بالله عليكم احد مشكلته مثل مشكلتي استحلفكم بالله ادخلوا

[لمى]

هلا اخواتي ..والله العظيم ترددت في موضوعي ان اطرحه لكم والله بس اقسم بالله انى بكل كلمه اقولها صادقه وقولى لى رايكم ابي احد يساااعدني والله
انا طبعا من السعوديه في محافظه قرب نجران وانا يمنيه وعمري 23 بس عمري ما شفت اليمن وطبعا ساكنه مع اهلي ومنتظرين الجنسيه السعوديه الى شكلنا ماراح ناااخذها ابوي توفى وهو يستناها دفع عمره كله وهو يطالب فيها .سفر ما نسااافر من يوم عرفت نفسي وانا بالمنطقه هاذي طبعا انا مع اخوانى وامى واخوانى متزوجين ومعانا بالبيت وظروفنا الماديه مو قد كذه واخاونى ضيعوا نفسهم بالسيارات الاقساط والسبه هالجنسيه والله العظيم لو تدرون كم خسرنا عشانها نراجع الاحوال يقولون معاملتكم موجوده بس ماحان موعد صرفها قلنا لهم احنا طفشنا 80 سنه والله حرام نبي نعدل اوضاعنا يقولون مافي خلاص الجنسيه بتطلع والله هاذه الكلام كل اسبوع نسمعه وطبعا ناس مقدمين بعدنا وتتطلع لهم الله يلعن ام الواسطه سوينا برقيات للامير والله مافي فااايده الحين انا مخلصه ثانويه المحافضه الى انا فيها حتى سكان يمكن عشره الاف نسمه بالله ايش رايكم سفر ما اقدر كليه ما اقدر بالله ايش اسوي ودي اصرف على نفسي من غير مذله من غير ما اقول لحد اعطيني اقسم بالله مليئت من حياتتي انا الوحيده بنت بالعايله كلهم اولاد يعني هما ما يحسون بالطفش الى انا فيه منتزهات مافي اماكن عامه نروحها انا وامى مافي بس بالبيت حتى جماعتنا الى نعرفهم يسافرون وانا كل يوم اموت قهر والله ودي اسافر والله تعبت اقله عمره اروح اسويها انا وامي مكه وما نقدر الكل لاهي بنفسه ومو حاسين فيني بالله قولولى ايش اسوي حتى الحاله الماديه اقسم بالله صعبه خلاص ضيعتنا الجنسيه حتى الشى الى اتمنى انى اشتريه والله والله ما اقدر اشتريه والله زهقت من حياااتي ومليئت امانه عليكم ايش اسوي حتى بيتنا جايب لى الاكتاب كويس انا فيه شغله اتسلى فيه الكبيوتر ابي مساااااعدتكم اللله يسعدكم قولو لى ايش اسوي ودي اعيش حياتي مثل البنات ودي اسافر اشتري الى نفسى فيه ودي احد يساعدني والله تمنيت انى اشتغل حتى ااخواني يشتغلون رواتبهم اقل من الهنود ليه ؟ عشان ما عندك اقامه ولا جنسيه ياهووووه وربي طفشنابالله ايشاسوي نفسي احس انى مثل اي وحده عندها غرفه خاصه فيها ودلع واغراضها الخاصه فيه اقسم بالله اقسم بالله انى ما ابالغ بكلمه من كلامي وطبعا فوق كل شى الحمد لله على الصحه والعاااافيه بس الى ابيه منكم ابي منكم اشلون احل مشكلتي ماديا رغم مافي وظيفه والله مليت .اتمنى انكم تردوووووون على موضوعي

المزيد من آخر المواضيع من نفس القسم:

• ممكن مساعدة عن تبيض
• أحتــاج معلمة في بوظبي
• خادمة للتنازل
• محتاجة خادمة اندونيسية بسعر رخيص
• لمن يبحث عن معلمة متميزة في اللغة العربية...
• ساعدوني لوجه الله ارجوكم
• أنا ارمله احتاج شغل
• بنات تجربتي في عمليات التجميل مع الدكتورة...
• رجاءا من تعرف راقي شرعي
• مساعدة جمعيات و مؤسسات خيرية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[little lulu]

اول شي الغاليه الحمدلله على كل حال ووايد ناس عايشين مواطنين و عايشين حياه صعبه هذي اسمها القسمه و النصيب و لازم تشكرين ربج و تصبيرين لأنه الله مع الصابرين ......و ثاني شي ما دام الحياه في السعوديه مش عاجبتنكم ليش ما ترجعون بلادكم احسن حقكم. انا استغرب من الناس وافدين و يشتكون من البلاد اوكي ليش ما تردون بلادكم و تستلمون جنسيتكم الأصليه ....طيب انتي ردي علي انتي مش سعوديه على اي اساس يعطونج جنسيتهم؟؟؟؟؟؟؟؟

