موضى العبي الجديده

**ام سعيد 2000** · 2007-12-10, 04:11

أنا مادري هالموضة السخيفة تمشي لوين؟ موضة العبي “العباءة” الغبية واللي تضحك من بهرجتها و”تخريفتها”، نعم قاموا يخرفون ف تصميم العبي بشكل صار أي تقليعة غربية مستهجنة ستايل عند البنات.

وشوفوا إنتوا التدرج ف الموضوع: العباة الفرنسية، بعدين المبندة المخصرة، بعدين المخصرة جداً جداً من زنود البنت لين آخر طرف يلمس الأرض، الفراشة!، البعوض! أأقصد الحوت، أم كم منفوخ! والحين اللاعباه واللا شيلة!

واللي ما يجاري الموضة ينحط صفر عالشمال، تلقى البنات اللي يلبسنها خاصة في الجامعات والكليات يتحرن أعمارهن هاي كلاس وآخر ستايل ف تجمعات منعزلة عن الغير، ويميزن عمارهن بالشي الأسود اللي لافات عمارهن فيه مع قصات غريبة، ونظارة ماكلة الويه والقصة المصبوغة على ينب وسنام البعير، أما ما تحت العباة معروف على طول ما في غيره: قميص عاري وبنطلون “low waist” جينز! نعرفهن على طول لأنهن بصريح العبارة يذكرني أنا وغيري بملابس الفنتازيا اللي يلبسوهم في السيرك، ماشي فرق صدقوني، واللي حضر سرك الشمس لي يابوه ف دبي السنة اللي طافت بيلاحظ وجوه الشبه السبعة!

الحين آخر مصخرة سووها للبنات هي العباة اللي تبين نص الذراع، أسميهن البنات يلبسنها عادي، اتشوف الإيد نظيفة وتبرق من بعيد، مادري ليش يوم اطيح عيني على هالنص ذراع العاري أتأمل فيه
اذا انا نحن البنات نيلس نطالع لاننا شاييفين شي غلط !!عيل كيف الرييال
وكيف بيكون تفكير الريال المواطن؟ وكيف هو تفكير الريال الغير مواطن؟ صدقوني تفكير الإثنين مختلف بتاتاً، إختلاف ينتهي بفكرة سلبية تفشل.

استغفر الله يا ربي، يوم أجتمع مع هالنوعية من البنات اللي جتلن المعنى الصحيح للعباة ولبسها، أبدن ما أتفاجأ يوم يأذن ونسير نصلي وهن يالسات، اللي الله حاط له فكر صحيح ما يحيد عنه لو تغير زمانه ومكانه، ممكن الواحد يماشي الناس لكن بحدود، واللي ما عنده حدود يلتزم بها تلقاه ينحرف شوي شوي لين ما يضيع.

يعني باجر لو نفس هالنوعية من البنات طرحولهن فكرة فصخ العباة بالمرة مع الشيلة بتلقى نسبة مرتفعة منهن بتأيد هالفكرة لكن يبغن تشجيع شوي على فصخ الحيا والدين

!!!! الله يهديهن

)على فكرة أنا ما تكلمت عن دور الأهل لأنه مالهم دور(

ولو وراهن رياييل ما طلعن من بيتهن بهل الشكل !!!

منقول

المزيد من آخر المواضيع من نفس القسم:

**8نوف8** · 2007-12-10, 04:20

الله يهدي هالبنات

والله ان فكرت مجرد تفكير ألبس شرات هالعبي

اخواني بينحروني نحر حلال

شرات ماقلتي ماوراهن رياييل ..!!!!

الله يستر

**حووور بوظبي** · 2007-12-10, 05:07

صدقتي أختي فكل كلمة قلتيها..انا بعد استغرب اقول كيف اهاليهم يسمحولهم يظهرون بهالشكل..جي ماعندهم اخوان يغارون ويخافون علييهم..تصدقين انا عندي واحد من اخواني مطفرني كل مالبست شي مايعيبه ويتم يزاعج عليه مع اني مستورة بس هو شاد زود لكن والله اني فخاطري استانس ان اخويه يخاف عليه ويحاتيني فديته الله يحفظه..يسلموو حبيبتي عالموضووع ماقصرتي..

