مطلقة و اريد اعيش لحالي

[مشكلتي]

السلام عليكم


انا مشكلتي اني مطلقة و معي ولدين و ابوي راعي مخدرات و عنده علاقات غلط و اكثر من مرة يكون طايح خلاص رايح فيها و انسجن بسبب مشاكل لها علاقة بالمخدرات

و اكثر من مرة يبى يستغفلني يشل عيالي

و يقول ابى اوديه السيارة شوي و هو عمره سنتين بس شو يبى فيه يوديه السيارة

مره يقول هذا لازم اوديه العزبه و ولدي حتى ما يتكلم و قلتله لا ما توديه

و اكثر من مره خذاه من وراي و رجع في راسه كدمات

و ولدي يبكي كل ما شافه

و مرة ولدي يوم شاف ابوي انبطح على بطنه قدامه و قعد يبكي بكى يخوف

المهم اني اريد أجر

لاني شردت من ريلي اللي زوجيني اياه ابوي و كان راعي مخدرات اللي اكثر من مرة حط المسدس على راسي

عشان اروح عند راعي مخدرات ثاني؟

اقص على عيالي بدل ما ادور على مصلحتهم؟؟

وين اقدر اقدم على مساعدة سكن ؟؟


و المطلقات كيف تجربتكم للسكن بحالكم ؟؟

و الله تبهذلت كثير و محد رحمني و انضربت و انهنت و محد ساعدني و لا حتى طبطب علي غير اختي وو اللحين صارت زعلانه بسبب كلامي عن ابوي و عن اخواني و ما تكلمني

انا متفهمه ان الواحد يبى يحس ان امه و ابوه ناس زينين و ان كلامي يزعل و يضايق بس ابوي انسان موب زين الله يهديه
و هالصدق و انا ام لازم اخاف على عيالي

و انا مشكلتي نومي ثقيل و لازم اقفل الباب على عيالي و ما عندي حتى غرفة في بيت اهلي و عيالي صغار و دوم متضايقين و يبكون و ما ياخذون راحتهم في شي

و غير اخوي مراهق صغير كله يضربني و يبكسني قدام عيالي و هم يبكون على اتفه شي يضربني طول الوقت و دائما و مره دخلت غرفته ادور بطانية و قعد يدف دف فيني بقوة و يقول تبين تنضربين و دائما يسوي هالحركة لا يحترمني لا انا و لا عيالي

و ما عندي حتى غرفة حق ملابسي و اغراضي انا و عيالي

و ابوي ما يباني اطلع يقول انا ريال و شو بتقول الناس عني

و بنبني لج غرفة في الحوي

افكر اسكن في شقة في عمائر ابوظبي احس ان اكثر مكان آمن و كله كاميرات و احسن بمليون مرة من اني اعيش عند ناس و بعد بيكون حولنا مستشفيات و كل شي

و الله نفسيتي تعبانه كثير

اسخف حق من حقوقي اني اعيش انا و عيالي في سكن مستقل و بامان

و الله كتبت كلام و اشياء كثيييير و كلها انمسحت بالغلط آخ بس


و كله افكر كيف اربي عيالي لحالي تربية صح


و طليقي عاطل

و حتى شؤون ما عندي لان ما عندي حد يوديني اخلص اوراقي

و اهلي كله يقولون خسرتينا و خسرتينا و انا وربي اللي خلقني اني ما طلبت منهم شي كله من فلوسي ابيع شوي من اللي عندي و اشتري العاب و اشياء لعيالي

ابى النصيحة منكم
و المطلقات عطونا تجاربكم و نصايحكم

و هل تصرفي غلط لو طلعت ؟ بضر اختي ما بتقدر تتزوج مثلا؟

و سوري لان كلامي ملخبط

المزيد من آخر المواضيع من نفس القسم:

• كرهت حياتي
• مطلقة و اريد اعيش لحالي
• مشكلتي الفراغ
• مضغوطه وفقدت الامل
• تزوجت مريض نفسي
• مشكلة حالتي بعد الأمومة
• مشكلة تقدم لي خاطب وافد
• مشكله بنتي
• زوجي تعبني بالضرب كليوم💔
• أواجه زوجي بكذباته ولا اسكت

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[المراقبة العامة]

الكلمة الطيبة صـدقة

[umismail]

