قصتي ويا المعاريس

[فلفوله]

التوكل على الله كلنا نعرفه لكن منوه يطبقه صح؟ هاي هي المشكله..انا سويت شي في حياتي وندمت عليه قد شعر راسي ..طبعا انا ماتزوجت لين الحين..فقمت في يوم من الايام _من كمن سنه_ وسرت عند حرمه ايرانية يمدحونها وايد تقرا الفنجان وتشوف المستقبل (استغفر الله العظيم) والله مادري وين كان عقلي هاك اليوم ( وسرت وشربت قهوه وقرت لي الفنجان (وانا اقنع نفسي انه تسليه بس) لكن الشيطان كان حاضر ورغبتي في الزواج كانت اكبر من اي شي (استغفر الله العظيم واتوب اليه) وعقب عطتني ورقه وقالت ادفنيها جدام باب البيت وبييج المعرس اللي في خاطرج بعون الله (الله يهديها)وطبعا دفعت لها كمن نوط حمر(لو متصدقه فيهن جان ابرك لي).. والله يابنات ان من عقب مادفنت الورقه استوت لي امور -على مدى سنوات طبعا مش اليوم اللي عقبه- امور كنت احس ان الله يعاقبني لأني لجأت لحد غيره ...يارب سامحني االلي صار ان عقب فتره اختلفت ويا هلي وتضاربت ويا خواتي واخواني وعلاقتي بهم استوت شبه معدومه -عقب ماكنت دلوعتهم لأني الصغيره- وامي استوت ماتكلمني الا للضرورة وانا كرهتهم وكرهت عمري لاني ماعرست لين الحين المهم تفاقمت المشاكل في البيت لين وصل اليوم الطامه..اليوم اللي صدق ندمت اني لجأت فيه لغير الله ..اليوم اللي طلعت فيه من البيت منبوذه (وكانت تقول لي الحرمه ان عتبة بيتكم بيخطيها معاريس كل واحد احسن من الثاني) واللي حصل اني (انا ) اللي خطيت عتبة بيتنا لبيت عمتي العيوز في (شبه نفي) عقب ماتعبوا مني هلي ومن كثرة مشاكلي فطرشوني ايلس عند عمتي فترة لين اصطلب -على قولتهم- لان عمتي كانت مربتني وانا ياهل وتحبني........اليوم -وعقب كمن سنه- عرفت غلطتي وعرفت شو الفرق بين اني مسلمه اصلي الصلوات الخمس وبين اني (اتوكل على الله سبحانه حق التوكل) اليوم لو تنجلب الدنيا على راسي ماقول غيرالحمدلله ..كله من رب العالمين..وتعلمت اني ارضى وما اسخط ولا استعجل نصيبي..وتعلمت اسامح الناس لأن الدنيا ماتسوى جناح بعوضه..وتعلمت ان الله بسسسسسسسسس هو الرزاق واني لو مكتوب لي عرس او رزق أو وظيفه أو عيال أو منصب أو اي خير أو اي شي حلو في هالدنيا ما بييبه غير الله سبحانه وتعالى..وصدقوني يا بنات والله العظيم اني كثر ما ندمت اني سرت عند هاذيج الحرمه الدجاله كثر ما فرحت ان الله دلاني لطريج الحق (ولو اني تبهدلت وايد وايد وايد بس دوايه لأن المفروض ما انظر لصغر المعصيه ولكن لعظم من عصيت)..انا اليوم انسانه غير ..عانس صح..بس يكفيني ان الله سبحانه وتعالى يحبني وما خذ روحي وانا على معصيه وانا مش حاسه..الحمد لله الحمدلله الحمدلله مليون مره وصدقوني حتى لو ماعرست انا مش ساخطه ولا غضبانه -يمكن صح كل انسان يدورفي هالدنيا ونيس- بس قناعاتي تغيرت الحين وشوي شوي باديه ارد علاقتي بأهلي -لأني جرحتهم وايد- أمانه يابنات ماتكرهوني ولاتحتقروني بس اباكم تدعولي بالهدايه وان الله يتقبل توبتي...آمين..ولا تخلون أي حد في الدنيا يقنعكم ان الرزق والا الشفا والا التيسير بإيده (إِنَّمَا أَمْرُهُ إِذَا أَرَادَ شَيْئاً أَن يَقُولَ لَهُ كُن فَيَكُونُ (82) { ياسين}
وقوله جل ثناؤه : " ... وَمَن يَتَّقِ اللَّهَ يَجْعَل لَّهُ مَخْرَجاًّ (2) وَيَرْزُقْهُ مِنْ حَيْثُ لاَ يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْراً (3) {الطلاق }
وهم يسمعون حديث رسول الله – صلى الله عليه وسلم - : " لو أنكم تتوكلون على الله حق توكله لرزقكم كما يرزق الطير تغدو خماصا وتروح بطانا " وسامحونا

