لعبه ...تسبب طلاقي

[بلدان]

ا اختي ام حمدوووه89 اعتقد احنا اكبر من هالالفااااظ اله يسامحج بس والله عيب

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ميميه88]

هيييييييه هاللعبه تصدقين ريلي قالي انزلها على الكمبيوتر لانه يبا يلعبها كل ربعه يلعبونها زين يوم قلتي والله ماخليييه يلعبها انزين شوفي قوليله يسوي عشان وقت لعبه جدول وانتي لو تخلينه يلعبها فالبيت يكون احسن بتقدرين شوي تتحكمين فيه يعني اوقات الصلاه تخلينه ينش وهالشي وايد زيين لج واله وتقوليله مثل مالك حق انا لي حق تمي يلسي وياه وهو ويلعب وسولفي وياه لاتكونين ضده لانه بجيه بيعاند

[جنيه غاويه]

اذا هاللعبه ما فيها شي محرم

العبي وياه و الله كشخه تلعبين ويا ريلج
يمكن انتي بعد تحبين هاللعبه

[ميميه88]

بغيت ارد على حمدوه 89
وسمحيلي ياصاحبة الموضوع عالتدخل
فديتج كم مره نحن ناقشنا هالمواضبع؟

يعني ماله لازم بالتجريح فالرد
لو ماهي تعبانه ومالقيه حل ولو ماتبا المساعده جان مايت وشكتلنا
ويكون فعلمج نحن اسره وحده متواجدين بها المنتدى عسب كل وحده تمسك يد الثانيه مب عشان تنتقدها وتجرحها بالكلام
يعني انتي لو كنتي مكانها ووحد يوجهلج هالرمسه وهي وانت كان غرضج الوحيد طلب المساعده لاغير
بترضين حد يرمسج بها الاسلوب

الله يسامح الجميع

سمحيليه يمكن كبرت السالفه بس خلاص كبرنا وياما رمسنا بها الموضوع ياخواتي مب لازم التجريح
والسموحه من الجميع مره ثانيه من صاحبة الموضوع
ومن المعنيه
والاداره

[نور هالدنيا]

انا مع الاخوات فى كلامهم وممكن بعد ترجعين لولد عمج عشان يساعدج مثلا يغير اللعبه ويشغله بشى ما ياخذ كل وقته ................. والله المستعان

[zoomyat]

بلدان جربي نصيحتي وبتدعين لي ..
لان ريلي مره كان نفس ريلج بس يوم شاف اهتمامي فالالعاب وكل يوم امطلعه له لعبه يديده وتحدي وجي الحين مايقرب الكمبيوتر وايد
ومرات ايي يقول حصلت لعبه يديده اسمها جي والهدف منها كذا ...
تعرفين حياتج كلها بتتغير ..
انتي بتصيرين مدمنه العاب وهو لا هههههههه

[ام عنونه]

اختي الله يهديج ما توصل للطلاق
هيه فترة وبتمر واكيد بيمل من اللعب
بس انتي لا تعصبين ولا تتشكين من هالشئ وجاريه في اللعب او شدي انتباهه بشئ
او طلعي ويااااااااه اي مكان يرتااح له
وكل يووم طلعيله بحركاااات يديدة
الله يوفقج الغالية

[طي السنيين]

الطلاق مب سهل وإنتي أختي تنقصج الحكمه بالمعامله والأسلوب تعلمي كيف تلعبين بنقاط الضعف وتخلينها لصالحج

[جروح_دمية]

اختي لا تفكرسين بالطلاق عشان لعبة..خليه يلعب يعني كم بيقعد عليها شهر؟؟ شهرين؟؟سنة وفي الاخير بيعافها صدقيني ..الله يسعدكم دنيا وآخرة اختي...

(سبحان الله وبحمده..سبحان الله العظيم)

[مدلـله]

حبيبتي انا كنت نفسج.....كان اربع وعشرين ساعه على الاكس بوووووكس..وكنت اسوي نفسج اصيح واتملل وحالتي حاله خصوصا اني بغربه يعني ما عندي غيييييييييييره ولا عندي عيال ولا شي بعدني عروس...

بس ماشي فايده...اخر شي قمت اسحب الدوشج....واحطه جدام التلفزيون وانسدح واطالعه وهو يلعب ...حاولت اشاركه باللعب بس ماااااااااقدرت لانيه ماااااااا اطيق هالسوالف بالمرررررره..ولااااااا اسوي روحي مندمجه وياه واشجعه و اقوله وااااااااااو والله انك خطير باللعب هب هين...وجي يعني وهو يكيف يلعب وهو شاااااااق الحلج....بعدين قام شوي شوي ما يلعب بها والحين هدها موليه...الحمدلله افتكيت منها....صدقيني الريال يوم تتشكين من شي يتعلقون فيه ويوم تراوينهم انج مستانسه وتشجعينهم يملون ويهدون اللعبه....نفس اليهال

والله يعينج بس طولي بالج

[زحمة جروح]

مثل ماولد عمج قدر يجذبه لهاللعبه


انتي اجذبيه لشي ثاني

والحرمه الذكيه هيه اللي تروم تسوي هالشي , ,, بدون زعل او عتاب ^_*



.
.
.
.:.

[::+فديتك اناا+::]

عاادي حبووبه بيودرها قريب

انا ريلي علمته على لعبة البليارد وتم 24 ساااعه يلعب عليها

وبعدين ودرهااا


لا تحطين هالاشيااء التافه بينكم استهدي بالله

والله يبعد عنكم المشاااكل

[دبدوبة_راك]

الله يعينج حبيبتي..

[LollY.PoP]

الله ييسر امورج ان شالله ..
بس الطلاق مب حل ؟؟ ..

قطعي النت من الاتصالات ..من دون ما يدري ..لوووول

[بنت دجله]

ما حبيت اطلع بدون رد

حاولي معاه بدل المره الف و بكل الطرق طبعا بعيد عن العصبيه والزعل
وعليج بالدعاء حبيبتي و قيام الليل

ربي يسهل امرج ويسخر لج زوجج

موفقه ان شاء الله