لعبه ...تسبب طلاقي

[بلدان]

خواتي اطلب مساعدتكن بلييييييييييز

انا افكر اتطلق والسبب انشغاااال زوجي الدائم عني ... حتى ساعات الليل المتاخره اللي يهنأ فيها كل زوج مع زوجته انا محرووووومه منها والسبب



السبب ان زوجي من اربعة اشهر تقريبا بدأ يلعب لعبه ؟؟؟؟؟ ( الله يسامح ولد عمي هو اللي يابها )

لا تقولون لعبة عادي ؟؟؟ لا لا لا لعبه غير
كيييف غيير بقوللكم......

هي لعبه موصلة بالنت ..... يعني يلعبونها اشخاص من شتى انحاء العالم
والمشكله في ها اللعبه انها تاخذ كل وقت زوجي.......

اكيييد بتقولون ان هاي اللعبه فيها شات او شي غلط يجذب زوجي ارد واقوووول انا تاكدت بنفسي ان هذي اللعبه ما فيها شي.... متاكده.

بس خواتي انا ما ايلس ويا زوجي ابدا احسه مثل المسحوووور باللعبه ( هو يحب الالعاب الالكترونية)
حتى ما ينام معاي يوميا ارقد قبله ... المشاكل كثرت بينا بسبب اللعبه
دخيلكن عطوني حل مع العلم اني جربت كل شي؟؟؟
كل شي كلمته... زعلت ... سرت عند اهلي كل شي..بلييييز
ساعدني باي افكار
الله يسر امر كل وحده تكتبلي حل .....

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[أم منــصور]

اذا اللعبه مافيها شي حرام اشتريها له و خليه يلعبها فالبيت عندج و جدامج

و لو اني اشك ان اللعبه مافيها شي من الحرام يعني ولا شو هاللعبه الي ماخذه عقولهم ؟

[حمدوووه89]

سمحيلي اختي


انتي وحده تفكيرها غبي

تبين الطلاااق والسبب تاافه

صدق حريم ..

اختي فكريقبل لاتدمرين حيااتج

والله يوفقج فحيااتج ياارب

[رويه]

اانتى مو اول وحده وتفكيرج مو غبى لانج تعانين مشكله انتى ادرى بها غيرج كثير

(( الحل ))

اذكر برنامج (( د . فيل )) كان وحده مشكلتها نفس مشكلتج بالضبط والامر وصل للانفصال وريلها دوم على الالعاب الالكترونيه الخلاصه انه الريال قال انه حرمته بدت تفقد بريقها ......................ازززززز

نصيحتى اهتمي بنفسج واااايد وغيرى استايلج فى الاوقات اللى بيكون فيها على اللعبه وسوى عشا رومانسى (( ادخلى على باب نادى الحياه العصريه بتستفيدين ))

النتيجه ريلها كسر اللعبه

[عاشقةuae]

حددي له وقت يلعب باللعبه

[أم سيفوه]

ايواه هاي لعبه اكس بوكس اللي في بيتنا مهوسين فيهاااا متخبلين يعلبون اون لاين ...الله يسامح الاجانب اللي ينزلون هاي الالعاب ويخلون اعيال يتخبلون عليها ويتعقدوووووون ...حبوبه مافي حل غيــر انج تنصحين مره ومرتين وثلاث اذا مانفع انا اقولج دخلي حد من هلج يــرمسه هذا افضــل حل بدال ماتطلقين لان الطلاق ابغض الحلال يالغلا ....

[NonaSecret]

يلعب في لبيت ويسهر في البيت أحسن ما يطلع برع عند الشباب ويسهر معهم جاريه وإلعبي مهاه ,, ترا الريال صغير يعني مثل الطفل الصغير إلعبي معاه وظغندمجي معاه ترا صج بيفرح وايد والله يفرج لج كل همج

[بـدووويـة]

هاي لعبة البلاي ستيشن اليديده
يوصلها بالنت وفيها شات ويروم يتكلم ويا خلق الله كلهم منها
الالعاب هاي وايد تشد الاعب
انا اخوي عمره تسع سنين يلعبها وماكان ينام ايام عشانها وهو ياهل
يت فتره حسيت ان اللحن مال اللعبه يشده وايد وجي وعقب بنت عمي خبرتني انه يأثر على الاعصاب والاعصاب اتطرش ترددات للمخ انها تبى تلعب اللعبه هاي
يعني تخليه يستوي مدمن عليها
فقمت اخلي صوت التلفزيون على الميوت ومايقدر يسمع لحن اللعبه وجي
وعقب اسبوع مل منها وصاري لعب ع الكومبيوتر خخخ
بس صدق جربي انج تبندين الصوت فتره هو بالبداية بيعصب لانه يبى يسمع الصوت لان الاغنيه مال اللعبه وايد تشد
بس تمي حاولي تبندين الصوت وان شاء الله يبتعد عنها

