مرأة تسحر زوجه

**راعية اليبل** · 2007-11-21, 21:27

الســـــــــــــــــــــلام علـــــيــــــــــــــــــــــــــــــــكم
أنا توي عروس يدية وأبغي أعرف كيف أجذب زوجي لي وطرق التي بها أكون بها بأبه حلة وكيفية الإهتمام يالمنطقة الحساسة وكيف تنظيفها وتلميعها ما أبغي زوجي يمسك علي شيء ، أبغي أكون عندي خبرة عن كل الأشياء التي تخص العلاقة الزوجية ،و مسجات ومقالب وأدعولي الله يرزقني ...............بصراحة كل مرة يسألني مـــــــــــا حملتي أستحي وأقول بعدة لازم نكمل شهر ونصف بعدين أيبين .............أستحيت أقول إذا أتأخرت الدورة ما اريد ألوع كبدة.

المزيد من آخر المواضيع من نفس القسم:

**RNEN** · 2007-11-21, 21:44

لا تعلـــــــــــــــــــــــــيق

**ms.goldy** · 2007-11-22, 21:28

انشاالله المعرسات ما بيقصرن وياااااااج

**صمت الجروح** · 2007-11-22, 21:56

استغفرك ربي واتوب إليك .

**ميميه88** · 2007-11-22, 22:02

امممممممممممممم دخلي قسم الولاده والمشاكل النسائيه بتلقين موضوع لبنت زايد كاتبه كيفية الاهتمام بالمنطقة الحساسه ان شاء الله يفيدج اما عن الحركات وها الاشياء ياكثر ماكبن العضوات دوري وبتلقين اشيا وايد تفيدج وبعدين عادي تقولين له عن الدوره الحين يعني مايدري انها تييج؟هذا شي طبيعي ومن سنة الحياة لاتستوين وايد حساسه حاولي تغيرين له مظهرج كل يوم بشكل والاحلى انج يوم تتعدلين عنده غير عن يوم تتعدلين لطلعاتج ويلساتج عند اهله بيحس انه اهتمامج بعمرج له غير عن كل اللي حوولج وهالشي يفرحه اتمنى انيه فديتج واي شي انا بالخدمه

**أميرة بوظبي** · 2007-11-22, 22:13

هلا الغالية ..

الله يهنيكم مع بعض ان شاء الله ..

أختي .. دوري في المنتدى وخاصة هالقسم .. شي وايد نصايح للزوجات .. وحركات رومانسية ..

عوديه قبل لا يظهر من البيت لازم يسلم عليج .. وتوصينه على نفسه ..
اذا دوم مشغول في دوامه .. طرشيله مسجات اذكرينه انج تحبينه ومشتاقتله ...
ويوم يرد يشوفج متعدله ومرتبه البيت .. ومجهزتله كوب عصير يشربه اول ما يدخل البيت .. وطبعاُ الغدا يكون جاهز ..

اذا طلع مع ربعه لا تحرجينه باتصالاتج كل شوي .. بس ذكرينه انه دوووووووم على بالج .. وانه دوم ماخد تفكيرج ..
وحسسيه انه هو كل همج .. اذا اتصل فيج وقت عشا .. اسأليه اتعشيت ؟؟ كلت شي وانت مع ربعك ؟؟
وأكيد أول ما يرد البيت حتى لو متعشي .. اسأليه ما تبى تاكل لك شي قبل لا ترقد ..
اذا حسيتيه تعبان شوي .. دلعيه سويله مساج ..
شلي كل حواجز المستحى اللي بينج وبين ريلج ..

ما اعتقد في انسان فاهم ما يعرف عن الدورة .. انا كنت استحي اقوله يايتني الدورة .. كنت اقوله بطني يعورني .. وهو يفهم .. وعقب قالي هالشي طبيعي ليش مستحية منه ..

والمنطقة الحساسه .. أهم منطقة المفروض تهتمين بها مب بس عشان ريلج .. عشانج بعد .. بعيد الشر عنج الالتهاب وايد اتأذي ..
نظفي هالمنطقة بالحلاوة .. وسويلج خلطة المسك .. وشي بنات ايبيعونها اعتقد في المنتدى .. حطي شوي من الخلطة وامسحي فيها المنطقة ..
والملح وايد زين للتعقيم كل فترة .. حطيلج شوية ملح في البانيو ويلسي .. ورخي عضلاتج ..
واهتمي بملابسج الداخليه .. واستخدمي الغسول الخاص بهالمنطقة .. شرات كير فري ولا سيبا ميد ..
وانتي بكرامة بعد ما تسيرين الحمام جففي هالمنطقة عدل .. لانه الرطوبة تكون بكتيريا .. تسبب روايح كريهه .. واحذري هالروايح تراها نفسياُ ما ترتاحون منها ..

واذا حسيتي بشي مب طبيعي .. سيري عند دكتورة نسا وولادة .. تكشف عليج عسب تتأكد انج ما تعانين من اي التهابات .. وتعطيج نصايح تفيدج ..

والله يرزقج بالذرية الصالحة عاجلاُ غير آجل ..

**راعية اليبل** · 2007-11-23, 00:35

شكر وجزاكم الله خير علما أنا أكبر وحدة من خواتي والي أصغر مني في الصف 9 وخالتي أكبر بوايد عني بس أنتم مثل خواتي

الموضوع: مرأة تسحر زوجه

أدوات الموضوع

عرض

مرأة تسحر زوجه

المزيد من آخر المواضيع من نفس القسم:

المواضيع المتشابهه

علااااااااااااااااج مضمون لكل مرأة لإزالة الشعر

المأذون يصبح مرأة................

مرأة لم تشاهد الكعبة (قصة فيها عبرة و عظة )