شعر عن الخيانة في الحب حزين ومؤثر

**عهد السلام** · 2022-07-04, 13:16

شعر عن الخيانة في الحب حزين ومؤثر

ان كان قلبك عايف الود يا فلان
ربي يسهل لك دروبك ويحفظك
وان كان قلبك جازى حبي بنكران
ماجبرك انا في الحب يا فلان ماجبرك
————————————
والله لخلي عزتك تحت موطاي
تمشي وعينك ما تعدي مواطيك
ابيك درس لكل خاين ونساي
وافهمك قدك وقيمة مباديك
والله لهينك لين تبكي تبي رضاي
ذليل تكسر عيون منهو يراعيك
——————————
لا تحسب اني عقبكم في ندامه
ماني على حب المقفين ندمان
من باعنا بالرخص…نرخص مقامه
نشطب عليه ونتركه دون عنوان
——————————
لازم تذوق الذل وتعيش مكسور,,
هذا وعد مني مادمت انا حي
ولو بعت لي عمرك ماقلت مشكور،،،
لانك بعيني كلك ولا شي!!

عبارات عن الخيانة الحبيب
في هالزمان
اللي يحب انسان
ويعامله بإحسان
يطلع خسران
صح يافلان؟؟
—————————
بعد ما صارت دموعي في انهمالي
في النهايه جيت ارسل هالخطاب
اشكرك من قلب عنده كنت غالي
ابتعد ارجوك يكفيني عذاب
———————————
ماني قايلك عسى الله يهنيك..الله يحرمك كل ماكان هناك..وعسى العمى يا خاين العهد يعميك
فوق الغرور اللي على الارض اعماك..عساك ما تفرح وتكثر بلاويك..وعسى امك تشق الجيب من عظم بلواك
——————————————————————————
انت لك عمرك وعيشه
وانا لي عمري وبعيشه
منت بالدنيا مميز
ولا اظن عالراس ريشه!!
———————————–
رفقه عليه ابتعد..وأنسى طريق لك يعود..وإنسى غريم لك بعد..دارى وراعى للعهود
—————————————————————
عمر الندم ما يشفي الجرح مادام..مسحت دمعات الندم في يديه
خل الشموخ اللي بنيته بالاوهام..يشبع غرورك كل صبح ومسيه
————————————————–
طوفت لك يا صاحبي كل مااصار….خلاص مالي فيك منته بذوقي
مالك على مطلب ولا لك على ثار….اخترت انا بعدك بابسط حقوقي
—————————————————
لا تظن يوم برجع بشتريك….لو بكيت دم ما عندي مجال
سهم صوبته بإيدك رد فيك…
والنهايه جت وهجرانك (حلال)

قصائد عن الغدر والخيانة
يا صاح انا ماعدت بهواك…ابدا ولا لي قلب يغليك
يوم السعد هو يوم فرقاك…يرتاح قلبي من بلاويك
——————————————————-
ياخاين مالك ضمانه…دور على غيري يسليك
عنك رفعناها الحصانه……إزعل وخل الغير يرضيك
————————————
عادي معك ابقا…وعادي اخليك
مثلك مثل غيرك…….مجرد (صداقه)
———————————————————
انا السما وانت مثل واطي القاع
مهما كبرت بالمساحات………((تحتي))
—————————–

