ولدي فيه جدري

**@ام حمد @** · 2008-01-04, 02:17

خواااتي اتمنى انكم اتساعدوني ولدي فديته البارحه لاحظت فيه حبوب فيها مثل الماي خفت واليوم وديته العياده وقالي ها بداية الجدري الحمدلله انج اتلاحقتي عليه عطاني دواء بس الله يخليكم الا عندها خبره في الاعشاب او اي شي اتمنى انها اتفيدني

المزيد من آخر المواضيع من نفس القسم:

***nawari*** · 2008-01-04, 03:12

ما عندي اي فكره إن شاء الله الخوات ايفيدونج

و الله يشفيه إن شاء الله

**أم الذيب** · 2008-01-04, 17:47

هلا الغاليه

ما يحتاج لا اعشاب ولا شي

اهم شي لا تثقلي عليه باللبس وكله يلبس ملابس قطنيه

وتحذري تسبحينه والا بيزيد اكثر واذا هو صغير يلبس حفاظات الافضل تلبسينه الحفاظات القطنيه يعني اللي تنغسل

وحطيله الدواء اللي عطوج اياه في العياده دوم لانه يساعد الحبوب تنشف وما يخليها تنتشر في الجسم اكثر

ومتى ما نشفن الحبوب كلها

يبيله ماي بحر ودفيله اياه شوي لان الحين برد وسبحيه به وان شاء الله يقوم الصبح ولا كانه كان مجدر من قبل

انا سويتها ويا ولدي الصغير اللي فقير ما كان ينشاف ويه من الجدري ويوم سبحته في البحر قام الصبح وما فيه اثر حبه وحده او كان مجدر

ا
وبتقولين زين يبى سبوح بقولج بفوطه دافيه امسحيله جسمه كل يومين وبس ويهه واطرافه يعني كف ايده وقاع ريله بشكل يومي

وان شاء الله يروحه عنه

**بـدووويـة** · 2008-01-04, 17:49

انا بعد فيني جدري واحين ففتره الاخيره بس انتبهي اتحكينه لانه يبقع انا مبطله كمن وحده واحين شكلهم غير بس لا تاكلينه اشياء مقليه ولا تسبحينه

**@ام حمد @** · 2008-01-04, 21:10

تسلموووووون خوواااتي والله ما قصرتو
اختيnawariمشكوره على المرور
اختي ام الذيب جزاج الله الف خير على ها المعلومات ان شاء الله بسوي مثل ما قلتي
اختي بدووويه الله يعافيج ان شاء الله ما تشوفين شر ومشكوره اختي

**Princesses** · 2008-01-05, 00:18

أهم شي لا تسبحينه بماي وفي غسول فالصيدلية للي فيهم جدري

**@ام حمد @** · 2008-01-06, 01:32

مشكوراااااات خوااتي ما قصرتو

**هيام2** · 2008-01-06, 02:15

هلا اختى سلامه ولدك الف سلامه عادى الغاليه ماتخافى انا بنتى جبته عدوه من المدرسه واتصاب بيه اولادى الاربعه فى وقت واحد اهم شيئ لاتلبسينه اى ملابس فيها الياف صناعيه لبسيه قطنيات حتى لاتسويله حكه لان المسكين هالحبوب مؤلمه جدا

انا عندى فى مصر كنت استعمل له مس لونه روز اسمه كالاميل مادرى ان كان عندكم ولا لاه وهذا ليهدا من الحكه وكنت استعمل معاه بالتبادل مس لونه ازرق غامق عندنا اسمه جينتيان وهذا لجفاف الحبوب حتى لاتترك اثر

وماتخافين حبيبتى كل العيال يصابون بيه وسلامته الغاليه

**roghaye** · 2008-01-06, 14:32

ما عندي اي فكره إن شاء الله الخوات ايفيدونج

و الله يشفيه إن شاء الله

**الوتر الحزين** · 2008-01-06, 14:45

الغلا خامس يوم له والله نصيحه وديه البحر يتسبح انا اسوى جذيه بعيالى لان الدكتور قالى ماي البحر يكويه ولا يخليله اثار انتى وديه الضهر وعلشان مايكون الجو بارد عليه والله نصيحه حتى مابيعلم في جسمه

**@ام حمد @** · 2008-01-07, 02:47

خواااتي تسلمووون والله ما قصرتو
حبيت اطمنكم عليه الحمدلله بفضل الله ما انتشر وايد بجسمه اتلاحقت عليه واستمريت على الدواء
ولين الحين استخدم الدواء وبوديه البحر عشان ما يعلم في جسمه
وجزاكم الله الف خير

**ام صلحلح** · 2011-06-06, 21:26

انا قالولي ماي البحر مب زين

**طموحه بوظبي** · 2011-06-07, 02:05

منتشر الحين وايد يهال اعرفهم ياهم

الموضوع: ولدي فيه جدري

أدوات الموضوع

عرض

العرض المتطور

ولدي فيه جدري

المزيد من آخر المواضيع من نفس القسم:

المواضيع المتشابهه

جدري الماااي .. تعبنا منه !

ولدي اليوم فيه جدري..ساعدوني

الجدري المائي في الاطفال اعراض جدري الماء هل جدري الماء هو chickenpox ام smallpox

تلاحقوووني..فيني جدري

جدري الماء