فوالة العيد

**الجده بطه** · 2007-12-09, 20:29

كل عام و انتن بخير يا حلوات..منو الشاطره الحبوبه اللي بتوفر علينا التفكير في فوالة العيد و تكتب لنا هي شو ناويه تسوي فواله و نحن نغش منها!!!
بليز عطونا أفكار افكاري بايته كل وحده تكتب فوالتها الكل بيستفيد و بندعيييييييييييي لها

المزيد من آخر المواضيع من نفس القسم:

**غلى الروح** · 2007-12-09, 21:19

انا بعد ابي افكاااااااااار

**!~¤§¦الرهيبة¦§¤** · 2007-12-09, 22:58

احنا فوالة العيد طبعا الطبق الرئيسئ العيش واللحم
شي ناس ما تسويه بس احنا وعادداتنا شي اساسي عندنا هالطبق
ومن ثم الحلويات مثل ( كرات الكورنفليكس - حلى النسكافيه - لفائف السمبوسه المحشيه بالجبن او المكسرات - الحلوى - كرات الشكولاته
) يعني شي انعده في البيت وشي يكون طبعا جاهز + المكسرات + الفواكه
هذا اللي متذكرتنه حاليا
واتمنى اني افدتكم

**الجده بطه** · 2007-12-10, 22:51

مشكورة يالرهيبه ما قصرتي...يله يا بنات وينكم بنعيد بعد شوي وبدوووون فواله

**Differento** · 2007-12-11, 00:12

بنات نتريا افكار ثانيه ع الفواله .. لا تبخلون علينا اب افكاركن ..

نتريا..

**محبة للخير** · 2007-12-11, 00:15

عيش ودياي سمبوسة كيك ايسكريم محشي ورق عنب فواكه مكسرات بتي فور معمول بالتمر هذا تقريبا اللي اذكره

**برنسيسة الامارات** · 2007-12-11, 00:34

نحن لزم عيش و لحم الطبق الرئيسي وبعد ورق العنب والفواكه والمكسرات في نوع من انواع الكيك نحن دوم ناخذه من الحلويات الايرانيه في شارع الرقه

ونسوي حلويات في البيت

**كل الرقة** · 2007-12-11, 13:03

نحن عندنا لاااااااااااازم صينيه فريد عووده عليها ذبيحه.. وهريس وبلاليط.. وبيتيفور... وبساكيت وكنافه .. ومعجنات فطاير وكروسونات. وكيك... والفاكهه طبعا

**بنت زايد 78** · 2007-12-11, 13:25

بالأغلب العيش والهريس وطبعاً الفواكة إلي إنعدلها في محل الورد وحلويات ثانية مثل الكيك عين الجمل والبتفور والكنافة، الشعبيات، البلاليط، شعيرية أحمد يحبونها اليهال عندنا هذا إلي أذكرة وإذا عرفت شيء ثاني برجع أكتبة..

**قفشة حلو** · 2007-12-11, 23:22

الحو عندي وأنا أسويه لكل ضيف ملته بالكاكاو أو الفانيليا أو المكسرات أو الكوفي أو الفواكه للكبار والصغار ولاحد يزعل ترى قفشتي معاه

**الجده بطه** · 2007-12-12, 01:06

هممممممممم...أنا ابا شي يتجهز من قبل و صباح العيد ما ياخذ وقت يا أفره في المقلاه و الا في الفرن و يكون زاهب أنا فكرت في:
1.خمير أعينه في الليل و أسويه الصبح
2.لقيمات بعد اعينها في الليل و أقلاها الصبح
3.كيكه أسويها قبل بيوم تكون عليها طبقه رطبه مثل توفي عشان ما تيبس
4.ميني بسبوسه مالت ام خويلد شكلها حلو(ما جربتها)بسويها قبل بيوم او يومين ما ظن تخرب و لو خربت ما بيعرفون الضيوف من اي بيت لقطوا الاكل الخربان هههههههههه
5.نوع فطاير---------> حد يقترح نوع يتسوى قبل بيوم و ما يخرب أو ممكن ينحط في الثلاجه و الصبح ينخبز أو ينقلى
و يا حبذا لو يتم 4 أيام..ما فيني كل يوم اسوي فواله يديده هههههههههههههه
بالاضافه للفواكه و بييب منفوش وشو بعد يله بليز املأوا الفراغ (الفطاير)
بالمناسبه ...حد يعرف مكان ينسق ورد مع الفواكه حلو في دبي ويا ريت حوالين جميرا..والله يعود عليكم هالايام بالصحه و السلامه

**مريومه2002** · 2007-12-12, 09:01

فوالة العيد عندنا عبارة عن هريس ولوبيا وسمبوسة نوعين جبن وخضرة
وكرواسونات صغار وبيتيفور منزلي وحلوى من عند المعولي في دبي
ومكسرات وكيك الكاكاو والبرتقال واذا نوع يديد من الفطائر والمعجنات
وباتشي وفواكه طبعا ولو ان محد يهبشها
واغلبية الطلب على الموالح

**أم أحمد99** · 2007-12-12, 19:02

طبعا في العيد لازم عيش ولحم
الحلويات ( كيكة- بسبوسة- بيتي فور - أم أحمد - شكلمة - معمول - حلاوة الشوفان - راس العبد يعني حلاوة المارس )
مكسرات وحلاوة فوالة وطبعا فواكهه
هذا اللي اذكرة وناويه أسوي أشياء يديدة اذا حصلت

**ميثة بنتي** · 2007-12-12, 21:43

انا بصراحة كل عيد تقريبا من ازوجت يمدحون فالتي (الطبق الرئيسي اما يكون فريد دجاج ولا لحم او يكون هريس وطبعا الصحون الجانبية تكون معكرونة بالبشاميل ومحشي ورق عنب ومحشي ملفوف وبيتزا ومعجنات زعتر وجبن وبسبوسة حق ريلي اذا ما شافها مايعتبر العيد عيد هاهاها وبعد الاسكريم بالكراميل و وبالنسكافيه شعيرية البكستانية ) وطبعا بعد الفواكه احطة بسلة جميلة واكشخها والحلويات والمكسرات والحلوى العمانية من غير لحية الشيبة الي اخذها من السوق الجديم بالشارجه..(وكل عيد ريلي يستانس من فالتي من غير حمياتي و اتم اطبخ من الساعة 11ليلا الين صباح العيد والله العظيم ان في هاليوم ارقاد ما ارقده الين ما يستوي الساعة12 ظهر الا وانا راقدة واقوم المغرب وبعدها عيني مقفلة..هههههههههههههههههههه انا كتبتلكم قصة حياتي

**لاليك** · 2007-12-13, 00:21

نحن بنسوي سلة فواكه بنطلبها من المحل جاهزه هم يزينونها ..

واكيد الذبيحه لووول ..ذكااء

و سويت من اختراعي كور بسوت مع فول سوداني وفوقه حبة شوكولا..

وبنسوي سويس رول بالمربى الفراوله و بالشوكولا ..

واكيد اشيا ثانيه بنطلبها من المحلات..

وبسوي ميني كب كيك..

وشي ثاني بسويه توزيعات حق الزوار ..

الموضوع: فوالة العيد

أدوات الموضوع

عرض