مساعدة عن تأخير الزواج

[نور_]

السلام عليكم جميعاً

ابي راي كل وحدة منكن الله يحفظكن جميعاً

انا عندي مشكلة من جم سنه اي واحد يقدم لي ما تتم الخطوبة و بدون سبب الريال يختفي و بعد جم شهر يتزوج غيري، و اذا تعرفت على شخص سواء عن طريق الدوام او الدراسه ما توصل علاقتنا للخطوبة ابداً ( العلاقه صح غلط شرعاً بس ما نطلع مع بعض ولا شي نتلاقى فالشغل لا اكثر يعني نتعرف على بعض) و هالشي بدأ من و انا عمري 15 كانت اول مره انخطب فيها بس اهلي رفظو اكيد لأني قاصرة.
من وصلت 17 خطبني شخص و اختفى بس صراحة ما اهتميت بالموضوع كل همي كان دراستي
لين ما وصلت 21 بديت اداوم هني كلمني شخص عن طريق بريد الدوام و طلب رقمي و رقم ابويه
انا خفت منه بس عطيته رقم ابوي و ساعتها كان الفون مبند الريال ما قدر يتواصل مع اهلي
قام رسلي ايميل و اتصل على رقد الدوام و قالي انه يبا يتقدم لي رسمياً انا قبلت لأني قمت و سألته عنه و عنه اهله و خبرت اهلي بالموضوع حتى هم وافقو و صار بينهم حوار...
بعدها بأسبوع شفت وحدة ( ربيعة اربيعتي) حاطة صورتها مع الشخص اللي خطبني بس ما قلت شي سألت الريال و قالي انا ما اعرفها لكن بحكم انها داومت عندي ( هو مسؤول شركة) طلبت تتصور معاي. ( و طلع صدق كلامه)
المهم البنت هذي مادري شو سوت بس تسببت في ابعاد خطيبي عني لا هو رد كلمني ولا انا سألت عنه لمدة سنتين. وصلت عمر ال 23 ولا يا بيتنا ولا صار بيننا اي كلام، هو سافر اوروبا و انا بعد رحت ادرس لين نا تلاقينا بالصدفه و خبرني عن الموضوع كله ( هي كانت سمعتها شينه و قالت له اني ربيعتها مع اني ماعرفها الا عن طريق ربيعتي) خلاص قررت انهي كل شي دامه شك فيني ما له مكان في حياتي.
عقبه انخطبت 4 مرات و لا تمت الخطوبة و دوم نفس الموضوع اللي يخطب يختفي.
المهم وصلت 32 سنه و كنت اكلم وحدة ربيعتي و قالت لي يمكن عندك سحر او حسد
قمت اسوي رقية كل يوم و كل ما انش الصبح اكون متكسرة ولا اعرف السبب
بدت الاعراض تبين علي اول شي من شعري اللي قام يطيح و ويهي اللي بدا يبين اكبر ( تجاعيد و بشرة جافة)
الم دائم في اسفل الظهر، ضيق تنفس، ارتاح بس و انا بروحي ما احب الناس، احس اني اطيح من مكان عالي و كوابيس... حتى مرات من حد ينعجب فيني يقول انتي كبرتي، اللي في عمرج عندهن عيال
صدق شي يجرح بس ما حد يفعم ظروفي
قررت اروح لمطوع قرا علي و قال ان عندي سحر تعطيل الزواج و تحول لمس عاشق، من قمت افكر تذكرت ان امي و يدتي سوو لي سحر تصفيح و انا عمري 9 سنوات و ما بدت الاعراض تبين علي صدق الا فعمر 21 و الحين صار لي 11 سنه اعاني منه.
المطوع كلم امي و قالها لازم تبطل السحر بس هي مقتنعة انه غلطان و تقول له لا نحن كلنا جذي و عرسنا بدون اي عارض بس البنت ما لها نصيب، تعب و هو يطلبها ما تبا تسمع
حتى انا طلبتها و قالت لي لا ما بشله لأنه عادي ما يسوي شي

ابا منكن نصايح يا بنات و انا بدوري انصحكم لا تسوون عالشي بناتكن خذو مني العبرة.
ادعو لي الله يفرجها علي.

المزيد من آخر المواضيع من نفس القسم:

• حساااب لبيع الانتيك الاشيا الاثريه القديمه
• ساعدوني .. محتاجة لدكتور قلب اطفال في دبي
• السلام عليكم
• المانيكير الاسلامي
• ترتيب ادوات المنزل
• أبا هالبرقر
• عجبني هالفستان من موقع فلوري داي
• عجبني هالفستان من موقع فلوري داي
• علاج ادمان المخدرات
• ديجي فاضل في أبوظبي

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[نفثات انثى]

حبيبتي الله يشفيكي ويعافيكي راسليني خاص عندي برنامج مفيد للرقية الشرعية والعلاج بالقران راح افيدك باذن الله وربي يرفع عنك البلاء اختي ويرزقك الزوج الصالح يارب

[بسمه دبي]

حبيبتي انسي عمر الزواج .. وااايد بنات من اهلي نصيبهم يا وهم فوق ال 35 وطالع

لا تحطين هالشي في بالج داومي على صلاتج وذكر الرحمن, وعسى ان تكرهوا شيئاً وهو خيراً لكم

والي خطبج المفروض مايسمع من طرف واحد كان المفروض يسألج مو يحكم عليج وعلى الاقل يحترم الخطبه اول الكلمه الي بدها لان من بدايتها جي.

ماعلينا اذكري الله وادعي رب العالمين

الله يوفقج وان شاء الله نسمع خبر الزواج قريب

موفقه حبيبتي

[عيون_دبي499]

الله ايسز امورج ان شاء الله

[فطوم دبي8]

مافيج شي ولا تفكري بشي. هيه الضروف والنصيب. اختي كانت نفس حالتج بالضبط وتزوجت. اسمعيني كل إنسان له قرين ولا تخلي وساوس تسيطر عليج واذكري الله وحافظي على الصلاة والقرآن والآلام لي تقولي عنها ترا كلها من الوساوس. انصحج تمشي رياضه وتبعدي عن جو التفكير. كله بيد الله وانا متأكد انك احلى مما وصفتي ولاتسوي بنفسج تجاعيد وخرابيط. ربي يحفظج والسموحه طولت