محتاجة مربية اطفال بشو تنصحوني ؟؟؟؟؟؟

[afsm2002]

مرحبا

ابغي اجيب مربية اطفال لاني اشتغل والبيت عندي كبير شوي ، والشغالة ما تقدر تشوف العيال وتخلص الشغل ،

نصحتني مسؤولة احدى مكاتب توريد العمالة باني اجيب فلبينية مسيحية وتكون مو مشتغلة لانها تعرف انجليزي ، ولان المسيحيات انظف من المسلمات من خبرتها وانهم يعلمون العيال الادب والنظام والنظافة وما يدخلون في موضوع الديانة بس للتربية هم ok ،

انا محتارة شو اجيب عندي اندونيسية جاية من خمس ايام وشكلها مشتغلة عند ناس ما يهمهم النظافة والترتيب ذاك الزود ، مو عارفة ارجعها ولا اعلمها واشوف شو يصير معاها بتتعلم ولا لا ، والمصيبة الاكبر انها لما تطبخ ما تقدرين تاكلين لان اكلها مافي طعم ولا ريحة ، لكن تقول ابي اشتغل ...... وانا ما عندي وقت ادخل المطبخ واعلمها

ان شاء الله تكونون فهمتوا شو المشكلة الي انا فيها
وكل وحدة تقرا موضوعي تنصحني او تسال لي حد عندها مثل مصيبتي ، والي عندها مربية اطفال تقول تجربتها معاهم

ملاحظة : امي ما تقدر تشوف العيال ‘ بس المربية بخليها في بيت الوالدة
في غيابي وعقب برجعهم معاي البيت يعني ما بتركهم لحالهم معاها

انتظر نصيحتكم

المزيد من آخر المواضيع من نفس القسم:

• حساااب لبيع الانتيك الاشيا الاثريه القديمه
• ساعدوني .. محتاجة لدكتور قلب اطفال في دبي
• السلام عليكم
• المانيكير الاسلامي
• ترتيب ادوات المنزل
• أبا هالبرقر
• عجبني هالفستان من موقع فلوري داي
• عجبني هالفستان من موقع فلوري داي
• علاج ادمان المخدرات
• ديجي فاضل في أبوظبي

[مبدعة الامارات]

كل اللي اقدر انصحج فيه ان اهم شي تخلين الشغاله عند اهلج يراقبونها ولاتخلينهم بروحهم تحملي ياقلبي ماراح يفيدج شغل ولا بيفيدج الى هالصغاريه الله يحفظهم من كل شر

[afsm2002]

مشكورة الطموحه 77 عالمشاركة ،مثل ما خبرتكم اني بخليها مع الصغارية في بيت الوالدة الله يخليها لي

بس شو من الجنسيات اجيب

[ام ندى ...]

مافي غير الاستخاره والله يكتب لج الخير فيهن يارب ........

[ورودة دبي]

هلا اختي من واقع خبره

اذا عندج بيبي ييبي لج مربية فلبيينه مسيحيه مثل ما تفضلتي و تكون موب مشتغله من قبل
وايد نظاف و مرتبات تكون تخصصها فقط الاطفال و تكون عندج وحده ثانيه للتنظيف و الطبخ

موفقه

[afsm2002]

ام ندى ....... ورودة دبي
شكرا عالمشاركة

[النجلا]

الغالية هاتي الفلبنية حق الياهل وهاتي كبيرة في العمر والاندونيسية خليها للبيت بس اهم شي المرااااقبة

[ميمي22222]

ما ادري شو اقولج بس من كم يوم شايفه مقاطع فيديو عن شغالات يوم يعذبون اليهال الصراحه زغت ..

بس نصيحتي حطي عيالج بحضانه زينه وبيهتمون فيهم وبيعلمونهم ولا تخلينهم ويا شغالات سبحان الله ما تدرين شو يصير وياهم

[mrym]

الفلبينيات أحسن شي حق اليهال بس يضيرن بسرعه بس دام في حد بيساعدها في الغسيل وجي خليها هي بس تكون حق البيبي وتغسل ثيابه وجي علشان مايكون عليها وايد شغل وأطلع حرتها فيه ترا مافي قلبهم رحمه وزين أنها بتكون في بيت أهلج ف بتخاف المهم يبي فلبينيه والله أيسر أمورج أن شالله

[afsm2002]

النجلا ....... ميمي 22222 ...... mrym

شكرا عالمشاركة خلاص قررت اجيب فلبينية
بس الاندونيسية الهبلة الي عندي شو اسوي وياها

ما تعرف تطبخ شي مثل الناس واذا طبخت ما يتاكل ، وما تعرف شي اسمه ترتيب ونظافة في المطبخ
كله خلط بلط ، بس تعرف تنظف الغرف زين وتكرمون الحمامات فقط

ارجعها المكتب ولا اصبر عليها لان عليها الضمان بعد شهر
ما ادري شو اسوي معاها ، لازم اتقولين لها سوي كذا عقب اتسوي ، لكن من نفسها تعرف ان هالشي لازم ينشال من هني او هالشي لازم يتنظف لانه مغبر ماتعرف مع انها مشتغله 7 سنوات في السعودية في ثلاث بيوت مختلفة شو رايكم

[zeinab_job]

السلام عليكم ورحمة الله وبركاته
انا من مصر
حاصلة على ليسانس آداب وتربية قسم لغة عربية ودراسات اسلامية
وحاصلة على شهادات فى مجال الحاسب الآلى
وشهادة icdl
وعملت بالتدريس للمرحلة الابتدائية فترة
وعملت مدربة حاسب آلى فى بعض مراكز التدريب للحاسب الآلى
لا توجد لدى شهادات خبرة لكن
ارغب فى عمل من اجل التربح المادى
وعندى خبرة بتربية الأطفال وإدارة المنزل
أتمنى أن أكون من الموفقين فى الحصول على العمل معكم
برجاء الرد على رسالتى
وهذا اميلى الخاص
zeinab_job@yahoo.com

[Reem Alnuaimi]

الغالية من تجربتي الشخصية فلبينية مسيحية راقيبها عدل واكرميها وعزيها واحترميها بتحط عيالج في عيونها لكن اذا اساتي معاملتها ترى العواقب ما تتوقعينها في النهاية البشاكير بشر مثلنا وعيالنا امانه في رقبتنا ولا تحطين عيالج ويا البشاكير الا للضرورة بس

والله يوفقج

[مزوون الام]

اضم صوتى للاخت الى قبلي الفلبينيه افضل ويتعلم الطفل منها اللغه الانجليزيه والنظافه والادب ومثل ما قالت
كرمتيها وعزيتها واحترمتيها بتحط عيالج في عيونها انا عند عيالى وحدة فلبينيه ممتازة اللحمدلله من جميع النواحى
نظافه شغل كل شى وهذا من تجربتى.
اما الاندونيسيه إذا ما تنفع للطبخ رجعيها ولا تضيعين وقتج معاها ويبي بدلها طباخه افضل .( ما ينفعون الا للطبخ)

[كازميه]

السلام عليكم اختي اولا انا ضد من يقول ان المسيحيات احسن وانظف من المسلمات
لو كانوا احسن ما كان الله اختارهم للكفر لايجوز هذا القول وهذا قول باطل من متى اصلا كان الكفار فيهم نظافه والكفار ما يهتمون بنظافتهم الشخصيه لانهم نجسين قلبا وقالبا ما عرفوا حق الله عشان يعرفون حق الاطفال واللي مايخاف الله خاف منه

[شموخ العاطفة]

Felebenya cristian