قصص ولادة العضوات ( أرجو التثبيت )

[umroda]

الموضوع باين من العنوان كل وحدة ربت تقولنا قصة ولادتها كاملة في هذا الملف من بداية الطلق إلى طلعتها للمستشفى إلى ولادتها وكيف كان شعورها ومين كان معاها علشان الكل يستفيد ويكون بكذا ملف كامل بدل ما كل وحدة تربي تكتب قصتها على حدة

وأرجو ان يعجبكم الموضوع ويتثبت

المزيد من آخر المواضيع من نفس القسم:

• أسباب آلام الركبة بعد الولادة وكيفية علاجه
• ماهو الطلق البارد والطلق الحقيقي والفرق...
• اهم أسباب التهاب الجيوب الأنفية أثناء الحمل...
• افضل طرق الاستعداد لفترة النفاس
• اهم فوائد الحليب للمرأة الحامل
• افضل عشرة طرق طبيبعه لتسريع الولاده خاص...
• اهم نصائح للحامل البكر في الشهور الأولى
• اهم أسباب الجوع المستمر عند الحامل وطرق...
• افضل مسكنات طبيعية تخلصك من الألم أثناء الحمل
• طرق للتخفيف من آلام الظهر بعد الحمل حصري

[الروح_زايد]

نايس يالله نترياكن

انا وحده من الملاقيف


خويتككم

[umroda]

مشكورة إختي على إعجابج بفكرتي وإنشاءالله تعيب الكل

[m_8080]

umrodaانا كتبت موضوع نفس موضوعج و طالبت انه يتثبت اسم الموضوع ملف خاص بقصص الولاده بس محد سوالي سالفه انشالله يثبتون الموضوع لانه احس انه الموضوع وااايد ينفع بدال ما كل وحده تكتب قصة ولادتها فصوب و نحن نتعب من كثر ما ندور ..

[umroda]

umrodaانا كتبت موضوع نفس موضوعج و طالبت انه يتثبت اسم الموضوع ملف خاص بقصص الولاده بس محد سوالي سالفه انشالله يثبتون الموضوع لانه احس انه الموضوع وااايد ينفع بدال ما كل وحده تكتب قصة ولادتها فصوب و نحن نتعب من كثر ما ندور ..

مشكورة إختي على الرد وإنشاءالله يعطونا سالفة لأنه بصراحة يحتاج التثبيت لأن الكل يبى يستفيد من قصص غيره

[bulbula]

إنتظروني بعد 7 شهور على خير و سلامه

[umroda]

إنتظروني بعد 7 شهور على خير و سلامه

الله يقومج بالسلامة يا رب

[ميثاني العيناوية]

انا بالتاسع ... و من اربي بقوللكم شو اللي صار معاي .. بس لا تنسوا ( ادعولي ربي يسهل عليه )

[umroda]

انا بالتاسع ... و من اربي بقوللكم شو اللي صار معاي .. بس لا تنسوا ( ادعولي ربي يسهل عليه )

الله يسهل عليج ومتى تربين ونسمع قصة ولادتج وكلنا إنشاءالله معاج الله يسهل علينا

[أم ود!د]

الله يعين الجمييييييييييييييييييييييييييع

بلااااااااااااااااااااااااااش فضااااااااااااااايح

هههههههههههههههههههههه

الحوامل بيخافن من قصص الرعب ههههههه

بس ترى هب كل الحريم شرى بعض ولا كل الولادات شرى بعض
فيه بعضها يتعسر وفيه بعضها الله يسهله

بس تذكرن شيء واحد
خروج روح (الطفل) من روح (الام)
ياسبحان الله ما أعضمك

رغم التعب والالم تحسين ربج ويااااااااااااج في كل زفره وفي كل لحظه
تستشعرين عضمة الله
أكثرن من الدعاء عند الولاده

والله يسهل ع الجمييييييييييييييييييييييييع

[حلم صيفي]

انا الحين دخلت الاسبوع الثاني من الشهر التاسع ولادتي انشالله على رأس السنة عشان هم عطوني موعد 31\12 وانا الحين منتظرة وميتة من الخوف عشان انا بكرية ولوحدي بالدولة يعني انا وريلي واهلي بعاد عني يا ليت انتو تدعولي يهون علي وعلى كل الحوامل وبس اولد واقوم بالسلامة بقول قصتي انشالله ....

