كنت يالسه على المنتدى الساعه 9:30 واتعرفوا شو صار!!

**These Me** · 2008-01-01, 09:42

[

SIZE="6"] السلام عليكم ورحمة الله وبركاته

بدش بالموضوع على طول

بنات قسم بالله أمس هذا اللي استوالي : كن يالسه
أتفحص بالمندى من القسم العام الى قسم
المشكلات الاجتماعيه وهكذا .. حسيت بخوف
ما أدري ليش واتهيأ لي أسمع أصوات قلت
أكيد تهيآآآت بس حسيت في شي كنت في هالوقت
حاطه ولدي على صدري وأحاول أرقده بس ما عرفت
شو بلاه مب راضي يرقد حسيته متروع شراتي وكأنه
منكتم ما أعرف شو صار له بعد .

خفت وما أدري ياني احساس انه باب
الصاله مب مقفول ناديت الشغاله قلتلها الله ايخيج
روحي شيكي على الباب يمكن مفتوح وفعلا الباب طلع
مب مقفول !! في هاي اللحضه أنا رجعت أيلس مكاني
وسمعت الشغاله يوم دخلت غرفتها وسكرت وراها اباب.

هنيه بنات أسمع لكم صوت خطوات وخرخشه كندوره
وخطوات طفل والله العظيم وأنا أكتب الوصف ألحين تييني
قشعرريره . من سمعت الصوت قمت أنادي بصوت عالي
باسم بنتي على أساس انه بنتي تميت أنادي والخطوه
مستمره في الصاله الي فوق واحذال غرفتي وبعدها حسيت
الخطوات راده مرثانيه اهنيييه ناديت الشغاله بصوت عالي
وتميت أناديه . يييييييييت أبا أطلع من غرفتي خفت لكن طلعت
وأنا أتوايق يمين يسار وبعدين طلعت لي الشغاله من غرفتها
قلتلها سمعتي شي قالت لا سرت غرفه اللعيال كلاهم ارقوووووووود
وعيتهم مب طايعيييين اينشون لأنهم امسطلين من عقب لعب
طول اليوووووم .

سألت الشغاله سمعتي شي قالت : يس مدام آي هير
بيبي وووووك
سمعت ياهل يمشي

والله العظيم بنات سمعت هالصوت ومتأكده منه .

اتصلت في أخوي قلته وين انته قالي أنا ما بيي اليوم

اتصلت بأخوي الثاني قالي أنا بتأخر بييي عقب الساعه 12

اتصلت بأختي قلتها تعالي اسهري وياي قالت أصلا أنا راقده!!

اتصلت بريلي احليله طلع راقد قالي شو فيج قلته ما فيني
شي قلته ما كنت أعرف انك راقد تصبح على خير قالي شو فيج
قلتله السالفه قالي تتخيلين وتم يتصلي بين فتره وفتره .

الشغاله ما طاعت ترقد بروحها فرقدة وياي أنا واللعيال .
شغلت سوره البقره عند راسي من تيلفوني ما فيني
ارقاااااد لكن حسيت اني غفلت اتصل ريلي وقالي هاااااا شو
أحوالج ما رقدتي ؟؟؟ هني جسمي يتنافض ما أعرف شو ياني
أنا خايفه والله بس ما قلتله . طول الليل و أنا متوتره قريت المعوذات.

معقوله بنات !! شو في بيتنا ؟؟

[/SIZE]

المزيد من آخر المواضيع من نفس القسم:

**خزامة** · 2008-01-01, 10:08

بسم الله عليج الله يحفظج يارب

اكثري الغالية من القرآن وقراءة المعوذات والذكر والاستغفار وان شاء الله مايضرونج

وتظاهري انج ما تسمعي شئ ولا تهتمي يعني طنشيهم وهم بيختفوا وما بتسمعي صوتهم البارحة رأس السنة زادت المعاصي والمنكرات وهي أكثر ليلة يُعصى فيها الله سبحانه

ذكرتيني بربيعتي الله يخليج هاي عايشين معها أنا كنت ما اصدجها اول بس بعدين سألت عيالها لصغار والكبار وأكدولي كلامها

حتى مرة سرنا العمرة وساروا معها حتى تسمع صوت يهالهم وحتى مبايلاتهم ...بس هي ما شاء الله عليها ما تخاف تخبرني وهي تضحك وأنا ارتجف من الخوف

عفانا الله

الله يحفظنا ويحمينا هو خير حافظا وهو أرحم الراحمين

**وداد القلب** · 2008-01-01, 10:11

اسم الله عليج اختي تعوذي بالله من الشيطان الرجيم.....
تصير وياي شرات السالفة لكن اكتشف اني متوهمة ..
او اقنع نفسي اني متوهمة
عقب ارتاح

