اهل ريلي

[ah654]

السلام عليكم...اشحالكم وشخباركم حبيباتي
حبيت اطرح مشكلتي واتمنى تنصحوني وتلاقولي حل؟

مشكلتي هي في اهل ريلي مره يكونون اوكي وياي ومره العكس مثلا مرات يقعدون وياي وسوالف وضحك وين مايبون يسيرون يخبروني ومرات ولا كاني موجوده ولا يالسه وياهم ليش لاني غريبه مب من اهلهم؟تصدقون حتى يوم كنت حامل في حمودي حبيبي سافرو كلهم وماتم حد في البيت غيري انا وريلي والحمدلله ربيت وقمت بالسلامه ورحت يلست بيت امي اسبوع وعقب رجعت البيت وكل اتم روحي في الغرفه يقولولي انت في الاربعين وما يستوي تنزلين تحت ويحطون الاكل ويروحون عني انزين انا عندي بيبي وماعرف كيف اتعامل وياه في البدايه وكم مره قلت حق امي تعالي يلسي وياي وماقصرت امي فديتها يت بس شي طبيعي ماخذت راحتها وشافت كيف يعاملوني واصرت علي اني اروح وياها البيت وكلمت ريلي وقتله قالي لا لازم تتعودين هذا ولدج وانت ربيه ريلي من النوع اللي يباني اعتمد على عمري انا موافقته بس كيف ما كنت اعرف شي وعدت الايام الا اسمع ريلي يقولي قوم امي وخواتي بسافرون قتله متى قالي باجر استغربت وقتله وان منو بتم عندي قالي لا تحاتين انا باخذ اجازه وبيلس واسهر وياج والحمدلله مرت الايام وكبر حمودي فديته والحين عمره سنه بس المشاكل لين الحين لانهم يدخلون في كل كبيره وصغيره في لبسي وظهراتي وكل شي كل شي اقل شي والله يوم العيد المعروف ان اول يوم العيد اسير بيت اهلي واسلم عليهم واتغدا عندهم اهنيه لا اول يوم كل بيت اهله بس اروح بيت ابوي نص ساعه نسلم ونطلع وعقب نروح بيت خالته نتغدا لين المغرب وثاني يوم اروح بيت ابوي رضيت وقلت ما عليه كل عشان خاطر حبيبي وتغدينا بيت خالته وتمينا لين الساعه خمس عقب ريلي قالي يلا قومي نروح البيت عسب نظهر ونلعب حمودي قتله اوكي وسرت لبست عبايتي وظهرت من ظهرت بدت خالته تعلق على عبايتي والله مع ان العبايه راقيه والكل قالو بس اسلوبها وايد **** وجدام الكل بس انا ضحكت وطلعت مارمت اقول شي ولين الحين ترمس عن العبايه وتصدقون والله العظيم في رمضان اشتريت قطع ووديتهن الخوار حق ام ريلي وخالته وعطيتهم حتى شكرا مافي قلت ماعليه وكنت اتمنى يلبسونهم في العيد بس للاسف وكل ما اسافر او في مناسبه والله اول ما اخذلهم بس نفس الشي اقلها البارحه كنا طالعين رايحين السينما انا و بومحمد لان كل سبت نطلع والجمعه بيت امي والخميس اهله يتيمعون كلهم في البيت فمستحيل اطلع اوكي المهم دخلنا الصاله وكانو كلهم يالسين امه وخالته وخواته واول مادخلت الكل يلس يطالعني ويطالع العبايه حتى انا استغربت والله يابنات عباياتي راقيه ولبسي بعد صدقوني مامدح عمري ولا اتخقق انزينوخالته يلست تطالعني من فوق لين تحت وقالتي ها ان شالله من وين يايين قتله كنا طالعين قالت ادري بس وين انا ماحب اخبر حد وين اروح سكت عنها عقب سالت ريلي بعد قاللها طالعين يلي نفس الشي ما يحب يقول وين رايح قالت اكيد سايرين السينما انتو عندكم مكان غير السينما وقالتلي خففي طلعاتج اشوف ريلج خف على الطلعه جدام اخوانه قالت هالكلام شو بقولون عني وانا صلا ما اطلع الا في الويك اند ومع بو محمد وعقب انا طلعت وسرت غرفتي مارمت اتحمل ويلست اصيح من القهر ليش جي يعاملوني لاني ماتكلم ومارد عليهم والله تعبت ومليت وكل يوم ادعي متى اطلع ويكون لي بيت وكل ما قول حق زوجي يقولي صبري لين ما يطلعلنا القرض والله خواتي ريلي وايد وايد اوكي وياي بس خالته وايد تدخل وكلهم يسمعون كلامها ويوم تكون عندهم سوالف وان اكون يالسه وياهم ما يتكلمون يوم اطلع يسولفون ومرات بو محمد يكون مسافر وانا امل في البيت اقول بروح بيت ابوي والله يوم تعرف خالته تجلب الدنيا وبنات اختها كل يوم عندهم ليش حلال عليهم وحرام على غيرهم ليش يعني حتى مرات يطلعون وانا يالسه في الصاله ولا يقولون جني مب موجوده تعبت لمنو اشكي اقول حق ريلي مايصير مهما يكون هذيله اهله اقول حق امي تقولي صبري وتحملي عشان ولدج وريلجو خواته مب وايد وياي مع اني اسولف وياهم ومرات يوم ابا اروح السوق اقولهم يقولون اوه نحن مب فاضين سيري ويا ريلج مرات احتاج اروح مع بنات والله احاول اتقربلهم بس هم ما يبون والله طفرت وكل يوم اصيح من القهر..............