**الدنيا ماتسوى** · 2007-12-10, 05:21

الشي الوحيد الي خلاني اكتب(عباة النص كم) واذا على لبس العبي (الي تبا فوقها عباه) تراهن بلا قياس

عباة النص كم) انا مستغربه وايد كيف البنات يتجرأن ويلبسنها في السوق او في مكان عام؟؟؟!!!!!

والي محيرني ويقهرني منوه صاحب هالفكره المستهدفه؟؟>>>>هذا اذا ماكان حاقد على الدين الاسلامي

قلنا بنمشي علموضه اما انه توصل المواصيل انه كم العباة يكون قصير!!!!!!!!!!!

انا يوم شفت العباه هاذي قلت خلااااااااص العباه في طريقها الى الزواااال

اللهم إنا نسألك الثبات على الدين
اللهم إنا نسألك حسن الخاتمه
اللهم انصر الاسلام والمسلمين ودمر اعداء الدين

**hzzz333** · 2007-12-10, 05:23

لا تعليق االصراحه مااقدر اتكلم فهالموضوع
لانه اكثر من جيه مسخرررررررررره
ماااااااااااااااااااشي
قلة ادب
قلة حيا
ماتعرفين شو تقولين
لاتقوى
لاخوف
لا وازع ديني
االله يهدي البنات ويهدي الاهل ويهدينا اجمعين

**لاليك** · 2007-12-10, 05:39

ذكرتيني بكلام اختي ..تشتغل ف جامعة زايد وتقولي عن هالاشكال..

انا يوم كنت فالكليه وقبل لا اظهر ماكان منتشر وايد ..

من فتره سرت الكليه عازميني عالافنت عشان اعرض تصاميمي انصعقت بالبنات نفس الوصف اللي طريتيهن..

وقلت الله رحمني وطلعت..مابغيها الدراسه لو جوها جيه..

**ساحرة العيون** · 2007-12-10, 05:57

الله يهديهن والله استحي البس جي احس الناس بتضحك علي

**غلاا القلب** · 2007-12-11, 00:25

الله يستر ع بناتنا
الحمدالله من صغرنا لين كبرنا وعرسنا ويبنا العيال العباه اللي تلفت النظر مالبسنها وانشاءالله ماب البسهافديت اميه يارب تحفظها ونعم التربيه

**%Om_Khalid%** · 2007-12-11, 00:33

هاي موضى العبي اليديدة ولا فوضى العبي اليديدة؟؟

والله شوو نقوول غير على الدنيا السلام

**uaeeyes99** · 2007-12-11, 00:35

الله يهديهن ان شالله

**واثقة الخطى** · 2007-12-11, 00:35

انا بس السوال اللي يحيرني ما وراهم ريال يمرغهم بعصاة ....؟

**ام سعيد 2000** · 2007-12-11, 00:49

المشاركة الأصلية كتبت بواسطة واثقة الخطى

انا بس السوال اللي يحيرني ما وراهم ريال يمرغهم بعصاة ....؟

عيبتني ماوراهم ريال يمرغهم لااختي ماورهم مشكوره اختي على مرورج

**ام سعيد 2000** · 2007-12-11, 00:50

مشكوره اخواتي على مروركم

**هز الرحيل** · 2007-12-11, 00:54

لا تعليق خلاص
اللهم إنا نسألك الثبات على الدين
اللهم إنا نسألك حسن الخاتمه
اللهم انصر الاسلام والمسلمين ودمر اعداء الدين

**حور العين1** · 2007-12-11, 00:56

المشاركة الأصلية كتبت بواسطة ساحرة العيون

الله يهديهن والله استحي البس جي احس الناس بتضحك علي

الموضوع: موضى العبي الجديده

أدوات الموضوع

عرض

موضى العبي الجديده

المزيد من آخر المواضيع من نفس القسم:

المواضيع المتشابهه

مليت من العبي الطقم و العبي اللي قصته فستان دشوا لو سمحتن ...،

فديتكن يامصممات العبي .. ساعدني ادخيلكن ، وين ايبيعون قطع العبي ؟؟

مصممات وتاجرات العبي والي يحبون العبي...مساعدة