مشوي روعة على طريقة غبيشة!!!! لا ايفوتج

**غبيشة** · 2005-12-19, 20:35

السلام عليكم ورحمة الله وبركاته

مساكن الله بالخير والعافية عساكم الا بصحة وسلامة :1 (84):

اكتب لكم وانا في المطبخ ويالسة اسوي هاذاك المشوي اللي بيعجبج وبيعجب زوجج وعيالج

وبتمون يقولون لج سويلنا دوم ما بطول عليكن :1 (4):

القدر المستخدم في المشوي يباع في منطقة المدام صوب حتا وفيه منه أحجام بو دجاجتين او اربع دجاجات

او نص ذبيحة او ذبيحة كاملة

حبيباتي القدر له غطاه وداخلة شبكة المنيوم غليظه مخرمة وينحط على الفرن العادي من فوق واذا حبيتي

في الرحلات على الجمر مباشره ولا اتخافين انه تحترق الطبخة لانه الدجاجه معزوله عن قاع القدر

هاتي الدجاجه وبهريها من داخل ومن برع واحشيها لو حبيتي بالبصل واالبطاط والنخي ودخليها

في القدر فوق الشبكة وولعي الفرن وغطيها بغطاتها وخليها لمدة ساعة وجهزي العيش الابيض

أو خبز الرقاق حسب رغبة العيال وأبوهم ظهري الدجاجة ممممم المحمرة وحطيها على الخبز أو العيش

شوو بتستاانسين دجاجة دبدوبة وناضية ولينه اليهال بيخلصونها بسرعة :1 (68):

واذا خذتي القدر الاكبر وحطيتي ذبيحة مثلا زيدي الوقت ساعتين ونص مثلا حسب حالة اللحم عندج

وأنا الحين سايرة أغرف لهم والريحة شوو شالة البيت:1 (32):

أسعار القدور من 60 درهم لين 150 درهم والمحل هب ظلالة على الدوار تقريبا

أن شا الله أكون قدمت لكم تجربة فريدة :1 (80):

المزيد من آخر المواضيع من نفس القسم:

**DesigneR StylisH** · 2005-12-20, 16:48

مشكوره ع هالوصفه ..

**أم روضه** · 2005-12-20, 18:53

مشكوره غناتي على هالطبخة الحلوه .
بس حبيت اعرف القدر وين اتحطينه على الغاز ؟ أو في الفرن من داخل ؟ وهل تسكرينه أو لا ؟ وهل تحطين ماي في القدر ؟
أنا آسفه على كثرت الأسئله.

**صدى حنيني** · 2005-12-20, 21:07

مشكورة الغالية وذكرتيني بالقوزي اللي تسويه الوالده لذيذ مرة

***أم اسمـــا*** · 2005-12-20, 21:24

[08]الله اشتهيت الدياي المشواي[/08]
انزين اختي غبيشه عندج خبرة في استعمال الأفران الصغيرة اللي بالكهربا حق المشاوي؟

**غبيشة** · 2005-12-20, 21:48

تسلمون حبيباتي على المرور

القدر ينحط على الفرن مباشره بدون ماي حطي الدجاجة فوق الشبك والقدر له غطاء خاص به يثبت عليه

قصدج أفران المكرويف أو الشواية الكهربائيه هي نعم استخدمهن للمكرونه بالبشاميل وتحمير الدجاج والبسبوسة

**كلي طموح** · 2006-01-22, 14:21

جان صورتي الجدر والديايه توايج منه هههههه

يحتاي نسير عيل صوب المدام لوول

شكرا لج ع الطريقه بجربها

تحياتي لج

**فطيم** · 2006-01-22, 15:08

تسلمين و لله يعطيج العافيه

**عيون الجاموسة** · 2006-01-24, 18:02

شهيتييييييييييينا يا غبيييييييشه حرام عليج الحين يعني لازم نصك المدام علشان نشترييييييييييه

بشوف يمكن احصله في العين ولا بوظبي !!!!!

الحين يعني الطريقه ان نحط الديايه في القدر ونغطي عليها ونشغل الفرن من تحت وبس؟؟؟ مانسوي من فوق بعدين؟

**يا ورد** · 2006-01-25, 11:29

أمممممممم أموت عالمشوي خص اللحم .. عاد المشوي على ضو التنور ..

واللي عليه بهارات عربية بزار وكركم وزعفران وغيره .. هاي وجبتنا الرئيسية في المناسبات والعزايم ..

ظني أنتي تطرين المكان وأنت ظاهرة من دوار المدام وتبين درب البداير .. ظنتي هناك شفت الجدور بس شكلهم مغلين شويه عن قبل .. يبالي أحوط عندهم ..

تسلمين غبيشة عالموضوع الحلو اشتهينا المشوي والله

**منى الحمادي** · 2006-01-27, 10:35

مشكوووووووووووووووووووورة

**Bluebutterfly** · 2006-08-31, 13:25

مشكورة الغالية

**Candle** · 2006-10-07, 07:33

مشكوره غناتي على هالطبخة الحلوه .

**(( عيون ))** · 2007-10-25, 23:54

هني وعافية ان شاء الله

وصفة رائعة

تسلمين عليها ولا هنتي

دمتي بحفظ الرحمن

الموضوع: مشوي روعة على طريقة غبيشة!!!! لا ايفوتج

أدوات الموضوع

عرض

مشوي روعة على طريقة غبيشة!!!! لا ايفوتج

المزيد من آخر المواضيع من نفس القسم:

رد : مشوي روعة على طريقة غبيشة!!!! لا ايفوتج

رد : مشوي روعة على طريقة غبيشة!!!! لا ايفوتج

المواضيع المتشابهه

استاكوزا - ام الربيان - لوبستر ( طريقة خاصة ) + روبيان مشوي

دجاج مشوي طريقة الدجاج المشوي

ابى طريقة سمج مشوي

اريد طريقة سمك السلمون مشوي او على البخار...ساعدووني