شو تنصحوني هل انا غلطانه اتمنى تردون

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

[ام سلطان20]

والله ان قلبي عورني وماعرف شوو ارد عليييج بس حبيبتي كلنا انعاني من نفس المشكلة تقريباااا والله الله يعينااا على هالحااال .................

[ah654]

والله ان قلبي عورني وماعرف شوو ارد عليييج بس حبيبتي كلنا انعاني من نفس المشكلة تقريباااا والله الله يعينااا على هالحااال .................

مشكوره حبيبتي وانا سعيده بمرورج الكريم

[كيوت ومن]

انتي خالته يعني ماتشوفينها كل يوم
انااا امه كل يووم ونغزاتها الي ماتخلص
اسكتي لاتردين عليهم عقب بيقلون لج هيه طول لسانهااا
سوي طاف مثل ماانا اسووي
صح الكلام يجرح بس حبوبه اشكثر بتحطينه في خاطرج واشكثر بتصحين حطي في بالج انه هالدموع محد يستاهله من اهله لاتعورين قلبج
انتي اللي عليج سووي واحتسبي الاجر عند الله
وشكلها خالته اتغار منج وااااااااايد او انه كانت تبي حد من بناتها حق ريلج
ماعليج منهاااااا اسكتي لين ماتنبط هيه هاي فئة من الناس مريضه نفسيا عفاناالله اسكتي عنهم عسب مايسولج مشاكل
وكل مااضايجتي نشي الليل صلي قيام والله بترتاحيين

والله يوفقج وواتروحين بيت بروحج وادعيلي بعد انه اطلع من البيت

[ah654]

[QUOTE=كيوت ومن;3340991]انتي خالته يعني ماتشوفينها كل يوم
انااا امه كل يووم ونغزاتها الي ماتخلص
اسكتي لاتردين عليهم عقب بيقلون لج هيه طول لسانهااا
سوي طاف مثل ماانا اسووي
صح الكلام يجرح بس حبوبه اشكثر بتحطينه في خاطرج واشكثر بتصحين حطي في بالج انه هالدموع محد يستاهله من اهله لاتعورين قلبج
انتي اللي عليج سووي واحتسبي الاجر عند الله
وشكلها خالته اتغار منج وااااااااايد او انه كانت تبي حد من بناتها حق ريلج
ماعليج منهاااااا اسكتي لين ماتنبط هيه هاي فئة من الناس مريضه نفسيا عفاناالله اسكتي عنهم عسب مايسولج مشاكل
وكل مااضايجتي نشي الليل صلي قيام والله بترتاحيين

والله يوفقج وواتروحين بيت بروحج وادعيلي بعد انه اطلع من البيت[/


QUOTE]



هلا الغاليه منو قالج اني ماشوفها كل اليوم هي كل يوم تيي البيت وتم لين الساعه 1 الفليل

\ه
وان شالله الله يرزقني ويرزقج

[...(مريّة)...]

أختي البسيهم لا تسوين لهم سالفة ،
ودااااااايما ابتسمي ، شوفي إذا ما ماتوا غصة ،
الله يهديهم ليش جيه أهل الريل يكونون ؟ يعني
هاي عبارة بنتهم ، ليش هالمعاملة الماصخة ؟
لا تسوين لهم سالفة وخلج بعيدة عنهم ، وإذا كان لازم
لااااااازم الاحتكاك فخليه بحدود ، الله يوفقج

[deblomasya]

الله يعينج حبيبتي

اتحمليهم وسايريهم

وانشالله بتطلعين فبيت روحج

^_^

[ah654]

الله يعينج حبيبتي

اتحمليهم وسايريهم

وانشالله بتطلعين فبيت روحج

^_^

الله يسمع منج حبوبتي وتسلمين على الرد

[ام زايــد]

غمضتيني فديتج والله ... البسيهم وطااااااف وحياتج .... المهم خلج انتي احسن منهم والحمدلله يكون ريلج راضي عليج الغاليه ... الي يعق عليج كلمه البسيه وخلي يوفه يحترق... واستحملي لين ربي يفرج عليج وتطلعون بيت انتي وبوعيالج وترتاحون

[ah654]

غمضتيني فديتج والله ... البسيهم وطااااااف وحياتج .... المهم خلج انتي احسن منهم والحمدلله يكون ريلج راضي عليج الغاليه ... الي يعق عليج كلمه البسيه وخلي يوفه يحترق... واستحملي لين ربي يفرج عليج وتطلعون بيت انتي وبوعيالج وترتاحون

