حلمت اني انخطبت..

**apiuser** · 2019-01-07, 03:47

حلمت اني قاعده فالبيت وفجأة دخلو خالاتي (اثنين) وكان بيتنا غير الحالي من داخل يعني أماكن الغرف وأحجامها متغيره.. دخلت خالتي الاولى (اكبر خاله عندي) ودخل وراها زوجها وولدها الوحيد وبعدين شفت خالتي الثانيه (ارمله) طالعه من المطبخ تهرول ورايحه بره عشان تدخل الأغراض وعيالها الصغار توهم داخلين من الباب، حسيت اني مصدومه لانهم في دوله ثانيه كيف وليش هم هنا !!؟ بعدين دخلت غرفه وقالتلي خالتي( الارمله) خلك هنا ولا تطلعين اقعدي هاديه وبعدين ضحْكَت وراحت تكلم امي في الغرفه الثانيه بعدين سمعت صوت ابوي يقول السلام عليكم حيا الله من جانا مرحبا... استغربت فطلعت من الغرفه ومشيت فالممر من الفضول الا وتفاجأت في 3 او 4 شنط بأحجام متتاليه وكبيره وسلات فيها عطور وأغراض.. هنا عرفت انهم جايين يخطبون فرحت المطبخ ولقيت اختي هناك (الكبيره وهي غير متزوجه) فبغيت اقول لها ان خالتي جايه تخطب لولدها بس قاطعتني وقالت روحي داخل ولا تطلعين بيخطبونك يلا..، ضحكت واستغربت فنفس الوقت وطلعت من المطبخ فـلفيت على اليمين اتجاه الباب الا وأشوف جايبين لي سيارة رنج من ذهب والماس فخمه وحلوه فركضت عند امي وقلت لها شوفي خالتي طلعت غنيه عندها ملايين وملايين بس كانت مشغوله مع خالتي( الارمله) فرحت الغرفه وسكرت الباب وقعدت وانا اسمع ابوي يضحك وياهم فالمجلس ويسولف بعد شوي دخلت اختي فرحانه وتقول لي مبروك قومي قومي وانا متحمسه فمسكت ايدي وقومتني وبعدها صحيت من النوم وكانت الساعه تقريباً 6 وشيء صباحاً وانا فالعاده أقوم الساعه 5وربع ((( الغريب فالموضوع اني ما افكر لا في زواج ولا خطبه ولا هدايا ولا سياره ولا خالاتي ولاشي)))

الحالة الإجتماعية:اعزب / عزباء
العمر:19
الجنس:أنثى
الحالة الوظيفية:غير موظف / غير موظفة

المزيد من آخر المواضيع من نفس القسم:

الموضوع: حلمت اني انخطبت..

أدوات الموضوع

عرض

مشاهدة المواضيع

حلمت اني انخطبت..

المواضيع المتشابهه

[تم التفسير] حلمت اني انخطبت

حلمت اني انخطبت

حلمت اني انخطبت