[دانة جميرا]

الله ايسهل عالجميع ان شاء الله .. بعدني مايربت يوم بيرب بخبركم ان شاء الله اذا الله عطانا عمر .. والسموحه عالقصور

[انا]

والله فكرة حلوة

[الكل خذلني]

حلوه الفكره وطرح مميز انا بقولكم سالفتي اول شي فالبكر كنت تعبانه يومين فالبيت كله احس بالم فظهري وبطني وخواصري وريلي واميه ودوني المستشفى قالوا لي بعده فاتح 2 وبقيت عندهم 5 ايام وطاف موعد ولادتي المهم يت الدكتوره وسوت لي طلق صناعي طبعا نزل الماي كله وانا متقطعه من الويع رجعت اتجيك كم فتح طلع 5 حسيت شي غريب من بدا الماي ينزل حسيت في شي انتفخ تحت صدري قلت للدكتوره وانا ميته من الويع والخوف قالت لي اليهال قلبه بدا يضعف والانتفاخ هذا راسه يعني رجع قلب من وضعية الولاده للجلوس شوي وبدا ينزل دم وتنفسي خف حطوا لي اكسجين وطلبوا توقيع ريلي لاني كنت محتاجه عمليه فورا المهم دخلوني غرفة العمليات وسويت العمليه والحمدالله لو انه القيصري تعب وايد بس الحمدالله على كل حال

المهم

بعدين قلت ما ابي اعيال خلاص هونت لاني ذقت الموت من ويع القيصري ماكنت اقدروانتوا بكرامه اقضي حاجتي ولا اطيق ايلس فالحمام من الويع ولا اقدر اضحك والا امشي والله امشي كاني راكعه لين ما قدرت اعدل ظهري واذا رقدت كله راقده على ظهري واذا شوي قلبت على الجنب اتقطع من الويع لو في عز نومي انش متضايقه وايد لانه وايد يعور شي محد يقدر يوصفه صدق الولادة الطبيعيه نعمه المهم الحمدالله الحمدالله على كل حال بعدين ولدي كبر كمل سنتين وشي وبدا يتعلق فاعيال الناس غمضني وايد لانه كله يصيح فالبيت ومن اوديه بيت اهلي يلعب مع اليهال حتى ما اشوفه والله ايلس ادور عليه علشان اطمن عليه بعدين فكرت فالثاني المهم حملت وبشهري السابع قالت لي دكتورتي انه عنق الرحم ضيق وما يفتح فاكيد ولادتي بعد قيصري بس انا لزمت ابي طبيعي وابي اصبر المهم دخلت بداية الثامن كنت ناشه كالعاده لصلاة الفجر وكنت حاسه اليوم مب طبيعي كنت خايفه وايد ما كنت اعرف شو السالفه المهم صليت ويلست استغفر وقريت اول صفحه من القران حسيت في شي نزل من وانتوا بكرامه ولاني ما اعرف شو السالفه نشيت غيرت ملابسي ورجعت اكمل اول ما كنت ابي ايلس فوق الشبريه نزل ماي وايد خفت وايد من الخوف روحت غيرت ملابسي وكنت اقول معقوله عندي تبول لا ارادي ههههههههه المهم انسدحت كنت وايد خايفه وكنت بروحي فالبيت ريلي كان مروح ابوظبي وولدي عندي وما كان عندي خدامه واصلا حتى لو عندي شو بتسوي المهم كنت اطالع الساعه لاني دكتورتي قالت لي خلي عينج على الساعه اذا كل مره يزيد الوجع يعني ولاده بعدين ما طقت الويع كنت متخبله شو اسوي وين اروح يلست اصيح طلع الصبح اتصلت ف ريلي قلت له وينك قال رجعت من ابوظبي الحين مع اخوي يلست اصيح تعال بولد وحليله نزل اخوه فالشارع وسيده ياه روحنا المستشفى واتصلت في دكتورتي قالت انا طالعه للمستشفى من دخلت نقلوني لقسم الولاده كانت مجهزه غرفة العمليات لان كانت ضامنه اني ما راح اربي طبيعي ظليت تقريبا من 4الفجر لين 1الظهر وولدي مب راضي ينزل بعدين نزل دم وبديت اتعب وايد واختنق دخلوني غرفة العمليات والحمدالله ولدت

وتوته توت خلصت الحتوته حلو والا فتفوته

[نبض المشآعر]

ونا بعد اقول ثبتو الموظوع لو سمحتو وااايد حلو