محلات تجهيز الbaby

[ظبية الامارات]

حبيت أنزل هالموضوع لكل الأخوات الي يحتارون في جهاز البيبي وجلابيات الولاده ونبدأ باسم الله

1-أنا وطفلي

2- أنا وصغيري

3- pretty mother

4- الحلم الجميل

5- في وحده اسمها فاطمه وعندها محل

6- في وحده اسمها فاطمه المنصوري وعندها خياط فالبيت

والي تعرف تزيد على الي كتبته علشان يكون مرجع للأخوات ....

المزيد من آخر المواضيع من نفس القسم:

• أسباب آلام الركبة بعد الولادة وكيفية علاجه
• ماهو الطلق البارد والطلق الحقيقي والفرق...
• اهم أسباب التهاب الجيوب الأنفية أثناء الحمل...
• افضل طرق الاستعداد لفترة النفاس
• اهم فوائد الحليب للمرأة الحامل
• افضل عشرة طرق طبيبعه لتسريع الولاده خاص...
• اهم نصائح للحامل البكر في الشهور الأولى
• اهم أسباب الجوع المستمر عند الحامل وطرق...
• افضل مسكنات طبيعية تخلصك من الألم أثناء الحمل
• طرق للتخفيف من آلام الظهر بعد الحمل حصري

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[التــووح]

هلا اختي.. هالمحلات اللي تطرينهن وين؟

انا المحلات اللي اعرفها هي :
1-البيبي شوب
2-المذركير
3-نكست فيه لبسات حلوه بعد
4-اوكايدي
5-بي اتش اس
6- دبن هامز
7-وول وورتس

والحين الجمعيات ما شالله مب مقصره.. فيها احسن الماركات لاغراض البيبي
وغير وغير

اما عن جلابيات الولاده.. نحن عادتا نفصل
في فريج المرر:
1- خياط الريف
2-خياط ريم الجزيره

في سوق الحمريه:
خياط صباح النور

هاللي تذكرته الحين .. وان شالله لي عوده

[عنقود عنب]

التووح هالمحلات الي ذكرتنهن اختي ظبية الامارات .في بوظبي
في محل الحلم بس للتوضيح اسمه
محل الحلم الجميل في الخالدية
هالمحلات تبيع جلابيات وقمصان نوم للولادة شغل الدانتيل وسوالف الدلع واللازم منه
وبعد كفرات لاسرة المستشفى وللبيبي مع الاكسسورارات من لبس المحارم ..ولبس لكاسات العصير ...ولبس الدلال للشاي والقهوة لو حابة ......... وطبعا اشكالها اتكون وايد حلوة والاسعار احلى واحلى

[التــووح]

ماشالله.. مالهن فروع في دبي؟

[عنقود عنب]

التووح مااعتقد موجود افراع لهالمحلات في دبي
بس اكيد عندكم محلات يسوون نفس الافكار ان اشاء الله بنات دبي ما بيقصرون وبيدلونج على المحلات هاي
وكاني قرات في هالمنتدى بنات يسوون هالشغلات استفسري اختي
وبالتوفيق

[التــووح]

ان شالله.. وتسلمين

[السعادة الحقيقية]

ماشالله

[أم شـــواخي]

السلام عليكم
خواتي انا حامل في الشهر الثامن .. و أدور سليب باق حلو وراقي لبيبي .. الي عندها فكره يا ليت تخبرني ويفضل يكون في الشارجه ولا دبي

[زوجه همو]

في معرض ايوب في اشياء حلوة احلى من البيبي شوب

[التــووح]

السلام عليكم
خواتي انا حامل في الشهر الثامن .. و أدور سليب باق حلو وراقي لبيبي .. الي عندها فكره يا ليت تخبرني ويفضل يكون في الشارجه ولا دبي

اشياء راقيه بتلقينها في وافي فدبي.. خذيلج لفه هناك وان شالله بتلقين اللي يناسبج
والا حتى في برجمان.. الحين جمعوا محلات البيبي في ممر واحد :22 (12):

في معرض ايوب في اشياء حلوة احلى من البيبي شوب

والله؟ ووين هالمحل؟

[فراشة دبي]

السلام عليكم..في محل فالشارجه (فالخان)اسمه (( مملكتي )) وايد يمدحونه...صاحبته مواطنه..تسوي قمصان نوم و سليب باج..

انا الصراحه جربت انا و طفلي ووااااااايد عيبني اللي سوته لي..

[أم شـــواخي]

بحاول ان شاء الله امرهم قريب
تسلمون خواتي على الرد

[نعنوعه الدلوعه]

ولا تنسووووون محل أدمز حق البيبي وااااايد حلو...

[علبة شوكلاتة]

تسلمون اخواتي على الموضوع ... بصراحه انا محتاجه حيل مثل هاي المواضيع

[ilqa6wa]

التوح
محل أيوب في بوظبي
وأنا سرتله جريب لأني في التاسع وكنت أدور السليب باق عندهم
بس للأمانة شفت واحد نفس اللي في بيبي شوب بس الفرق أنه في أيوب يباه ب149 تقريبا وفي بيبي شوب سعره قبل التنزيلات 89 وبعد التنزيلات ب66 أو 67