المزيد من آخر المواضيع من نفس القسم:

• من مظاهر التسامح الإسلامي الرحمة
• الصدقة وعلاقتها بالجهاد والنصر
• الهداية والثبات عليها
• الرحمن الرحيم جل جلاله
• الرحمة من لا يَرحم لا يُرحم
• العنف الاسري وقانون 10 لسنة 2019 الصادر...
• يعود ظهره طبقاً واحداُ
• الصحابة معجزته صلى الله عليه وسلم
• التسامح والرحمة في الإسلام
• صلة الرحم السعادة المهجورة

[فرحة الامارات]

يزاج الله خير
صدقتي لازم نتوكل ع الله في كل شي

[عالية الشان]

غفر الله لنا ولك ..
وبارك الله فيج على صراحتج ..

[twinkle]

اسأل الله العظيم ان يوفقك ويعلى شأنك ويفتح عليك ابواب رحمته ويرزقك من حيث لا تحتسبين وأن يثبتك على دينه ويصلح شأنك كله اللهم آمين

[صعب المنال2004]

اسأل الله العظيم ان يوفقك ويعلى شأنك ويفتح عليك ابواب رحمته ويرزقك من حيث لا تحتسبين وأن يثبتك على دينه ويصلح شأنك كله اللهم آمين

[samaryduba]

عسى الله ييسر امرج و يبارك لج في ايامج وييسر امورج ويا اهلج

[ام رفيده]

الله يوفقك اختي الغاليه وييسر امورك ويثبتك على الايمان واهم شي انك ندمانه على اللي مضى وفكري في المستقبل ان شاء الله يكون احسن ومن توكل على الله كفاه

[جنونيـه]

اسأل الله العظيم ان يوفقك ويعلى شأنك ويفتح عليك ابواب رحمته ويرزقك من حيث لا تحتسبين وأن يثبتك على دينه ويصلح شأنك كله اللهم آمين

[ايمانووو]

اسأل الله العظيم ان يوفقك ويعلى شأنك ويفتح عليك ابواب رحمته ويرزقك من حيث لا تحتسبين وأن يثبتك على دينه ويصلح شأنك كله اللهم آمين

[احبه موت]

الله يهديج ويثبتج ويسامحج يارب

[بنت-الشيوخ]

اسأل الله العظيم ان يوفقك ويعلى شأنك ويفتح عليك ابواب رحمته ويرزقك من حيث لا تحتسبين وأن يثبتك على دينه ويصلح شأنك كله

اللهم آمين ..

[زوال الليل]

اسأل الله العظيم ان يوفقك ويعلى شأنك ويفتح عليك ابواب رحمته ويرزقك من حيث لا تحتسبين وأن يثبتك على دينه ويصلح شأنك كله

اللهم آمين ..

[وردة الجاردينيا]

الحمد لله انتي تبتي و عرفتي شو سويتي

فيه ناس ما توب

[أم السعف والليف]

الحمدلله أنج مشيتي فهالطريق ورديتي بدرس مب كملتيه علشان اتطيحين في شي أشد وماشي احلى من التوب واللهي يهديج ختيه محد معصوم والحين مثل ماحولتي تصلحين علاقتج بربج حاولي تصلحين علاقتج باهلج اللي مالج غنى عنهموالله يثبتج

[ذات العماد]

أتمنى من الله ان يغفر لك لنا ويتوب عنا ...ويرزقنا الزوج الصالح ومن خيره ...اللهم آمين ..