صدري يعورني .. ونا خايفة !!

[8نوف8]

السلام عليكم


شحالكن بنات


أدري الموضوع يمكن مب مكانه .. بس لو كتبته في القسم الصحي..محد بيرد عليه
قلت بكتبه هني

من يومين ..نشيت من رقادي..بالم فضييييع في صدري .. الجهة اليمنى..
نشيت من رقادي ومن الويع ابا أصيح مب قاادرة .. وعقب عادي..حتى اني سرت عرس في نفس الليلة ولاكان في اي شي .. ويوم ييت أرقد.. اكتشفت ان الويع موجود..يعني كل ما أحط راسي ييني الويع.. بصراحة ألم كريه وايد وفي نفس الليلة نمت ونا يالسة !!
ما أقدر أكح..أو أضحك أو حتى اتنفس بعمق!!
وأمس نفس الحالة .. والألم ساعات يوصل لليد ..ويخل حركة ايدي بطيئة.. ..وساعات يوصل لبطني!!
بس يوم يوصل لبطني....آآآه .. لاني من فترة مسوية عملية في بطني!!

بصراحة وايد خايفة.. ومن خوفي مب قادرة أسير أفحص!!


شو رايكن ..حد سمع عن جي قبل!!


لاتنسوني من دعواتكم

المزيد من آخر المواضيع من نفس القسم:

• حساااب لبيع الانتيك الاشيا الاثريه القديمه
• ساعدوني .. محتاجة لدكتور قلب اطفال في دبي
• السلام عليكم
• المانيكير الاسلامي
• ترتيب ادوات المنزل
• أبا هالبرقر
• عجبني هالفستان من موقع فلوري داي
• عجبني هالفستان من موقع فلوري داي
• علاج ادمان المخدرات
• ديجي فاضل في أبوظبي

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[مــــيره دبــي]

مرحبا حبوبه..

حتى لو كتبناااالج الرد.. يمكن ماينااااسب وضعج...

أهم شيء تسيرين المستشفى بسرعه.. وماتتهاونين.. عسب تطمنين ع عمرج...

وماعليج شر حبوبه..

وطمنيني عليج أول ماتردين من المستشفى,,,

[العمر]

طبعا تسيرين المستشفى شو ميلسنج


ان شاء الله خير حبوبه

العمر

[أم حتوس]

اختي يمكن عصبه او مكيف ضاربنج بيدج سيري المستشفى احسن لج

[طي السنيين]

إدهني بزيت زيتون وشوية فكس وتغطي
وسيري للمستشفى دام إن السالفه فيها عمليه يمكن أعراض جانبيه من العمليه

[اليامي مريامي]

اقري على روحج و امسحي ورروحي الدختر

[بقايا جروح]

سلامتج الغاليه
ما تشوفين شر بس ما اعرف يمكن يكون من الغازات...
لانه مرات تسوي ضيقة ونغزات في الصدر ,,


سيري افحصي وطمنينا عليج

[الريم السروحي]

مثل ماقالولج الخوات
سيري الغاليه وان شاءالله مافيج إلا العافيه

وطمنينا عليج

[اناناسة]

حبيبة قلبي

لا تتهاونين ابدأ و سيري المستشفى بسرررعة

ان شاءالله ما فيج اي مكروه بس على الاقل بتطمنين و بتطمنيننا حبيبتي

[لوليانو]

....السلام عليكم .

حبيبتي لا تنتظريين ردوودنا ،، دام السالفه كانت فيها عملية ،، فالأفضل إتسيرين المستشفى ..
وإن شاء الله خير ...

لا اااا تنسين إطمنينا علييييج ..

مأجووورة إن شاء الله

[أمل سالم]

ما عليج شر إن شاء الله....سيري المستشفى وطمنينا

[8نوف8]

تسلمون حبايبي على اهتمامكم

ربي يجزيكم الخير

ويوفقن دنيا وآخرة يارب

[ام سلطان20]

مااتشوفيين شر الغاالية


سيري افحصي

[مرت سلطان]

ما عليج شر الغاليه....
اذا مسوية عملية يمكن هاي غازات....وتستوي بعد العملية
لاني يوم مربيه قيصري نفس الشي كنت احس به و يوم سرت للدكتورة قالتلي غازات
بس انتي سيري المستشفى للتاكيد و طمنينا

[بنت العاصمة]

ما عليج شر الغاليه....
اذا مسوية عملية يمكن هاي غازات....وتستوي بعد العملية
لاني يوم مربيه قيصري نفس الشي كنت احس به و يوم سرت للدكتورة قالتلي غازات
بس انتي سيري المستشفى للتاكيد و طمنينا

انا اتوقع غازات بعد

بس سيري وافحصي احسن عشان تتطمنين على عمرج اكثر