منك نتعلم لعبة الصد ونصد
مدام قلبك والليالي علينا
منك نتعلم كيف مانحفظ الود
وشوف منا ماتسويه فينا
الحيــن لازم تاخذ المسأله جد
علمتنا نقسى و شفنا قسينا
—————————–
لا تنصدم لا قلت انا اليوم مابيك
القلب عافك وانتهى اليوم دورك
اعميتني بحبك عسى الله يعميك
وارميتني يازين بأعمق بحورك
يالله توكل لا تجيني ولا اجيك
يالله حبيبي قوم رتب امورك
—————————–
لحظه حبيبي وقف هناك بالدور
ماني بفاضي يمكن افضى لك شوي!!
لازم تذوق المر و تعيش مكسور
واكويك من جمر الهوى لا غدى حي
ولو بعتلي عمرك فلا قلت مشكور
لانك بعيني صرت كلك “ولا شــي”
—————————–
وفر كلامك ورني عرض الاكتاف
قلبي كره هرجك ولا هو بمجبور
ترى القلوب بطبعها شي شفاف
الكسر فيها صعب تلقى له جبور
ولا تحسب اني من الهجر بخاف
ياشيخ خذ حبك وقلبك و مشكوور
—————————–
لا تقول وينك تدري وين تلقاني
على غيري اكذب و تعذر يانظر عيني
المشكله مايتوه درب عنواني
اللي يبيني يسأل عني يلقاني
—————————–
حبيبن خاين العشره جمع حزن البشر فيني
كذب قلبي اذا بلحظه نساه او تناسيته
نسى حبي بعد عمري وخلى الهم يطويني
وخله الدنيا في عيني كئيبه ليت ماجيته
يجي منه اكثر طعن قلبي معنيني
يناديني على الفرقى واقول ابشر ولبيته
—————————–
تحسب اني في غيابك بذكر في كل حزه
واتندم و اترجى واعتذر وابوس راسك؟
للأسف كنت زقاره تنتهي في كل مزه
وانتهيت و ماطفيتك و احرقك غيري و داسك
—————————–
اعتلي يانفس واعقل ياخفوق
.وارقدي ياعين وارحل ياهوى
بنصحك ياقلب لايطويك شوق
روحته مع جيته عندي سوى
من يحطك تحت لاتعليه فوق
ومن يحطك فوق يبشر لانوى
الكرامة مايوطيها امخلوق
والنجم لاطاح قالوله هوى
—————————–

شفت المقفي وربي ما أتبعه لو خطوتين
وأصبعي وهواصبعي لامن غدرني أبقطعه
بأسألك سؤال واحد والجواب بكلمتين
لاصار قدرك والهوي خصمين من تاقف معه
ياخي عز الكرامه وانت دايم مستهين
ياخي ضرسك لو يعورك بذمتك ما تشلعه

**********************

سلامتك معاد لي رغبة فيك
لاصد قلبي صد من دون رجعه ..

**********************

مجبور نضحك يازمن العجايب ….
دام البشر صار بوجه وجهين….
غصب علينا نبتسم للمصايب…..
دنيا نسايرها على العسر واللين….
منها بكى طفل صغير وشايب….
وياما ضحك منها عليها مجانين….

**********************

مع السلامه

مانبي غير
فرقااك

دامك مقفي
مالنا
فيك
قدره

**********************

دنيا تضيق وفزعة الله قريبه
وعند الفرج مايخذ الضيق ساعة ….

**********************

لا فـاضــت أحــزانــي ولا زاد هـمـي
ولا إنشـويـت مـن الـفـراق وتحــرقــت

لا مـت مـن صـدك ولا فــار دمــي
لأن الحكــايـة كلــهـاا مضـيــعة وقــت

**********************

ما دام طعت الوقت فيني واقفيت

تحمل اللي يجيك لا جيت تايب

**********************

كفي دموعك مال للاحزان ميعاد
مادام هذي رغبتي فاهجريني
انتي سراب وكلمة الحب تنعاد
ماودي احرج خاطرك وافهميني
نفس الظروف ووقتنا كله عناد
ابلتمس لك عذر واعذريني

**********************

لا همني قربك ولاهمني رضاك
والله ولا ذكري بقلبي تجيبك
الصد عندي من بقايا عطايات
لا بوك لابو كل طاري يجــــيبك

الموضوع: شعر عن الخيانة في الحب حزين ومؤثر

أدوات الموضوع

عرض

شعر عن الخيانة في الحب حزين ومؤثر

المزيد من آخر المواضيع من نفس القسم:

المواضيع المتشابهه

شعر رومنسي حزين ومؤثر

الخيانة مع الحب

..كلمات في الحب و الخيانة..

كلمات فى الحب و الخيانة ......

عندما تحب المرأة لا تفكر في الخيانة...وعندما يخون الرجل لا يفكر في الحب!!