السلام عليكم و رحمة الله و بركاته

فديتج انا شخصيا انهرررررت من مشكلتج ! ما سجلت بالمنتدى إلا عشان ارد

انا استغرب من الرياييل اللي لهم سجل بالمخدرات يتزوجون و يخلفون عيال !
ليش ؟ وين المتعه انك تتزوج بنت الناس و اتيب منها عيال و آخر شي ما دريت عنهم عشان جدام الناس تقول شوفوني عندي عيال ؟ عيل جدام ربك شو بتقول ! (السموحه بس منهاره)
و المصيبه الكبرى انه ابوج بعد راعي مخدرات ! عاجبه حالكم الحين ؟ كل وحده مش عارفه وين تروح دام رجل البيت جيه اساسه !
و اختي في الله دام طليقج حط مسدس على راسج و هذه الشي وايد كبير و طلب منج تروحين تزنين وهذه الشي اكبر و اعظم بوقتها ليش ما اشتكيتي ؟ جان بهذلتي فيه بالشرطه و المحاكم و خذتي حقوقج منه حتي ولو كان ابسطها انه ينسجن ! المهم يبرد قلبج من الحرقه
و بسم الله الرحمن الرحيم على عيالج الله يحفظهم من كل شر يارب وايد خفت عليهم ! خاصة بهالعمر ديري بالج عليهم ! شو يبي يوديه العزبه نعم !! سلامات !!!!! و دايمن استوديعهم الله لا تنسين ، خايفه يصير فيهم شي ياثر فيهم بالمستقبل ! والله صعبه ما اتمنى عيال اي حد يعيش بهذي اللحظات <
اذا ابوج اللي ما يباج تطلعين اسمحي لي اختي انتي لاااااازم تطلعين خاصة انه الوضع ما يطمن
و كيف طليقج عاطل غصبا عنه يداوم عشان يعيطيكم حقوقكم !
ابي اسالج انتي شو طلبتي من طليق بوقت الطلاق؟
ترا لج حقوق و عيالج لهم حقوق وااايده وقت ما يطلقج
مثل اذا تبين سكن لازم يوفر لج \ تبين شغاله لارم يوفر لج علي اساس لعيالج \ تبين سياره بعد لازم يوفر لج \ و مصروووف بعد !!! هذه كله وين ؟ ترا هذه اقل شي بعد ؟
اذا ما طالبتيي فيهم انصحج تطالبين فيهم الحين !

و يا اختي معقوله قاعده تفكرين بأختج اذا بيتقدمون لها ولا لاء و انتي جيه حالتك مع عيالج ....! اذا هي جيه قاعده تفكر انصحج لا تعيرينها اهتمام صحيح اختج بس حياتكم غير عن بعض خلاص انتي لج اسره تفكرين فيها و ترا نصيبها مكتوب عند الله من قبل اذا بتتزوج ولا لاء ،
حبيبتي طنشي الدنيا كلها الحين شوفي روحج عشان تقدرين تشوفين عيالج ولا يعيشن مع هذي البيئه عشان ما يتعلمون منها << و بكرا يتعلمون منهم و يطبقون الضرب و الإهانة عليج بعد ...

و ترا الدوله ما تقصر ولا بتقصر معاج اضغطي علي روحج شوي تحركي شوي ولو الموضوع صعب روحي خلصي اوراق الشؤن الخاصه فيج ، لا تقولين صعب و ما تقدرين شدي حيلج اكثر شوي قدمي بالاسكان و قدمي بديوان ولي العهد اكتبي لج رساله توصفين فيها حالتج و انج شو محتاجه مثل بيت او مسكن و مساعده ماليه و صدقيني ما بيردون عن تجربه .
نصيحه أخيره ي اختي اتمنى انج مريتي تقرين ، انتي ثم عيالج و نقطه بعدها انتي لازم تصيرين اقوى الحين وما تسمعين إلا لنفسج و للشخص الصح لين ما يصير كل شي صح <

[برستيج إماراتية]

اختي لا تتريين على عمرج اكثر عن شي لو صار شي لعيالج انتي مسؤولة جداولهم عند رب العالمين ضروري تدورين لج وظيفة وقدمي على الشكون لو انا مكانج الصراحه بشتكي على ابوي عند الشرطة

[ام غيثاني]

عياااااااالج اهم شي من كل شي

روحي اشتكي او قعدي من صديقتج او خضي مسكن بحجره لين ربي يفرجها عليجج

عيالج امانه لا تخلينهم جذي