بعض من أكلاتي

[ro0o0osa]

المقادير جيسه كريم كراميل من دون السائل

8 ملاعق جبن ابيض او 8 حبات كيري
1 حليب مركز

تخلطين الكل مع بعض بالخلاط اليدوي

تصبينه بصينيه بايركس وتحطينه بالفرن يحمر من فوق بس

بعدين اطلعين خليه يبرد شوي

وبهالوقت سوي توفي

اول شي يبي كوب سكر حطيه بنار لين يحمر كامل
وصبي عليه 1 قشطه
وتمي حركي لين يخوز العقد

وصبيه على الخلطه اولى وخليه بالثلاجه لين يبرد
وبهنا

المزيد من آخر المواضيع من نفس القسم:

• طريقة عمل صوص بيشاميل السهله
• طريقة عمل صوص رانش اللذيذه
• كبسة إماراتية؟
• كروكيط الأرز المقلية وجبة سهلة و سريعة...
• سؤال لشيفات الامارات
• كريب بنوتيلا هائل و رائعة بمكونات بسيطة
• مطبخ العزبه
• أشهر مؤكولات و حلويات الشيف الشربيني
• انواع المطابخ
• كيفية صنع الزبادي من الحليب في الطبيعة...

[ro0o0osa]

المقادير
بسكويت
قشطه
فانيليا
كورن فليكس
ساءل الكريم كراميل


اتيبين بسكويت اللي تبينه تكسرينه صغار وخلطي وياه قشطه وفانيليا

وخليه بصينيه بايركس

وحطي فوقه طبقه من كورن فليكس اللي تحبينه انا افضل اللي بالعسل والمكسرات واذا ماكان عندي احط العادي

وبعدين صبي السائل مال كريم كراميل عليه اللي استعمله بالوصفه اللي قبل وماحطيناه فيه

وخليه بالثلاجه لين يبرد

[ro0o0osa]

بسكويت الفستق

1 كوب طحين رقم 1
1 كوب فستق مطحون ناعم
نص كوب سكر مطحون ناعم
ملعقة صغيره هيل مطحون ناعم
1 كوب زيت


الطريقة اخلطي جميع المقادير السابقه عدا الزيت

اخلطي معها زيت مع الاستمرار بالعجن اذا ما قدرتي تعجنينها اوكي زيدي زيت شوي

وشكليها على شكل دوائر وضعيها بالفرن حتى تتماسك فقط من تحت ومن فوق

اذا احمرت راح تتفتح حبه البسكويت بس احمرار خفيف من تحت ومن فوق لتتماسك
وبهالهناء

[شيما333]

تسلميييييين الغاليه

[عقد لؤلؤ منثور]

[%Om_Khalid%]

يعطيج العافية على هالاكلات الطيبة

[باشة الغيد]

مشكوره
الغلا و ربي يعطيج العافيه

[ام رفيده]

الله يعطيكي العافيه

[ro0o0osa]

تسلمولي كلكم والله


ان شاء الله تجربونها وبتستانسون عليها

[lamitaaa]

تسلم يدج بس ياليت صورتيهم لنا

[بنت مسافي]

يعطيج العافية الغالية ع الوصفات رووووووووووعة

[hontha]

تسلمين

[ro0o0osa]

الله يسلمكم


ان شاء الله اصور واحطهم

[العطوف]

شكرااااااااااااااااا

[ELMooz]

تسلمين عالوصفات الحلوه