حلمت بطفل

[apiuser]

سلام عليكم
حلمت ان



كنا بالسياره انا وامي واخوي وانا كان بحضني ولد صغير مااعرفه عمره بالاشهر طلعت قدامنا دوريه قال اخوي ماعندي ليسن ودشينا بشارع ثاني منحاشين من الشرطه وسفط عند بيت ناس مااعرفهم ونزلنا دشينا بيتهم ، كنت ببيت ناس ماعرفهم بس كانو يكشخون بيروحون عرس يقولون عرس اخوهم مكتوب على اللوحه اسمه ( محمد الشويعاني المطيري ) هالاسم ماعرفه بس شفته بالحلم وانا قاعده بصالتهم جوهم بنات صغار واجد يقرقعون قلت ماعندنا قرقيعان وراحو
وكانت فيه عجوز قاعده وهي بالحلم جدتهم الناس اللي انا قاعده عندهم قاعده قدامها بنت قالت لها العجوز اخوج ماحملت مرته قالت البنت لا قامت العجوز تدعي ان الله يرزقه وانا اقول ببالي حتى انا للحين ماحملت




وحلمت مره ثانيه اني رايحه المستشفى اللي ولدت فيه ببنتي ورفيجتي كانت معاي وهي بالحلم حامل جت عند الرسبشن عطتهم بطاقتها ودشت تنطر دورها وانا واقفه وراها جيت بعطيهم بطاقتي عشان اخذ رقم ( قلت بقلبي يبون 300 دينار وانا ماعندي فلوس ) قمت طلعت دزيت لزوجي تعال اخذني من المستشفى قال مو فاضيلج انا قاعد ألعب لعبه والحين بنام خلص الحلم.





انا متزوجه صارلي 4 سنين جبت بنتي اول سنه الحين عمرها 3 سنين مااخذ موانع ولا شي بس ماحملت صارلي 3 سنين راجعت بس ماحملت والحين ماخذه موعد عند دكتور معروف موعدي شهر 10


الحالة الإجتماعية:متزوج / متزوجة
العمر:23
الجنس:أنثى
الحالة الوظيفية:غير موظف / غير موظفة

المزيد من آخر المواضيع من نفس القسم:

• [تفسير مستعجل خاص]حلم السفر
• [تفسير مستعجل خاص]الجوال
• [تفسير مستعجل خاص]حلم السيارة
• [تفسير مستعجل خاص]حلم غريب
• [تفسير مستعجل خاص]طعن بالسكين
• [تفسير مستعجل خاص]تحلمت بالوزغ
• [تفسير مستعجل خاص]فساتين
• [تفسير مستعجل خاص]حلمت ان باب بيتي مفتوح
• [تم التفسير] [تفسير مستعجل خاص]تفسير حلم عن متوفيه
• [تم التفسير] [تفسير مستعجل خاص]تفسير حلم ولدت بنت