طلب صغير

**شـــــهد** · 2007-12-25, 12:39

السلام عليكم اشحالكم بنات اليوم عساكم الا بخير
بنات بغيت منكم طلب صغير اربيعتي بتعرس جريب وطلبت مني اني ادور لها حركة حلوه لما تدخل القـــــــــــــــــاعة (الكوشة) فياريت اتساعدوني حتى اللي عرست وسوت حركة حلوة لما دخلت القاعة ياريت اتجولنا عشان العرايس الثانيات يستفيدون

المزيد من آخر المواضيع من نفس القسم:

**شـــــهد** · 2007-12-25, 12:40

وينكم؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

**انسة العين** · 2007-12-25, 12:49

ان شاء الله البنات يساعدونج

**ELMeeR** · 2007-12-25, 12:59

الغلا الحن ناادر وحده اتسوي حركه

لانه البعض يفكرون وخططون .. وبالاخير يخترب كل شي

هني العرووس تتضاايج .. وعادي عيونها تنترس دموع

فخل اتكون سنبل وما اتسوي شي .. بس اتكون مجهزه لها زفه حلوه وفيها شوي اثاره

والله يوفقها ويسعدها .. وعدي هالليله عخير

**شـــــهد** · 2007-12-25, 13:03

E LMeeR مشكورة أحتي على مرورج وجزاج الله الف خير

**مريم العامري** · 2007-12-25, 14:04

اخوي عرس في فندق جي دبليو ماريوت.. وطبعا عندهم نظام انه العروس تطلع من تحت في ستيج دائري متحرك.. حرمة أخوي طلعت من هناااك لين ما ارتفعت فوق.. وطبعا ما كانت شالة مسكتها.. يوم وصلت في القاعة تمت تروح عند كل بنت من البنات اللي في ايدهم وردة وكانو واقفين على شكل زقزاقي.. طبعا ها تحت الكوشه في الممر.. وتمت تحب كل وحده وتاخذ منها وردة.. وعقب وصلت عند وصيفتها اللي كانت تترياها في كرسي الكوشة وخذت منها مسكتها.. ووووبس..

في حركة ثانية سمعت فيها انه تكون العروس في عربة مثل الساندريلا وعقب تنزل منها ..

في بعد انه العروس اول ما توصل يرقصون حواليها فرقة خاصة من الحريم الراقصات الرقصات العجيبة ويلبسن لبس معين!!.. او يلبسن لبس معين مثل الفراشات ويرقصن مثل البالية لين ما يوصلون الكوشه وعقب العروس تروح لكوشتها

في بعد انه العروس اول ما تدخل ينرش عليها ورد من فوق تكون خلقه مسكرة ومجمعين فيها ورود او بالونات باشكال حلوة وزاهية وتنزل عليها اول ما تدخل..

او تمسك العروس مروحه يابانية رااااقيه وحلوة في تصميمها يعني ملكية وتسكر فيه ويهها بس عيونها يطلعون وتتم تمشي لين الكوشه عقب تلف عالناس وتشل عنها المروحه بطريقة حلوة!!..

في حركة بعد بس مادري ما ظنتي حد بيطبقهاا في الامارات كلها.. انه العروس تدخل مع ريلها في نفس الوقت يعني شرات الاجانب .. يعني تكون العروس ياية من باب من اليمين والمعرس من باب من اليسار.. ويتلاقون عند نقطة معينة ويمسكون ايدين بعض ويسيرون صوب الكوشه..

في حركة بس مادري اذا بتصير.. تكون نازلة العروس من فوق القاعة من السقف.. على كرسي ملكي او شكل قمر شي جي يعني.. مثل الاستعراضات مال الاولومبياد.. ويوم تنزل تنزل معاها رشات اللمعات وعقب اييون بنتين ويمسكون ايدينها وتنزل بطريقة حلوة وتروح لين الكوشة..

خياااااااااااااالي واااااااااااسع

لا تضحكون على افكاري الغبية خخخخ.. خاصة اخر فكرتين!! هاي مجرد افكااااار..

والسموحه ^_*

**شـــــهد** · 2007-12-26, 13:05

انسة العين مشكورة على مرورج اختي
مريم العامري مشكورة اختي على مرورج وااااااااااااااااااايد الصراحة افدتيني

**شـــــهد** · 2007-12-29, 11:16

up
>>>>>>>>>>>>>>>>>>>>>>>>>>>

**زهرة الوفا** · 2007-12-29, 13:43

اختي انا اعرف شاعر يسوي زفه بـ 500 درهم و اذا تبين يحطلج بعد اشياء بعد بيحط مثل شلات و .. الخ
و اذا بغيتي اتسويلها اهداء زفه باسمج واسمها و اسم ريلها بعد بيسويلج ..
والسموحه ..

الموضوع: طلب صغير

أدوات الموضوع

عرض

طلب صغير

المزيد من آخر المواضيع من نفس القسم:

المواضيع المتشابهه

طلب صغير

طلب صغير

طلب صغير،،،

طلب صغير