أفكاااار لرمضان ....

[oldrose]

كل عام وأنتم بخير .. يا جماعة أنا كل سنة أسوي توزيعات لرمضان :
مرة سويت كتيب .. ومرة بطاقات .. بس ها ي السنة .. مب عارفة شو أسوي؟؟؟؟؟؟؟
الله ايخليكم اللي عندها فكرة أو معلومات حلوة عن رمضان ماتبخل علي فيها ...
والأجر بيكون لي و لكم...
أتريا ردكم ترى ما شي وقت :1 (25):

المزيد من آخر المواضيع من نفس القسم:

• المراد بقيام رمضان
• رمضان أقبل فأقبلوا
• شهر رمضان عبادات وأعمال واجبة ومستحبة
• الابتلاء في رمضان
• جاء رمضان فأعدوا واستعدوا
• رمضان فرصة الفرص
• لماذا نخسر رمضان
• رمضان فرصة الفرص
• إيقاظ الإيمان في شهر رمضان
• الجنة في رمضان

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[بنت الامارات]

اسمحيلي عزيزتي بنقله للقسم المناسب ..

وإن شاء الله البنات يساعدونج ..

[كريستال]

الغاليه ..

نسخي أشرطة لعلماء السعودية ووزعيها ..
أشتري ثلاجه ماء صغيره وعبيها أكواب للمصلين في التراويح وقيام الليل .. أنا سويتها العام الماضي ..
أطبخي وجبات خفيفة ووزعيها على المحتاجين ..
أشتري مثلا ملابس بسيطة وقدميها للأطفال المحتاجين قبل العيد بأيام ..
وزعي رز أو عدس ...

هذا اللي في جعبتي حاليا واتمنى أني أفدتج ..
ويزااج الله خير وفي ميزان حسناتج اللهم أمييييييييييين

[oldrose]

يزاج الله خير أختي .. هاي الأشياء أسويها الحمدلله ..
بس أنا أقصد ...أني مدرسو وأقوم بتززيعات كل سنة في رمضان على المدارس .. وحابة تعطوني فكرة يديدة لها السنة ...

[بنت الامارات]

انزين الغلا انا ما كنت اعرف ان انتي تبينه للمدرسة .. لكن بقولج بعض الاشياء اللي نحن نسويها ونوزعها ع المدارس .. العام سويت مجلة رمضانية خفيفة ومنوعة وصغيرة مثل الكتيب ووزعناها ع المدارس والمنطقة .. ومرة وزعنا فوانيس وكتبنا عليهم عبارة حلوه .. ومرة وزعنا امساكية .. بتحصلينها في النت .. تنخسين منها النسخ اللي تبين وتصغرين حجمهم على حسب اللي تبينهم وتغلفينهم تغليف حراري وتوزعينها وممكن تحطين معاها ميدالية ..او مثلا يبي بوكس صغير وحطي داخله مصحف صغير وداخله ورود مجففه وغيره وغلفيه بالورق الشفاف الابيض << نسيت اسمه بس اكيد تعرفينه .. ومره شفت توزيع وايد حلو بس ما عرف منوين شارينه ,, تعرفين حامل المصحف بس صغير وايد وعليه مصحف صغير ومغلف بالتور وايد حلو شكله .. وان شاء الله اكون افدتج الغلا ..

[شوق دبي]

اممممم والله ما اعرف بس هذا الي في بالي.... قران صغير ... وادعيه .. مسابيح ... مسواااج ..

[شقرا]

سوى بروشور اصغير

او كتيب او تذكير بالاعمال الصالحه فى رمضان

[اليتيمة]

أفكار البنات كلها حلوة بصرااااااااااااااااحة...ماشاء الله مبدعات...
ليش مااسوي مثلكم...وأوزع هالأشياء في البيت وعند الجيران..وربيعاتي..
يسلموووووووو........

[oldrose]

مشكوووووووووووووووورين واااااااااااايد على المساهمات والله انكم ماقصرتوا .. بس تدرون اني هاي الاشياء وأكثر أنا مسوتنها ... بس أختي " بنت الامارات " عطتني فكرة هاي اللي بسويها ان شاء الله ...
تسلمون ويزاكم الله أل خير .. والله انكم غاليات

[أمونة القمورة]

ما شاء الله

زين

مشكورين ع الأفكار الحلوة

بس أختي بنت الإمارات ممكن تعلميني كيف أسويه

و جزاكم الله خير

إن شاء الله بسويها

[Romanove]

السلام عليكم ورحمة الله وبركاته

كل عام وانتن بخير خواتي

والله يبلغنا شهر الخير .. آااامين يا رب


ما شاء الله عليكن أفكاركن حلوة

وإن شاء الله نحاول نطبق بعض الأفكار

وربي يوفقنا لكل خير بإذنه سبحانه وتعالى

[نوف الثريا]

والله افكار حلوه بحاول اطبق وحده منهن ان شاء الله والله يبلغنا واياكم الشهر الكريم بصحه وسلامه

[ساحرة العيون]

بالتوفيق عزيزتي

[دلع اماراتي]

هلا اختي انا عندي فكره
أنج توزيعين بلونات عليهن مكتوب كل عام وانتوا بخير ومع البلونه كيس صغير فيه حلاوه

[دلع اماراتي]

توزيعن على الأطفال