وقف الدوره أثناء الحج

**دفا الروح** · 2007-11-25, 09:07

مرحبا خواتي ..
مادري لو بتقدرون تساعدوني والا لا ..

انا ناويه اسير الحج ان شالله بس اخاف ان الدوره تييني اثناء الحج رحت المستشفى (المستشفى الاماراتي الفرنسي) وعطتني الدكتوره كذا نوع من الدوا
قالت لي عشان اخذ اول نوع ثاني يوم على طول اللي واستمر عليه لين ما يخلص الشريط واتريا الدوره تنزل بعد 3 او 4 ايام
واثناء الدوره اخذ نوع ثاني من الحبوب هذا النوع يقلل فترة الدوره او يقلل نزول الدم والنوع الثالث لو حسيت ان وايد ينزل لي اخذها عشان يقطع الدوره

لا واتخيلوا اقول لها مارح تنزل لي يعني اثناء فترة الحج تقول لي مادري يمكن والاحسن انج تودين حبوب رابعه اللي اسمها ( ياسمين او ديان) تخيلوا

وانا سألت كذا وحده من اللي اعرفهم وراحوا قبل الحج او العمره قالوا كانوا ياخذون بس نفس فتره الحج وعقب اول ما يوقفون عن الحبوب تنزل عليهم الدوره

الحين شو الحل خواتي شو تنصحوني انا صراحه ما بديت باي نوع من انواع الادويه
وحابه اسير عند دكتوره ثانيه استشيرها بس مش عارفه اي عياده اسير شو رايكم منو يعرف دكتوره زينه ؟؟

المزيد من آخر المواضيع من نفس القسم:

**لووولوة** · 2007-11-25, 12:19

أختي دفا الروح ،، ليش 3 أنواع حبووووب ؟؟!!!!!!
حرااام أخاف تضرج ، الغالية روحي عند دكتورة ثانية ، أنا يوم رحت الحج الدكتورة عطتني حبوب اسمها دوفاستون بس حق فترة الحج وآخر يوم لنا في الحج ما خذتها وعقبها ب3 ايام نزلت الدورة
الغالية لاتخاطرين وتاخذين هالكيماويات كلها ، روحي لدكتورة ثانية ويفضل انها تكون مسلمة وقولي لها تبين حبوب تمنع الدورة بس في فترة الحج وهي بتحسب لج وعقب بتعطيج .. وربي يوفقج

**منشغل بالها دوم** · 2007-11-25, 13:01

لا تاخذين برمستها و الحبوب اللي واصفتنهن وااايد بيأثرن عليج كلهن هرمونات قويه ( مستغربه وين ضميرها )
أنتي متزوجه و الا بنيه ؟؟؟؟ ( إذا متزوجه خذي حبوب منع حمل من أول يوم للدوره كل يوم في نفس الوقت لين تردين من الحج أن و قفتي تنزل الدورة عقب 2-3 أيام )
و أن كنتي بنيه سيري عند دكتوره مسلمه أظمن لج

**متفائلة2007** · 2007-11-25, 13:13

الغالية سبق واني رحت الحج

واستخدمت نوع من الحبوب ما اذكر اسمها

بس اذكر اني رحت للصيدلية وطلبت منهم حبوب توقف الدورة علشان بروح الحج

وعطوني علبتين صغار وقالي الصيدلي اخذ حبتين في اليوم وحدة الصباح والثانية في المسا

بس انتبهي الغالية تتوقفين عنها ولاتشيلين ولاتسحبين شي ثقيل ترى مب زين وممكن ينزل لج الدورة

اذكر اني في اليوم الاخير لنا في مكة المكة وبعد طواف الوداع ماخذيت الحبه

مجرد مارجعنا في اليوم الثاني للامارات شرفت الدورة

علشان جيه لما تروحين للصيدلية اسالي هناك قولي لهم ابا ارح الحج واكيد بتسالج الدكتورة تاريخ كم موعد الدورة ؟

وبتقولج متى تستخدمينهم الحبوب نوع واحد مب ثلاثة انواع

تروحون وترجعون بالسلامة يارب والله يسهل عليكم وعلى الجمبع

وحجة مقبولة بإذن الله

**دفا الروح** · 2007-11-25, 14:32

شكرا خواتي عالردود
بس ظنكم في داعي اسير عند الدكتوره والا عادي اسير الصيدليه؟؟؟؟؟؟؟؟؟

انا ارمله وعندي ولدين

**متفائلة2007** · 2007-11-26, 13:50

الغالية عن تجربة

اول مارحت مكة للعمرة رحت للدكتورة وعطتني حبوب لمنع الدورة

وبعدها لما رحت للحج رحت للصيدلية وعطوني نفس الحبوب وانا مب متزوجة

وكل اللي كانو معاي عطوهم نفس الحبوب يعني ماراح تفرق

**UAEcat** · 2007-11-26, 19:34

اختي هو نوع دوا واحد هو مرمون يعطونه بهالحالات ووايد معروف اسمه بريموليوت

مثل ماقالت الاخت فوق علبته صغيره وله نظام معين ممكن اي صيدليه توصفه لج بطريقه تناسبج بس قوليلها السبب

واعتقد لازم تاخذينه من اول يوم دوره تجيج قبل موسم الحج وتستمرين عليه حتى تخلصين حج باذن الله ومن توقفينه تنزل الدوره بعده بكم يوم

ومثل ماقالوا الاخوات ديري بالج تنسين اي حبه لان الدوره من تنسين حبه ينخفض مستوى الهرمون بالدم وتنزل

وديري بالج هذا هرمون اذا عندج اي امراض ثانيه ممكن مايناسبج ( مثل القلب او الكبد لاسمح الله )

ودعواتج اختي لي بالحج وراحة البال

الموضوع: وقف الدوره أثناء الحج

أدوات الموضوع

عرض

قطع الدوره أثناء الحج

المزيد من آخر المواضيع من نفس القسم:

المواضيع المتشابهه

وجوه من الحج-الجزء الثالث والأخير من رحلة ^الدماني^ إلى الحج

بروح الحج وبتني الدوره

السعودية تمنع أي ترويج للشعارات الدينية أثناء الحج

لوحة مناسك الحج .. شرح فريضة الحج للاطفال

هل تعلمين ما الذي يحدث عندما تغسلين شعرك أثناء الدوره الشهريه ؟؟؟