[ام بسمة]

حبيبتي هاللعبة انا أعرفها لأن عندي أخووووي كل يووووووم يلعبها لين الفجر
حبيبتي أنا أخوي متزوج بعد بس حرمته ما تشتكي من هالشي لأن طووول اليوم يكون معاها ومع أهله بس في الليل من بعد الساعة 11 يرووح هو وربعه ويلعبها ومثل ما قلتي هي اللعبة ما فيها شي حرااااام بس فيها تحدي بين اشخاااص كثيييريييين و من كل انحاء العالم فانا من رااااااي خليه ينظم وقته بينج وبين اللعبة وصدقيني بيجيله اليوم اللي بيمل منهااااااااا وبيظل بينكم بس طلاااااق لا السالفة ما تستاهل و مثل ما قالولج الاخواااات اهتمي فيه شوي و لو تقدرين شجعيييه في اللعب او ايلسي معاه وهو يلعب صدقيييييييني بتقرب بينكم

[كيوت ومن]

ماعليه مع الاياااام بيمل ..... انا ريلي عنده بي اس بي اول ايام كله يلعب وعقب مل منه لاتحاتيين
وانتي حاولي تجددين من شخصيتج واسلوبج وان شاءالله خير

[فلـــورا]

السلام عليكم

اخوي يلعب هاللعبة.. اول الايام كان مهوووس وطول الوقت جدام اللعبة .. الحين لا.. اشوفه ساعات يلعب وساعات عالكمبيوتر.. واحيانا عادي يطلع ويقعد معانا (هو مب متزوج) .. القصد من كلامي انها فترة وخلاص بيمل من اللعبة بس انتي لا تتضايقين منه.. مثل ما قالو لج الخوات.. الريال مهما كبر يظل داخله طفل عمره ما يكبر.. ربي يوفقج

[zoomyat]

اختي فديتج خليج اذكى من هذا كله ...
قولي له ابغي اجرب اللعب اللعبه علمني عليها ...
ادخلي جوه وعيشي وياه الاجواء ...
لا اتسوين لج اسم يديد قولي له بلعب باسمك ^__^ ..
ويبالج تتعلمين عدل على اللعبه او تمي تدلعي انج ماعرفتي كيف تلعبين جزء معين من اللعبه .. خليه يحس باهتمامج بالاشياء اللي يحبها ... وبتشوفين انه بيمل من اللعبه وبيهتم فيج اكثر واكثر ..

واذا هو الصبح فالدوام انتي دوري العاب نفس اللعبه اللي هو مدمن عليها ويوم يرد ويلعب قولي له اتصدق اليوم كنت طفرانه ويالسه احوس فالانترنت جان احصل هاللعبه وقريبه من اللعبه اللي اتحبها شو رايك انجربها اليوم ..

الريال يموت يوم يشوف حرمته اتحب الاشياء اللي هو يحبها ..
وادمان الالعاب تراها الا فتره وعقب بيمل منها .. فلا تعطينه انتي مجال انه يتم مدمن العاب ويهملج عشان ما يتعود .. عوديه انج بتلعبين كل الالعاب اللي بيلعبها وخلي بينكم تحدي منو بيفوز

[بلدان]

اذا اللعبه مافيها شي حرام اشتريها له و خليه يلعبها فالبيت عندج و جدامج

و لو اني اشك ان اللعبه مافيها شي من الحرام يعني ولا شو هاللعبه الي ماخذه عقولهم ؟

الغاليه ام منصور..يلعب اللعبه في البيت جدامي على النت ودايما ادخا فجأه اوني بكلمه في اي شي وما اشوف اي شي غلط حتى اخر الليل اقوم وانط فجاه بس الريااال يلعب وبس

[ام روضه666]

يلعب في لبيت ويسهر في البيت أحسن ما يطلع برع عند الشباب ويسهر معهم جاريه وإلعبي مهاه ,, ترا الريال صغير يعني مثل الطفل الصغير إلعبي معاه وظغندمجي معاه ترا صج بيفرح وايد والله يفرج لج كل همج

الكلام اللي تقوله اختي صح حاولي تلعبين وياه و تحسسينه انج مهتمه بشي هو يحبه

[بنت حياة]

اختي الله يهدي ريلج ويرجع لج
انحج تتهتمين بعمرج اكثر لما يكون بالبيت و
ليش ما تتعلمين اللعبة وتقعدين تلعبينها معاه ؟؟؟؟؟؟؟ جربي وشوفي