[لمى]

هلا اختي ما فهمت قصدك ياجبيبتي لو على انا ودي اسافر بس اخوانى لاهين بامورهم وعندهم الشى عادي المصيبه اخوانى يوم يراجعون يقولون عندكم المعامله موجوده بس لسه ما حان صرفها طيب خلاص نبي نعدل وضعنا باقاامات يقولون لا بالله عليكم مو قهر .. يعني هم نفسهم الى بالحوال ما يرضون يقولون معاملتكم جاهزه .الحين مشكلتي ابي اشتغل واصرف على نفسي والله .

[EsSnGbAcYa]

حبيبتي اصبري و ما لك إلا الرجل الصالح الي يصرف عليج من غير مذله ....بس انتي ادعي ربج
و دايما حافظي على نفسج من الذئاب لان بقدر محافظتج على نفسج بجيج الرجل الصاح (هذا كلام انا أؤمن به)
اما عن الجنسية فلازم تصبرين يعني و الله حرام تسيرين اليمن و انتي ماتعرفين شي عن اليمن
انتي خلاص من اهل السعودية
بس اصبري .....لان وراء الغيوم تكون الشمس
بعد الضيق يأتي الفرج
اللهم فرج علينا اجمعين

[صدى حنيني]

الله يعينج اختي الصراحه ماعرف شو اقولج ............

وبعدين معظم السعوديين اوضاعهم تعبانه كيف وانتي يمنية !!!!!!

الله يعينكم بس ,,,

[عشقية زايد]

انا استغرب من الناس وافدين و يشتكون من البلاد اوكي ليش ما تردون بلادكم و تستلمون جنسيتكم الأصليه ....طيب انتي ردي علي انتي مش سعوديه على اي اساس يعطونج جنسيتهم؟؟؟؟؟؟؟؟

وماعرف شوووو اقولج زوووووود على هالكلام ,,,

والله يفتحها علييييييييج ان شاء الله ,,,

كثري الاستغفار وقيام الليل وان شاء الله بتتسهل أموووووووووووورج .,,

والله اكووووون في العون الغاليه ,,’’’

سلاااااااااااااامي

[أم الـغـالـي]

السلام عليكم

اختي لمى تحصلين الحال تعبان عند كثير من الناس بس اصبري وادعي ربج وعسى الله يفرجها

انا بعطيج كذا فكره

ممكن تستغلين وقتج بأنج تطبخين وتبيعين اللي تطبخينه مثلا ناس عندهم مناسبه والا شي اكيد يبون شي من برع والاغلب يفضل هالشي يكون شغل بيت فممكن تستغلين هالشي

او تشوفين لج بضاعه تبيعينها بين المعارف هناك وفي الانترنت

وممكن تعملين بحوث او ملازم وتبيعينها .

واذا كنتي شاطره بالتدريس ممكن تعطين دروس خصوصيه ..

والله يعينكم ..

[جرناس]

الله يعينكم ما شيء غير الدعاء أخر الليل والله يفرج كربت كل مسلم.
اّاااامين

[lulucatty]

هلا حبيبتي
والله تضايقت لما قريت موضوعك بس مالك الا الصبر والدعاء ثم الدعاء
ومثل ماقالت لك الاخت بنت الاياويد شوفي لج شي تسوينه .
وانا اختي من السعوديه وصارلي فتره مخلصه دراسه انا واختي وللحين ماتوظفنا
ونحس بملل من جلسة البيت لانو حتى الشغل بالواسطه.
الله يعنيك قلبوو

[نجمة الفجر 2000]

السلام علكيم الغاليات

بس انا حابة ارد على البنات اللي قالوا ان الوافدين اللي مو مرتاحين ليش ما يردون لبلادهم ويستلمون جنسياتهم الاصلية احسن لهم .... خواتي ما اعتقد انكم فاهمين الوضع اللي تتكلم عنه الاخت يعني شو وافدة بصراحة اذا تبون الصدق فالعالم كله وافد واذا تبون تعرفون اشلون والله روحوا شوفوا في كتب انساب العرب او كتب الهجرات الالى او ما ادري وين تدورون او حتى في كتب الجغرافيا علشان تشوفون كيف تستوي الهجرات والانتقالات بين الاماكن والبلدان يعني اللي كان متعارف عليه اول ان الناس ينتقلون من الاماكن الصحراوية للاماكن الزراعية وبعدين صاروا ينتقلون من الاماكن اللي مو مستقرة سياسيا لاماكن مستقرة سياسيا وبعدين صاروا ينتقلون من الاماكن اللي مو مسترة اقتصاديا للاماكن اللي ممكن يلاقون فيها فرص عمل احسن من بلادهم فيعني ان بلدك هو اللي تحس فيه بالامان والاخت اللي كاتبة الموضوع طلعوا من بلادهم اول ايام المشاكل اللي كانت في اليمن او يمكن قبل بعد وما شا الله اليمن كل ما طلعت من مشكلة دخلة في بلوه يعني بصراحة اكبر غلط انهم يردون لها بسبب القرف اللي راح يشوفونه هناك وبصراحة 80 سنة شوفوا كم جيل اتربا هناك يعني هم اللي يعتبرون مواطنين اصل لكن شو نقول يوم انه دفتر صغنطوط هو اللي يتحكم في تواجد البشر على كوكب الارض

