:: ريجيم ينزل 25 كيلو في شهر مضمون ::

[شيخه الغيد]

السلام عليكم ورحمه الله و بركاته ^_^


شحالكن خواتي ..

شخباركن ..



المهم يبت لكم ريجيم من امريكا .. يستخدمه خالي طبعا ينزل في الشهر 25 كيلو و اذا بالحبوب 30 كيلو ..



علشان ينجح الريجيم لازم يطبق بالضبط مثل ماهو ...


بس بتلاحضون خواتي ان الريجيم كله اعشاب و اعشاب تشبع ماتيوع ابداً




بسم الله نبدأ .. و الدكتوره الامريكيه قالت ان طريقه الوزن تكون بعد 14 يوم ... يعني بعد اسبوعين مب كل يوم واقفه ع الميزان ..



يطبق الريجيم لمده اسبوعين فقط .. و باقي الاسابيع لها ريجيم خاص ..


يعني كل اسبوعين له ريجيم ... علشان الوزن يسهل بسهوله ..



الاسبوع الأول ::


ع الريق : مرميه مغليه بماء النعناع .. أو ماء دافي عليه شرائح ليمون .

يفضل يشرب ع الساعه 6 الصبح او قبل الفطور ..

الفطور : بيضتين مسلوقه تشلين منها الصفار + خيار




الغداء : قبل الغداء تشربين شاي اخضر بدون سكر مع نعناع ..
خضره ( خيار + خس ) لا تحطين عليها ليمون او بهارات ..


اذا حسيتي بيوع كلي بينهم خيار أو بيضه مسلوقه ..



العشاء : جبن خالي الدسم + خس ( يفضل العشا يكون الساعه ست ونص )




الاسبوع الثاني :


الريق: التمر الهندي أو مرميه بالنعاع
الفطور : جبن خالي الدسم + عصير برتقال



الغداء : شاي اخضر أو تمر هندي ..
سلطه خضراء ( خس و خيار ) مع روب خالي الدسم ..




اذا حسيتي بيوع كلي خيار او بيضه ...


العشاء : نصف لحم مشويه بالفحم او بالفرن و حطي اشويه بهارات ...



ملاحظه : في الاسبوع الاول بتخفين ع الاقل 6 كيلو و الاسبوع الثاني بتلاحظين ان اليوم الاول من الاسبوع الثاني ثابت لا تخافين هذا شي عادي و بتخفين تسعه كيلو في الاسبوع الثاني ...

اهم شي تشربين ماي قبل الوجبات ... و حاولي ما تاكلين بعد ست ونص ..




و لازم توزنين بعد اسبوعين .. لا تلخبطن بنات سر الريجيم هو الميزان ...


و بعد اسبوعين نتجمع و نحط الوزن للى نقصناه ..

اتريوني بعد اسبوعين بالضبط علشان اكمل باقي الريجيم ..





السموحه ^_^

المزيد من آخر المواضيع من نفس القسم:

• افضل نظام غذائي مضمون لتنحيف البطن امن وفعال
• رجيم الكيتو في رمضان
• اهم اخطاء شائعة في الرجيم
• افضل طرق تنحيف الارداف
• خطوات واسرار تنحيف البطن بسرعة
• افضل نظام غذائي للتنحيف بعد الولادة القيصرية
• افضل طرق تنزيل الوزن الثابت
• افضل رجيم سريع ومضمون للتنحيف
• افضل اكلات لتنحيف وشد البطن
• طريقة زيادة الوزن في اسبوع للنحيفات

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[عذااااب]

تسلمين حبيبتي شيخة الغيد على الرجيم...

وانشاءالله نجربه ونشوف النتايج

[عذبة الرووووح]

مشكوررره ع الوصفه

[سيدة بوذيب]

مشكوره يالغاليه ببد بالبربامج وبردلج خبر

[شيخه الغيد]

يالله انا ببدأ من باجر ..

[um_abduallah]

مادري عني اانا ماتحمل البيض المفور وايد اتعب منه بس رجيمي اللي انا ماشيه عليه اني آكل كل شي ولا احرم عمري اي شي والحمدلله وزني ينزل صح كل اسبوعين 2 او 3 كيلو بس مطمنه عموما موفقين

[دبدوبة_راك]

انا عيبني الريجيم وايد..
وخسارة الوزن فيه كبيرة محتاجه لهالنو من الريجمات..يناسبني وايد بس مشكلتي مع السلطه اوكي بتحمل الخس بس مابتحمل الخيار..
الغالية اقدر ابدل الخيار بالجزر مثلا عالاقل نفسي تتقبل الجزرشوي..

وردي علي خبر الغالية ودي ابدا بس من الاسبوع الياي اني ماشية على ريجيم الحين وبخلص منه وعقبه ابا ابدأ بريجيمج..
ويزاج الله الف خيرررر

[دبدوبة_راك]

انا عيبني الريجيم وايد..
وخسارة الوزن فيه كبيرة محتاجه لهالنو من الريجمات..يناسبني وايد بس مشكلتي مع السلطه اوكي بتحمل الخس بس مابتحمل الخيار..
الغالية اقدر ابدل الخيار بالجزر مثلا عالاقل نفسي تتقبل الجزرشوي..

وردي علي خبر الغالية ودي ابدا بس من الاسبوع الياي اني ماشية على ريجيم الحين وبخلص منه وعقبه ابا ابدأ بريجيمج..
ويزاج الله الف خيرررر

[عذااااب]

شيخة الغيد...

حبيبتي انا وياج من باجر انشاءالله

[شيخه الغيد]

انا عيبني الريجيم وايد..
وخسارة الوزن فيه كبيرة محتاجه لهالنو من الريجمات..يناسبني وايد بس مشكلتي مع السلطه اوكي بتحمل الخس بس مابتحمل الخيار..
الغالية اقدر ابدل الخيار بالجزر مثلا عالاقل نفسي تتقبل الجزرشوي..

وردي علي خبر الغالية ودي ابدا بس من الاسبوع الياي اني ماشية على ريجيم الحين وبخلص منه وعقبه ابا ابدأ بريجيمج..
ويزاج الله الف خيرررر

لا ختيه استبدليه بالملفوف


الجزر ممنوع ..

[أم حمد2004]

هلا اختي ومشكووره واايد علا الريجيم...بس بسألج الاسبوعين اللي بقن نسوي ريجيم من عندنا....

[شيخه الغيد]

لا الاسبوعين الباقيه انا بحط ريجيمهم الخاص

[! دلع بنات !]

تسلمين حبيبتي

و انا بعد بجربه ان شاء الله

بس لاتنسين تحطين النا بعد الرجيم طريقة تثبيت الوزن

و هذا الاهم

[noor alhouda]

مشكوره على النظام
بس أشوفه صعب
وأنا محتاجه أنزل من وزني حوالي 50 كيلو بس ما أقدر أطبقه
بموت من اليوع
هاي النظام يبيله اراده قويه
وخاطري ينزل وزني
ترى مليت من حياة السمنه
وشكرا

[أم حمد2004]

هلاااااااااااا بخواتي.......

شيخة الغيد وينج الصراحه ريجيمج دخل مزااااجي وااايد ونفسي حد يشجعني واشجعه ونتبع الريجيم ونفك من السمنه ونودعها ونعيش حياتنا برااحه من الدهون المتراكمه اللي هدت حيلنا اللي يشوفنا يقول اكبر عن عمري مرتين له بنات منو مستعده تتحدى ونشجع بعض .........

اترياااكم .......