع من نفس القسم:

**جروح_دمية** · 2008-01-10, 16:27

اولا وقت الحمل توقعي الالم في كل مكان انا حتى يوم اظن بطني يعورني..بس انتي يوم تراجعين يقولون عندج التهاب ولا؟؟ ترا احيانا الالم بسبب الالتهاب...وعند الرقاد انا بعد سمعت حد يقول مب زين انج تنجلبين وايد وانتي راقده بس انا بصراحه ما استحمل لازم انجلب والحمدلله مالتف الحبل السري ع ولدي..

**hope_dxb** · 2008-01-10, 16:51

من الافضل تيلسين وتنجلبين

**اتعبني@غروري** · 2008-01-10, 18:58

حياتو انا نفسج اعاني من هالشيء كله اتجلب وانا عالفرااش يعني ما اعرف اصطلب وارقد بجهه معينه ,,
كله اتقلب ,, االله يعين البيبي احسه يعااني ,,

اما عن الآلام حتى انا اعاني منهااا .. رحت المستشفى قالت لي عندج التهابات بس خفيفة ,, مب مشكلة وحاولي انج تشربين ماي وااايد او عصاااير هالشيء اللي وصتني فيه الدكتوورة ,,,ولا تنسين الراااحه التامه ,, لاحقة عالحركه والتفكير
خلج مرتااحه دوووم ولا تفمرين فشيء والله بسهل عليج حبيبتي انا اعاني من آلام شرات الدوورة واكثر شيء جهه اليسااار بس الحمدلله الخوات اللي معانا طمنوني ,,

**Um_Rakan** · 2008-01-10, 21:48

نصيحة أرجوكم لا تتجلبون، بسم الله عليكم والله يحفظم جميع بنت صديقي انجلبت فجأة وتوفت النونو في بطنها وكانت خلاص باقلها اسبوع، ارجوكم تحملو على عماركم وكلنا ترا يالسين نتألم بس الأجر عند رب العالمين

**أم الذيب** · 2008-01-10, 22:19

عيل انا بقولكم شي انا في عيالي الاثنين انام على بطني واتجلب عادي كاني كورة تتدحرج <<<<<<<<<< امحق وصف

المهم تخبرت الدكتورة قلتلها امي كله تهزبني وتقولي اقعدي وعقب ردي نامي

قالتلي تعرف كم طول الحبل السري اللي خايفين انه يلتف على رقبه الياهل اذا ما خانتني ذاكرتي 3 امتار يعني هو اللي بيلعوزج هب انتي بتلعوزينه

وتوكلت على الله وعشت حياتي

بس الشي الوحيد اللي كان يخليني انش وايلس الضيقه من الحموضه والا اني ايلس متملله وهب عارفه انام خخخخخخخخ

خل عنكن الخوف الوايد واللي تقول الحامل ما تنام على ظهرها زين ويوم بتيين تربي بتربين واقفه والا منسدحه على بطنج

اكيد بتنامين على ظهرج بس الافضل النوم على الجنب الايمن اتباع لسنه الرسول وعشان الياهل ياخذ راحته في السباحه والتمشي في كرشتج خخخخخخخخخخخخخخخخخخخخخخ

والشي الثالث عشان المعده ترتاح وما يكون عليها ضغط وتسببلج حموضه واذيه

وربي ايسرلكن حملكن آمين يا رب العالمين

**bent_dalma2007** · 2008-01-10, 22:54

;انا بعد في الشهر السادس بس المشكلة الشد يمسك في ريالي ابو الشباب متلعوز وياي

**مراحب الحلوة** · 2008-01-10, 23:55

أنا عندي نفس المشكلة ما أحس بعمري و أنا نايمة و أنجلب بدون ما أنش من الرقاد

الموضوع: الشهر السادس؟

أدوات الموضوع

عرض

الشهر السادس؟

المزيد من آخر المواضيع من نفس القسم:

المواضيع المتشابهه

الشهر السادس

الشهر السادس

نزول ماي في الشهر السادس

جدول تطوّر الطفل: من الشهر الأول حتى الشهر السادس

دم في الشهر السادس ............. شو السالفه؟