ثانكس الغاليه والله يسمع منج

[نور ندى]

مشكلتج نفس مشكلتي الفرق اللي بينا اني عايشه في بيت بروحي

انقهر بس في الاعياد يوم اسير عندهم وامه اللي ما تخلص من الانتقادات بس خواته وايد يغارون وين طالعين ومن وين ييتيين ومتى بتسافرون يبون يعرفون كل كبيرة وصغيرة واانا ما لي حق اعرف عنهم ولا شيء

ما عليج الا الصبر وسوي طاف وخلاص واهم شيء لا تتكلمين عن اسرارج جدامهم مهما يكون

[ah654]

مشكلتج نفس مشكلتي الفرق اللي بينا اني عايشه في بيت بروحي

انقهر بس في الاعياد يوم اسير عندهم وامه اللي ما تخلص من الانتقادات بس خواته وايد يغارون وين طالعين ومن وين ييتيين ومتى بتسافرون يبون يعرفون كل كبيرة وصغيرة واانا ما لي حق اعرف عنهم ولا شيء

ما عليج الا الصبر وسوي طاف وخلاص واهم شيء لا تتكلمين عن اسرارج جدامهم مهما يكون

مثل ماقلتي يبون يعرفون كل شي ومايبون حد يعرف عنهم اي شي يلا الله كريم وتسلمين الغاليه

[منشغل بالها دوم]

بس أختيه أنتي تحبين يكون ألج خصوصيات بروحج ولا تبين حد فيهم يدري و ين تسيرين و من وين يايه هذا الشي بروحه أنعكس عليهم و خلق حاجزمهما عدلتيه بيتذكرون كيف تطنشينهم حتى لو كانوا يسألونج طنشتيهم و ما جاوبتي فيحقلهم يطنشونج شوه تبينهم وين سايرين و الا شوه يقولون هذا يشوفونه شي خاص فيهم ( لا تزعلين معظم خوات الريل جذه ) و بيردونها لج في أي لحظه يعني عادي
يعني مب متى ما حبيتي تيلسين وياهم بييلسون وياج غصبن عنهم و يفتحون قلوبهم( بصراحه هم مب مجبورين ) .. حتى في مسألة السفر هذا شي خاص فيهم مثل طلعاتكم خخخخ كل حد حر بنفسه
أحس الموضوع على قد ما تاخذين و تعطين و ياهم بياخذون و بيعطون وياج
أما مسألة خالته يمكن تبا ريلج حق حد من بناتها يعني تشوف لبسج و كشختج تتمناها لبناتها يمكن والله أعلم غيره
و الريال متى ما تزوج تكون أله خصوصيات و هذا الشي من حقه فخوانه و خواته بيحسون بالتغيير و بيكون تفكيرهم أنج أنتي السبب
أما مسألة اللبس و العدال مره ماعليج منهم أنتي عندج ريل و له حق تتعدلين له و لنفسج و لبسي و لا عليج و سامحيني جان غثيتج بس هذا اللي فهمته من الموضوع

[ah654]

بس أختيه أنتي تحبين يكون ألج خصوصيات بروحج ولا تبين حد فيهم يدري و ين تسيرين و من وين يايه هذا الشي بروحه أنعكس عليهم و خلق حاجزمهما عدلتيه بيتذكرون كيف تطنشينهم حتى لو كانوا يسألونج طنشتيهم و ما جاوبتي فيحقلهم يطنشونج شوه تبينهم وين سايرين و الا شوه يقولون هذا يشوفونه شي خاص فيهم ( لا تزعلين معظم خوات الريل جذه ) و بيردونها لج في أي لحظه يعني عادي
يعني مب متى ما حبيتي تيلسين وياهم بييلسون وياج غصبن عنهم و يفتحون قلوبهم( بصراحه هم مب مجبورين ) .. حتى في مسألة السفر هذا شي خاص فيهم مثل طلعاتكم خخخخ كل حد حر بنفسه
أحس الموضوع على قد ما تاخذين و تعطين و ياهم بياخذون و بيعطون وياج
أما مسألة خالته يمكن تبا ريلج حق حد من بناتها يعني تشوف لبسج و كشختج تتمناها لبناتها يمكن والله أعلم غيره
و الريال متى ما تزوج تكون أله خصوصيات و هذا الشي من حقه فخوانه و خواته بيحسون بالتغيير و بيكون تفكيرهم أنج أنتي السبب
أما مسألة اللبس و العدال مره ماعليج منهم أنتي عندج ريل و له حق تتعدلين له و لنفسج و لبسي و لا عليج و سامحيني جان غثيتج بس هذا اللي فهمته من الموضوع

انا ما طنشهم بس مرات ما با حد يعرف انزين ليش هم وين مايروحون مايخبرون حد وانا ما جبرت حد ييلس معاي ترت مهما تكلمت وقلت محد بحس غيري

[دانة جميرا]

الله ايعينج ياختيه .. ان شاء الله تظهرين بروحج وتفتكين من الصدعه والله يسخرهم لج ان شاء الله .. والسموحه عالقصور