**منشغل بالها دوم** · 2008-01-01, 11:23

أختيه توكلي على الله .. بخبرج بسالفتي مره كنت سهرانه و أسوي وسائل حق ولدي و سمعت صوت كندوره كأنه ريال يمشي بسرعة في الصاله طالع من الحمام وداخل سيده لغرفة عيالي و هم رقود فيها صح خفت على عمري بس لو تشوفيني في أيدي مقص من الكبار و أربع على طول أدوره مالقيت شي !! بس الدريشه في غرفتهم كانت مبطله أهمال مني !! ما أدري كيف نسيتها مع العلم ريلي يداوم في بوظبي و يبات هناك و لا خبرته لأني لين الحين ما عرفت اللي تراوالي أنس و الا جن لأنه خطف بسرعه و الباب مفتوح شوي كان بأمكاني أني أشوفه لو كان أنس

**ضي عيني** · 2008-01-01, 11:30

اختي نصيحه شغلي اذاعة القران 24 ساعه
والبقره كل يوم شغليها ,
وان شاء الله مابتحسين بها الاشياء

**3yo0on_Al_Maha** · 2008-01-01, 11:34

بسم الله عليج الله يحفظج يارب

اكثري الغالية من القرآن وقراءة المعوذات والذكر والاستغفار

**...(مريّة)...** · 2008-01-01, 11:35

تصير هالأمور أختي ، الواحد يغفل سبحان
الله عن الأذكار أو عن القرآن ، أو تلقين
اليهال لعبوا حزة المغرب ،،،
استمري على سورة البقرة

**ظبية الامارات** · 2008-01-01, 11:38

عليج بسورة البقرة واذكار الصباح والمسا والمعوذات ..

حصني عيالج بهالدعاء (( اللهم اني استودعك نفسي ووابنائي وبيتي امانه يارب احفظنا من اعين الناس وانفس الجن ))

وهالله هالله ف سورة البقرة اقريها او حطيها ..

**روح حبيبي** · 2008-01-01, 11:45

الله يحفظكم

موجودين في كل مكان اختي
اقري سورة البقرة كل يوم
وحطي القران في البيت
الساعة 12 ليللا سورة البقرة
في اذاعة القران الكريم

بعدين هم ما يضرون الا الي يضرهم

الله يحفظنا اميييييين

**بنت المزاايين** · 2008-01-01, 12:18

بسم الله عليج الله يحفظج يارب

**دلوعه الغالي** · 2008-01-01, 12:24

اسم الله عليج اختي تعوذي بالله من الشيطان الرجيم.....

**دخوون** · 2008-01-01, 12:24

يموووووووووووووك اختي ع طول شغلي القران ولا تحاولي تاذيهم وحاسبي اذا بتكتين ماي حار سمي قبل واذا طاج مج شي ولا طحتي بسم الله عليج بعد سمي واذا دخلتي الحمام الله يعزج لا تتكلمين وا تغنين ولا شي لان يمك تزعجيهم ويضروج وهالله هالله بالقران ع طول خليه شغال

**بنت زايد 78** · 2008-01-01, 12:27

الله يحفظج من أي مكروه ويحفط إعيالج إن شاء الله
الغالية تستوي هذي الأشياء وايد بس الواحد يتوكل على الله ويسمي بالرحمن ويرقد وقبل ما ترقدين حطي سورة البقرة تحفظ البيت من أي شيء ولا تخلين باب البيت أو الصالة مفتوح مرة ثانية الدنيا ما فيها أمان مثل أول ورد أكول الله يحفظكم أجمعين..

**ام -سالم** · 2008-01-01, 12:32

بصراحه زيغتيني لاني بروحي انا ف البيت

**][ro7 al7b][** · 2008-01-01, 12:33

بسم الله عليج الله يحفظج يارب

اكثري الغالية من القرآن وقراءة المعوذات والذكر والاستغفار

الموضوع: كنت يالسه على المنتدى الساعه 9:30 واتعرفوا شو صار!!

أدوات الموضوع

عرض

كنت يالسه على المنتدى الساعه 9:30 واتعرفوا شو صار!!

المزيد من آخر المواضيع من نفس القسم:

المواضيع المتشابهه

ادخلوا واتعرفوا على لغة الأطفال

,,,,,,,,,,, متى تدخلين المنتدى--- حطي الساعه,,,,,,,,,,,لليوم بس ^___^.

يالسه فالكوفي وسوي...؟؟

الساعه لدرس الساعه