كيكة الزواج ......سؤال

**"دلع"** · 2008-01-08, 06:45

السلام عليكم ورحمة الله
حبيباتي بنات الامارات بغيت أسألكم عن كيكة الزواج او الملكة
اللي ملاحظاه انه كلكم تحطونها عالكوشة

احنا الكيكة مو مهمه عندنا بالغالب واذا حطيناها تكون اول ماتطلع العروس بداية الزفة يقطعوها ويأكلوا بعض ويكملوا الزفة

بس عاجبتني حكاية انها تتحط عالكوشة
عشان كذا أبغى أسألكم كم سؤال

الكيكة تحطونها قبل الزفة ولا بعدها ولامتى
والعرسان ينزفوا ويجلسوا شوي بعدين يقطعوها ولا أول مايوصلوا الكوشه
وبعد ماتتقطع الكيكة تبقى عالكوشة ولا يجي احد يشيلها او يجي احد يقطها وتتوزع ولا شلون
يمكن تشوفوا الموضوع مايستاهل بس اتمنى انكم تجاوبوا عليه
وكل وحده تحكينا عن كيكة فرحها

وهذي هديه لكم

المزيد من آخر المواضيع من نفس القسم:

**Um Maryoom** · 2008-01-08, 09:45

ابصراحة ..... في العادة نحط الكيكة بعد ما المعرس والعروس ينزفون...
عساب عقب يقطعونها سوى ....
ويأكل المعرس العروس وتأكل العروس المعرس من الكيكة.....
وفي بعض العرسان ياكلون من نفس القطعة.........لووول

إن شاء الله تكون هالمعلومة يديده ومفيدة.....

تحياتي: أم مريوم

**عذيج الريم** · 2008-01-08, 09:56

عاده الكيكه تكون اوريدي موجوده على الكوشه قبل لا تنزف العروس وما تناكل الا لمن ايي المعرس
وبعدين المعرس والعروس يقطعونها مع بعض وكل واحد ياكل الثاني وبعدين تتقطع للمعازيم ويوزعونها

موفقه

**mo0on2008** · 2008-01-08, 11:11

المشاركة الأصلية كتبت بواسطة عذيج الريم

عاده الكيكه تكون اوريدي موجوده على الكوشه قبل لا تنزف العروس وما تناكل الا لمن ايي المعرس
وبعدين المعرس والعروس يقطعونها مع بعض وكل واحد ياكل الثاني وبعدين تتقطع للمعازيم ويوزعونها

موفقه

بس بغيت ازيد شوي ...

في عرايس ما يبون الكيكة موجودة الا يوم المعرس يدخل ...

عشان الصغار اللي في العرس ما يتعبثون فيها و يخربونها ..

و السموحة ..

**قمّاري** · 2008-01-08, 12:26

ما عندي شي يديد ازيده ونفس ما قالت موون ما تنحط الكيكه الا عقب ما ايي المعرس

عشان اليهال الفضوليين

**الغوا والزين** · 2008-01-08, 13:00

مثل ما قالت عذيج الريم

**"دلع"** · 2008-01-08, 15:35

مشكورات حبيباتي صدق متعاونات
فعلا افدتوني

بس عندي سؤال مين اللي يقطع الكيكة ويوزعها الخادمات ولا اهل الزواج

**"دلع"** · 2008-01-09, 09:26

مشكورة حبيبتي حزن ومشكورين كل اللي ردوا
الف الف شكر

**بنت دجله** · 2008-01-09, 16:37

يمكن انا رايي بختلف شوي

ما احب الكيكه تكون على الكوشه احس انها تخرب المنظر لووووول <= الناس اذواق

و اتوقع احسن انها تنحط قريب الوقت اللي يقطعون فيه الكيكه

و عن قطعها العرسان يقطعوها طبعا والتوزيع اكيد الخادمات لان العدد كبير
يعني هم يدخلوها المطبخ او اي مكان ثاني و يقطعوها كامله و بعدين تتوزع على المعازيم

احس اني طولت لووول

ربي يوفقج

**"دلع"** · 2008-01-10, 08:23

مشكورة حبيبتي بنت دجلة
وفعلا احس ان الكيكة المفروض ماتكون عالكوشة من قبل عشان الاطفال
واتصور انه المفروض بعد ماينزفون العرسان ويتصوروا يجيبوا الكيكة ويقطعوها العرسان
مشكورين عالمرور

الموضوع: كيكة الزواج ......سؤال

أدوات الموضوع

عرض

كيكة الزواج ......سؤال

المزيد من آخر المواضيع من نفس القسم:

المواضيع المتشابهه

سؤال للي يسوون كيكة قدرة قادر ؟؟

سؤال عن فحص الزواج ؟!

سؤال عن فحص ما قبل الزواج

سؤال عن كيكة الكيري ..