فمن ناحيتج اختي ترا الشكوى لغير الله مذلة فمثل ما تشوفين في ناس فاهمة الوضع اللي انتوا فيه بس المشكلة طبعا انها ما تقدر تسوي لج شي وفي ناس مو فاهمة وضعكم فلا تزعلين او تنصدمين من الكلام اللي مكتوب يعني كل انسان يحاول انه يساعد اخوه الانسان على الاقل لو بكلمة حتى لو كانت هالكلمة في غير محلها المهم الغالية شوفي لج شغلة ممكن تسوينها في البيت ترا الكل عايش جي والله وااااايد بيوت مفتوحة بهاي الطريقة وان شا الله خير ,,,,, والله يوفقج وييسر لج الخير ان شا الله دنيا واخره

@ اختكم في الله @

[%%الألمــــــــاسه%%]

الله يعينج اختي

بس مالج الا الصبر

[روح بوظبي]

فديتج والله

حاسه فيج

بس ما باليد حيله

مالج الا التقرب الى الله اكثر فاكثر بالدعاء انه ييسرحالكم
ويرزقج بالرجل الصالح الي فيه الخير ان شاء الله ( آآآآآآآمين )

حبيبتي

شوفي بما انج متخرجه من الثانويه يعني دارسه وفاهمه

ليش ما تدرسين الياهال في البيت مثل ما قالت الاخت
والله صدقيني ان الشغل مب عيب شو ما كان
المحم حلال وساتر لج

او بما انج انتي يالسه فالبيت ع النت ليش ما تسويلج مشروع صغيرون ع النت وعلى الجيران

وشوفي حد من اخوانج المقربين انه يكون وياج يساعدج

او انتي والوالده ليش ما تطبخين مثلا بسكويتات او حلويات وتبيعونها للي يبون في المناسبات مثل الاعراس والعيد و ......

انا اعرف وحده حالتها الماديه تعبانه

شو سوت

تسوي بسكوت
بالكراميل و الككاو
وتحطه في صحون بلاستك وتغله مثل سلل الحلاوه وتعلق علة بطاقه تسويها بالكمبيوتر عليها رقم التلفون و مب حاطه اسمها حاطه محل .......
بس اهي ما عندها محل كل شغلها في اللبيت والطلبات عليها وايد


وهذي ممكن تاخذينها كفكره وتسوينها

حبيبتي لا تياسين
ان شاء الله بيكم الفرج

والحمد الله على نعمه الي انعمها علينا وهي الصحه

وكثر الصلاة والدعاء تريح وتخفف الهموم

هذا كل الي عندي و الي كان خاطري اقوله لج لما قريت موضوعج





سلامي

[اناناسة]

الله يعينج اختي و ما اعرف شو اقوللج فوق اللي الاخوات قالوا لج

[Daanh]

أنا ما بزيد على كلام خواتي ونصيحتي ليج
( صلي ركعتين في الليل و يستحسن قبل آذن الفجر إبساعة و كثري من الدعاء و أن شاء الله يستجاب الدعاء ) حتى أنج من إتقومين من الأرقاد راح إتحسين بالراحة و السرور ..... ورا كل هما ًُ فرجا


و أنا إبنفسي إم جرب هاي الطريقة يوم أكون مضايج أحس إنه خلاص بنفجر .... أقوم و اصلي و أتم أستغفر لين آذان الفجر أحس بالراحة راااحة ماحد يتوقعها لأنا الواحده يوم تثيق بالرب ربنا يسهل ليها أمورها ....

[شيخة ع الشامسي]

والله بكثرت الاستغفار بتحصلي ان شاء الله على اللي تبينه خلج مؤمنه بها الشي واكثري من قيام الليل كل مايتلج الضيقة استغفري وصدقيني والله والله عن تجربة يكفي انج اقل شي بتحسين براحة البال والطمأنينه...