خلاص كرهته

[مياري الحلوه]

مرحبا اشحالكن ؟

بنات والله بموت من الضيقه ماعرف شو اسوي !!

اتخيلوا من فتره رضيت مع ريلي وقال انه بيي البيت وبيشلني وطبعا اهله كانوا مسافرين بس اول ما وصلوا اهله البلاد تغير عليه ومايدق واذا دقيتله يسكر في ويهي والسبب امه وخواته يعلمونه واهليه قالولي لاتروحين معاه بتندمين بس قلت لا هذا ريلي وبروح وهو اللي قال بيي بشلج وللحين مايا ماعرف شو اسوي خلاص والله اني كرهته من تصرفاته احس انه ابدا ماله شخصيه وامه وخواته وااايد مسيطرين عليه !

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[Om 7aMda]

اختي الغالية ,,, عليج بالدعاء ان يتغير على اهله ..
لأنهم يدمرون حياته ....


عليج بالدعاء لاتستهينين بالدعاء

والله يرجعه لج احسن عن قبل ..

[...(مريّة)...]

هيه والله الدعاء أختي ،
هذا السلاح اللي تقدرين
به على أهله ، الله يهدي
لج ريلج يا رب

[مسك دبي]

الله يهديهم ان شاء الله
والله ماعرف شو اقولج
الله ييسر امورج

[Bluebutterfly]

الله يعيينج

[شيامي]

الله يعينج يا مياري الحلوه والله انا متابعه موضوعج وااايد استانست يوم قلتي انه رد على مسجج يوم العيد بس انصدمت انه رد مره ثانيه شراااااااااات قبل الله يهديه بس... بس لازم اتسويلج صرفه حرااام انتي حامل وهذا ولده وما يسال عنه ...واول بيبي بعد... يا برود قلب ريلج الصراااحه يرفع الضغط... حبوبه انتي لازم توضعيلج حل من الطرفين من صوب اهلج واهله لانه اللي قاعد يصير غلط انتي قاعده عند اهلج وهو قاعد عند اهله... شو فايدتكم امعرسين...


وانتي حامل صدقيني لازم اتخلين اهلج يرمسونه ويعرفون الزبده هو على شو ناااااوي بالضبط اذا يباج يي يشلج من اليوم بس اذا لا ولاسباب خله يولي... بس اهم شي اتعرفين شو نهاية هالموضوع...

انتي كلها كم شهر وبتربين وحرااام هالبيبي يطلع وما يحصل حنان ابوه او يتربى في بيئة مشاكل....

واخر نصيحه انتي لا تياسين تمي طرشيله مسجات وذكريه بولده دوووم وبربه صدقيني قلبه بيحن وبيرجعلج... وادعي ربج انه الله يهديه ...

قوليله شو ذنبه ولدنا بي هالموضوع... ريلج مب ياهل... حلاة الحمل يوم ريلج يكون حذالج حاس بمعناتج ومتلهف ومتشوق وياج ع البيبي وع ييته... وصدقيني اذا تم امعاند بيضعف يوم بتربين وبتشوفينه اول واااحد عند باب الحجره ومتلهف يبى يشوف ولده وبتنحل المشكله. . بس ان شاء الله يحن قلبه احين مب بعدين... لانه صدقيني بتبدون تكرهون بعض وحتى بعدين ما بتفكرين فيه...بغى يرجع يرجع واذا لا بتقولين طز..


خلج قويه ولا تضعفين وحتى لو تتفاهمين وياه بالمسجات او يي بيتكم واتفاهمي وياه بدون ما امه واخته يعرفون..

والله يسعدج يا رب وتفرحينه بالاخبار الحلوه وما نسمع الا كل خير ...

والله يحفظج

[النرجس]

الله المستعان


ربي يعينج ويصبرج اختي

[مزمزنه]

انا اعرف و حده حامل و تبى تتطلق من ريلها و السبب امه ,,,

[dubai girl]

االله يعيييينج
وحسبي الله ع اللي يخربون بين الزوجين

[رافينا]

لاحول ولاقوه الابالله العلي العظيم

ليش جي الاهل ماعليج الا الصبر والدعاء

والايام بتبين لج شو بيصير اصبري والله معاج

[**لمعة الماسه**]

حبيبتي... ريلج مستانس لانج بعيده عنه.. اكيد عنده حد

انا اسفه اني غثيتج بالرمسه لكن خذي نصيحتي... وصدقيني بتذكريني

من باجر شلي بعمرج وردي بيتج.. سوي حق ريلج مفاجأه.. تعدلي وتزيني ودخني غرفتج وعدليها بالورد ودقيله وقوليله انج تترينه بأحر من الجمر على سرير حبكم احم احم

صدقيني هو بعد متوله عليج بس رجولته وامه مايسمحوله.. لاتدخلين في حرب الطرف الاخر امه لانه اكيييد بيفضلها عليج لسبب بسييييط... (امك ثم امك ثم امك) دينا يأمره بهالشي.. وانتي لازم تستانسين انه مراعي امه لان اللي ماله خير في امه ما بيكون له خير فيج..

بس نصيحه تحملي تزعلين وتخلين ريلج.. لان الليل طويل والشيطان شاطر.. والريال بطبعه ملول واكيد الشيطان بيدخله من مدخل انج انتي تستاهلين الخيانه لانج هديته ورحتي وهو واي ريال عنده احتياجات ورغبات لازم يشبعها ان كان معاج او مع غيرج...

ولا تفكرين انج ان رديتي بينظرلج انج ذليله بالعكس بتكبرين بعينه وااايد وما بينسالج اياها.. ويمكن فالمستقبل ما يسمح لا لامه ولا لغيرها يطاول عليج عشانه عرف وشاف انج يتي على نفسج عشانه..

وشو أسوأ شي ممكن يصير.. ظنج بيروغونج!!!مستحيييل....
بيعقون عليج كلام؟؟ طنشي...
حطي جدامج هدف واحد حياتج الزوجيه والبيبي اللي في بطنج اللي محتاج اسره سعيده يعيش في وسطها...

تبين تعيشين مرتاحه طنشي اي شي يعصبج.. واي شي في خاطرج مب عايبنج ناقشي ريلج فيه لاتخلينه في نفسج وتتوقعين ان زوجج بيفهمج بروحه...

ربي يوفقج ويسعدج حبوبه

[أم غبيشه]

فديتج الغالية أحسن شي طنشيه فترة على أقل أسبوع و شو فيه بيتصل أو بيطرش مسجااات أو لا المهم هذي أل خطوة الثانية اذا ماطرش طرشيلة مسج قوليلة تصدق ابو فلان طريت على بالي فتحرك ولدك فجأة شكلة هو بعد مشتاااق يالقاطع
شوفيه شوبيرد عليج و طرشيله مسجااات تحسسه بالابوة يمكن يحن اما اذا طنش (من باعني بعته .....)

[ام هاشم]

الله يصله ويهديه

[سحايب دبي]

خير ان شاء الله ليش محصلنج في الشارع عشان يعاملج جذه

انا اقولج انتي بعد ادبيه واغلقي موبايلج ولو اتصلوا يبونج على البيت لا تردين وقوليلهم تفاهموا يا اهلي وقولولهم شو الغلط اللي سويته عشان ولدكم يعاملني هاي المعامله

ردي اعتبارج يالغاليه وما تستاهلين

الله يهدي سركم