هدايا الزوج..............محدوده

[--أم سيف--]

في كل مره....يعني في كل مناسبة

مثلا ذكرى زواج .........عيد الفطر والاضحى........ترقيه....سفر.......

اكون محتارة في الهدية الي اشتريها لزوجي..........واحس اني اكرر الهدايا لان الرياييل اغراضهم محدده..........

جرب العيد وللحين ما اشتريت شيء حق ريلي ولا فكرت شو اشتري.......

من الهدايا الي اشتريتها سابقا:
3 ساعات
2 قلمين
بزمه
عطور ودخون
محفظه
بودي لوشن
ورود

ابي اشتري شي يديد وفكرة يديده وخاصة اني ريلي ان شاء الله رايح الحج اذا الله راد........

يالله كل وحده تعطينا افكار عشان نتشارك مع بعض


الله يجمعنا مع ازواجنا في الجنة (اميــــــــــــــــــــــن)

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[نووري]

صدج والله حتى انا قرب عيد زواجنا وانا مافراسي شي ابي افكار وسوالف كل شي سويته شو اسوي وعندي ياهل الحين صعب

[--أم سيف--]

انا بعد عندي عمر فديته عمرهشهر ونص بس بعد لازم نرضي بوعمر

[نووري]

عسى بس حد يساعدنا

[dxb_moon]

في وحده في المنتدى اسمها ام رفيعه على ما اعتقد تسوي هدايا باشكل حلوة احدرن العروض التجاريه ودورن هناك

[mssuae]

مب شرط مشاري يا حبيبتي ممكن تسوين شي
يعني ممكن تحجزين له مكان يكون راقي وحلو وتخبرين موظف الإستقبال انج عندج المناسبه الفلانيه وهم بيتكفلون بالباجي
وممكن تحجزين شاليه حقه وحق ربعه وياه صدقيني بيستانس
وممكن تذكرة سفر
ممكن شنطه ماركه مالة الأوراق (حق البيزنس ) اونه عاد
وفكري شو يحب ريلج او شو ناقص مب شرط يكون شي ينشرى يعني شي ينظم حياته اكثر

[dxb_moon]

هنيه اللينك

http://www.uaewomen.net/showthread.php?t=123947

[ms.goldy]

انشالله البنات يفيدونج

[جروح_دمية]

انا صراحه ريلي يوم رد من الحج خذتله لاب توب لانه كان فخاطره..

[UmSawaf]

هلا فيج حبيبتي

ممكن تسووووين ليله ماكد سويتها من قبل وطبعا يكون في وقت عمووووري راقد
انا يوووم سيف كان بيبي في عمر ولدج ربي يحفظه كنت اسووويله الحركات الحلوووه الظهر طبعا من غداء ومشاوي بحريه ودلع وترتيب
وهو يكووون وايد مستانس
وتراها ماتفرق عن الليل المهم ترتيبج
والهدايا طبعا ماقصرت لين خلصت افكاري بس ساعات اطلع اطلع غصب الهديه

[...(مريّة)...]

الله يرده لج بألف سلامة يا رب ،
شوفي أختي المناسبة هاي مناسبة دينية ،
فأفضل إنها تكون بسيطة ، تعكس جو من الزهد والرضا والبساطة ،
ليش ما تاخذين له سيّاده + مصحف + مسباح
وتغلفينهم بطريقة حلوة وبطاقة وباقة ورد مرتبة على لون الهدية ،
إذا عزم ريلي على الحج إن الله راد بسوي هالطريقة ،
مافي مجال يعني لهدية أفخم لأن المناسبة مناااااسبة تدعو للبساطة
الله يرده لج ولعيالج بألف سلامة

[--أم سيف--]

اشكركم على الردود الطيبة........

فكرة اني اسويله ليلة من الليالي بس في النهار عجبتني........

وعجبتني بعد فكرة اني احجز له ولأصدقائه في مطعم..........

بعد انتظر المزيد من الردود