مربية اطفال

**afsm2002** · 2007-12-06, 23:21

ابغي اجيب مربية اطفال لاني اشتغل والبيت عندي كبير شوي ، والشغالة ما تقدر تشوف العيال وتخلص الشغل ،

نصحتني مسؤولة احدى مكاتب توريد العمالة باني اجيب فلبينية مسيحية وتكون مو مشتغلة لانها تعرف انجليزي ، ولان المسيحيات انظف من المسلمات من خبرتها وانهم يعلمون العيال الادب والنظام والنظافة وما يدخلون في موضوع الديانة بس للتربية هم ok ،

انا محتارة شو اجيب عندي اندونيسية جاية من خمس ايام وشكلها مشتغلة عند ناس ما يهمهم النظافة والترتيب ذاك الزود ، مو عارفة ارجعها ولا اعلمها واشوف شو يصير معاها بتتعلم ولا لا ، والمصيبة الاكبر انها لما تطبخ ما تقدرين تاكلين لان اكلها مافي طعم ولا ريحة ، لكن تقول ابي اشتغل ...... وانا ما عندي وقت ادخل المطبخ واعلمها

ان شاء الله تكونون فهمتوا شو المشكلة الي انا فيها
وكل وحدة تقرا موضوعي تنصحني او تسال لي حد عندها مثل مصيبتي ، والي عندها مربية اطفال تقول تجربتها معاهم

ملاحظة : امي ما تقدر تشوف العيال ‘ بس المربية بخليها في بيت الوالدة
في غيابي وعقب برجعهم معاي البيت يعني ما بتركهم لحالهم معاها

انتظر نصيحتكم

المزيد من آخر المواضيع من نفس القسم:

**أم كتكوت** · 2007-12-06, 23:56

اذا قررت هاتي نفس الجنسيه بس المسيح ناهي الرسول صلى الله عليه وسلم يدشوم جزيرة العرب الفلبينيات نظاف واايد وتربيتهن وايد حلوه وقبل كل شئ استخيري

**afsm2002** · 2007-12-07, 01:55

مشكورة ام كتكوت عالرد وتسلمين حبيبتي

**الغياب** · 2007-12-10, 20:43

حبيبتي انا اخالف راي المكتب انه المسيحيات انظف من المسلمات من خبرتها وانهم يعلمون العيال الادب والنظام والنظافة وما يدخلون في موضوع الديانة بس للتربية هم ok ،
مربية فلبينية كانت عند ناس ربعنا كانت تعلمهم اشياء خايسة منافية للعادات
اول شي استخيري ..ثاني شي تفكيرج انج اتخليين عيالج بيت امج 100%صح بالتوفيق الغالية

الموضوع: مربية اطفال

أدوات الموضوع

عرض

العرض المتطور