شيلة الجو غيم

[عهد السلام]

شيلة الجو غيم

الجو غيم وخابرك تعشق الغيم
دايم تقول إن المطر ،، لمّة أحباب
بدلت بغيابك جميع ،،، المفاهيم
صار المطر يبكي على لحظة غياب
ياصاح من عقبك ,,, تجرعت انا الضيم
والليل غير الهم والضيق ماجاب
يا ابعد الاقراب شوف المطر ديم
الجو طايب لكن الفكر ما طاب
ريحة ثرى وذكرى غلا ! فيني تهيم
وابيات شعر واغنية نوح وعتاب
ياللي هدمت الروح مافاد ترميم
والجرح منك يامنى الروح ينعاب
الجو غيم وخابرك تعشق الغيم
دايم تقول إن المطر ،، لمّة أحباب
واليوم جو الدار ياصاحبي غيم!
اطلب من الله جونا يجمع اغراب

شيلات شوق
شيلة خذاك وقت
خذاك وقتً عليه الناس سباقه
بين الوظايف وبين اللبس والموضه
والعاشق اللي سواتي لاح براقه
حنين شوقً رعدها يسبق النوضه(النهضة)
يا ليت عندي مع البدوان لو ناقه
اسج معها بعيدً عن أهل الفوضه
في خايعً حال دونه بيت ورواقه
او قفرة ما وطاها غير محضوضه
مع خوة عزها بالنور شراقه
بالطيب تعلا ولاهي حدر مخفوضه
ولشعر ناسً تجيد وناس ذواقه
في جال ضوً وكلً يبده ألحوضه
وجر صوتي من الونات حراقه
وفتل بيوتً جزيله ونقض انقوضه
على وليفً يتل الروح معلاقه
غرون غريرن ونفسي فيه محروضه
يبدي خياله على الوجدان بفراقه
مثله قلايل ولاني قادر اعوضه
وروح لجاه الغضي واقف على ساقه
فرض الغلا طولها تسندها اعروضه
وعيني تزايد هطول الذرف زراقه
في موقف اذعور ومحملني اقروضه
عزالله اني عانيت ولا عادلي طاقه
لو كان وقت الموادع فكره مرفوضه
وداعته في صميم القلب بعماقه
لو ان غثاها علي حلوه ومحموضه
ينبيه عني قصيدً ذبلت اوراقه
البعد بعضه كما انهار في روضه

المزيد من آخر المواضيع من نفس القسم:

• اجمل شعر راقي ومعبر عن عيد الفطر
• ابيات شعر مختارة عن الأخ
• اقوى شعر عن الحب
• شعر عن الترفع عن الرد
• شعر عن المعلم القدوة
• قصيدة جرح الزوج لزوجتة
• قصائد مدح في العم الكفو
• اجمل شعر عن ليلة القدر
• قصيدة كلك غلا
• اجمل شعر عن شهر رمضان

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا