هل هذا سحر؟؟؟

**saraonly1** · 2007-12-06, 19:52

مرحبا خواتي
انا بعرض لكم مشكلتي وان شاء الله الاقي حل لاني والله خاااااايفة

السالفة ومافيها انا ساكنة عند اهل ريلي بس قسم بروحي وفوق في الطابق الثاني اخوه العود وزوجته وعياله بس بابهم منفصل
انا مابيني وبين زوجة اخوه اي علاقة الا اذا شفتها عند قوم عمي اسلم عليها وشوية سوالف وغيره لا
المهم هي دوم تقولي تعالي عندي بس زوجي محذرني منها يقولي هي راعيه سحر وابد لا تسيرين لها ولا تاكلين شي عندها
المهم انا متعوده اهل ريلي دوم يطرشون لي أكل يحطونه عند الباب اذا مافتحت الباب واخذه عقب
المهم مره لقيت دلة شاهي حليب عند الباب خذتها مع ان اهل ريلي ماقد طرشو دلة شاي حليب بس هم يطرشون غدا وعشا وفوالة العصر المهم خذتها وشربتها انا وريلي والغبية نسيت ان اهل ريلي اصلا رايحين كلهم عند بيت بنتهم في منطقة ثانية وبيتمون 3 ايام
عاد انا شربت من الدلة وغسلتها ويوم ياو اهل ريلي طرشت الدلة مع الخدامة لهم
عاد اليوم سرت لعمتي اسلم عليها قالتلي الدلة شو يابها عندج قلتلها من انتو مطرشينها تممت تضرب راسها وقالتلي هذي دلة (فلانة) زوجة اخو زوجي ليكون شربتي منها قلتلها هيه... قالت والله اللي بتفترقون انتي و ريلج يالخبلة ليش تشربين منها كان عقيتيها قلتليها انا ماعرف انها دلتها هي مول ماطرشلي شي.....تمت مضايقة وقالتلي هذي راعية سحر وطبوب نحن نخاف منها ومانقدر نقول شيالحين انا زاغية مووووت اخاف سحر والا شي....

السؤال كيف احصن نفسي... كيف اعرف اذا كان سحر او لا... شورو علي .. أنا معرسة من سنة وأخاف يكون السحر منع حمل والا شي ثاني.. شو الحل يا بنات ساعدوووووني بموت من الخوف

المزيد من آخر المواضيع من نفس القسم:

**شيطونة** · 2007-12-06, 19:57

حبيبتي أحس أحسن تسألين مطوع...
ولا اذا ريلج يقتنع.... روحو عند مطوع يقرأ عليكم وبيعرف اذا سحر أو لا
خلي عمتج تقنعة انه لازم يوديج

**سلرا** · 2007-12-06, 21:02

ماتشوفين شر وربي بيحفظج وتذكري دوم الله فوق كل قوه على الارض مالج غير ادعيه الصبح والمسا فيها احسن تحصين ............ ولا تحطين الموضوع في بالج ساعات الوهم يمرض الواحد توكلى على الله وربي بيحفظج منها ومن كل شر

**رمال الذهب** · 2007-12-06, 21:03

تعوذي من بليس وشلي هالوساوس عنج هي شو فايدتهات تسويلج سحر
المهم إذكري الله وخلي هالسالفه عنج لأن الخوف والوسواس هو إلي بيخبلبج
إذكري الله وإنسي السالفه وقرئي دائما كل يوم سورة البقرة والفجر والمغرب إقرئي المعوذات الثلاث والكرسي
وإن شاء الله ما عليج شر الغاليه

**Amore** · 2007-12-06, 21:10

يمكن اهل ريلج يتوهمون انها راعية سحر واصلا مالها مصلحة في اذيتج

**uaeeyes99** · 2007-12-06, 21:19

الله يكون في عونج .............. سيري عند مطوع

**عروس المستقبل** · 2007-12-06, 21:30

تعوذي من بليس وشلي هالوساوس عنج هي شو فايدتهات تسويلج سحر
المهم إذكري الله وخلي هالسالفه عنج لأن الخوف والوسواس هو إلي بيخبلبج
إذكري الله وإنسي السالفه وقرئي دائما كل يوم سورة البقرة والفجر والمغرب إقرئي المعوذات الثلاث والكرسي
وإن شاء الله ما عليج شر الغاليه

**saraonly1** · 2007-12-06, 22:26

مرحبا خواااتي
مشكورات على الرد....... انا ماكنت اهتم لسوالف السحر ابدا واذكر الله واتوككل عليه... بس من شفت عمتي زايغة وتضرب راسها بايدها وتقول والله اللي تفرقتوا وتزجر بنتها وتقولها لحقي الدلة دلة فلانه وهم شربو منها خفت من الخاااااطر... بس بتوكل على الله وبقرا القران والادعية والله يحفظنا جميع يارب العالمين

**أمينة** · 2007-12-06, 22:35

الغالية لا تفكرين وايد يمكن أهل ريلج على خلاف وياها وفي مشاكل بينهم وهم من النوع إلي يخاف من هالسوالف وعشان جي توترو يوم شافو الدلة. إنت خلج على حسن النية وحاولي تكون علاقتج وياها زينة وإن شالله ما بيضرج شي

**دكان 24** · 2007-12-06, 23:11

اتوكلي ع رب العالمين واذ خايفه سيري حق مطوع

**دلوووعة أمها** · 2007-12-07, 01:23

تعوذي االغلا من الوساوس هاي .. وخلج على أذكار الصباح والمساء ... وداومي على قراءة سورة البقرة ... وما عليج شر إنشاء الله ...

**الوزيرة** · 2007-12-07, 13:01

اكثري من الاستغفار ..

**(MISS_ME)** · 2007-12-07, 13:12

الله يحفظج ان شاء الله ...

الله لا يفرق بينج وبين ريلج ....

**نبر ون** · 2007-12-07, 13:19

بلا مطوع بلا خرابيط انتي اروحج ما تعرفين تقرن قران؟ ليش الموطوع عيل؟
حبيبتي شئ ايات الرقيه الشرعيه يسمونها وادعيه وقراءة سورة الكرسي والمعوذات يسدنج
دخلي على موقع الشيخ ثامر بن مبارك وبتحصليله اكثر عن موضوع في الرقيه الشرعيه وتعوذي من الشيطان يمكن الحرمه ما سوت شئ بس الحذر واجب

**AD Classic** · 2007-12-07, 17:12

أقري ع نفسج المعوذات وايه الكرسي .. ثلاث مرات كل وحده فيهم ..

وعقبها إنفخي على نفسج ثلاث مرات و ع ريلج ..

واقري بعد اذكار الصباح والمساء ..

وأسمعي كل يوم سورة البقرة كامله .. مب طويلة وايد كلها ساعه وربع أو ونص ..

لو فيه أي شي بيأذن الله بيبطل ..

الموضوع: هل هذا سحر؟؟؟

أدوات الموضوع

عرض

هل هذا سحر؟؟؟

المزيد من آخر المواضيع من نفس القسم: