خير الناس أنفعهم للناس

[مهرة القصر]

كب كيك مالح ،،

المقادير:


بيضتين..نص كاس نيدو جاف..ربع كاس جبنه مالحه..علبة كرافت صغيره..
حبتين جبن مثلثات { البقره الضاحكه }
نص م كبيره بيكنغ بودر..ربع كاس زيت..ملعقه ونص جبنة كاسات..
نص كاس طحين..بصله مفرومه وكبشة بقدونس

الطريقه:
نخلط السوائل ثم المواد الجافه


آخر شي نحط البقدونس والبصل


،


نحطه بصينية الكب كيك



وندخله الفرن ربع ساعه بس



ونبتدي نزينه باللبنه


،


التزيين حسب الرغبه
انا حطيت زعتر..حبة البركه..رمان ..وطماطم صغيره


،

،

،

،


وجهز للتقديم



زوووووووووووووم



وبالـ عـآآفيـة

ترف

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[مهرة القصر]

|| دعاء إذا قلته فقد أديت شكر يومك كاملا ||

أنَّ العبدَ إذا قال في صباحِ يومِهِ :
اللهُمَّ ما أصبحَ بي من نِعْمَةٍ أوْ بِأَحَدٍ مَنّ خَلْقِكَ ،
فَمِنْكَ وحْدَكَ لا شريكَ لكَ ، فلكَ الحمدُ ولكَ الشّكْرُ
ومَنْ قال ذلكَ حينَ يُمسي فقد أَدَّى شُكْرَ لَيْلَتِه

خلاصة حكم المحدث:صحيح
المصدر: الدرر السنيه

-----------------


العيش اللذيذ بطبقات حمسة اللحم المفروم وحمسة الجزر المسكر..لذيذه وجديده

السلام عليكم ورحمة الله وبركاته
*الحمدلله الذي اطعمني هذا الطعام ورزقنيــه من غـيرحول مني ولا قـــــوة*
حبيبااتي هالعيش لذيذ ومايبيله شي..وإن شاء الله انه سهل
نسوي اول شي 3 حمسات ونخليهم على كتر..(على جنب )

حمسة اللحم المفروم :
عبارة عن بصل مقطع صغارنحمسه بالزيت وانا ضفت معاه بصل صغار بيبي بصل ،،
واذا تشوقر نضيف الثوم ونحمس وعقب نضيف اللحم المفروم الي غاسلينه ومنضفينه بالمشخال عن الشوائب ونحمس
ونضيف مكعب ماجي وملعقة اكل بهارات وملح ونص ملعقة فلفل اسود



الحمسه ثانيه :
بصل شرايح نقليه بالزيت وعقب ما يذبل نضيف حوالي جزرتين مبشورات
ونحمس واذا تمازج البصل والجزر نضيف ملعقة اكل شكر ( سكر )
ونضيف رشة هيل مطحون ورشة كمون ناعم ليما تتكرمل الحمسه.



بطا ط مكعبات نقليه ليما يتشوقر ونطلعه



الحمسه الثالثه:
وللوجه ناخذ من البطاط السابق المقلي ونحطه بالمقلاة مع شوية زيت
وملعقتين اكل معجون طماط
وشوية ماي ملعقتين تقريبا ورشة فلفل اسود ونحمس ليما يتحمش



وللوجه بعد بصل شرايح نقليه واذا تحمر نضيف عليه كشمش ( زبيب )
نكون منقعينه بماي حار لمدة نص ساعه ليما يتشوقرون البصل والكشمش



ونحتاج عيش انغسله وننقعه بماي دافي لمدة لا تقل عن ساعه
ونفوحه بماي وبهارات صحيحه ثلاث ارباع استوا ونطلعه على جنب



يتبع ‘,

[مهرة القصر]

الحين نجي للتطبيق

نحط عيش بقاعة الجدر وننثر عليه كميه من حمسة اللحم وحمسة الجزر والبطاط المقلي


،


ونكرر العمليه ليما نوصل لوجه الجدر ننثر عليه ماي ورد منقعين فيه زعفران
ونحط عليه على صوب شوية من حمسة اللحم وشوية من حمسة الجزر
وشوية من البطاط الي حمرناه مع المعجون
ونحط البصل المقلي مع الكشمش ونحط قطعتين زبده للناطعه هالشكل


،


وعقب نقصدر الجدر ونخليه على نار هاديه حوالي 40 دقيقه وعقب نطفي على الجوله وننجبه



وتفضلواا حبيبااتي الغاليااات


،

،

،

،

،


وسويت معاه روب مع خيار مبشور ونتفة نعناع ناشف ..حلو ويلوق مع هالطبق



وعليكم بالف عاافيه ولا تحرمونا من دعواتكم
..اختكم حلوة ومملوحة الكويت

-----------------------

"اللهم صلِّ على محمد وأزواجه وذريته كما صليت على آل إبراهيم
وبارك على محمد وأزواجه وذريته كما باركت على آل إبراهيم إنك حميد مجيد"

[مهرة القصر]

[مُمَيز ] Healthy cooking || فلافل بالفرن =)


،



(هُنَا)

[مهرة القصر]

رولات الدجاج بالتوست


،


المقادير والطريقة :
أول شيء نعمل حشوة الدجاج ،،
- دجاج مفيوح ومقطع ،،
- نقطع بصل و نشوحه على النار إلى أن يشقر ثم نضع جزر و ثوم مبشور ،
- نضيف الدجاج و نضع بهارات متنوعة + فلفل أسود + ملح ،،
- إذا قرب يستوي نضع كزبرة ،،

التوست ،،
- نجيب توست منزوع الأطراف أو توست مع الأطراف ( لوزين مره تمام )
- نفرده أو نستخدم آلة الباستا لسرعة الفرد ،
- نمسح عليه بالجبن ثم نضع قليل من الدجاج ونلفه ،،
- نضعه في البيض ثم البقسماط ونقليه ،،
وبالعافية

فاطم

[مهرة القصر]

شاورما التوست



إلمقــآديـر ..:/
- توست
- مخلل مقطع
- بطاطس مقطع مكعبات ومقلي

لـ حشوه الدجاج ..:
- صدرين دجاج مقطعين قطع صغيره
- بصله مقطعه جوآنح + ثوم مقطع + فليفله
- مكعب مآجي + بهارات ( قرفه + فلفل اسود + كمون الخ )
- ربع كبايه لبن

لـ السسوووس ..:
- ملعقتين مايونيز
- ملعقتين طحينه سائله
- ربع كبايه لبن

إلـطريـقه ..:/
نكشن البصل والثووم وبعديـن نضيف عليه الدجااج ونقلبه إلين يستوي



وبعدين نضيف البهارات ومكعب الماجي والفليلفه واللبن ونخليه لحتى ينشف
وبعدين نرفعها عن النار



ونخلط السووس



ونضيفه ع الدجاج + المخلل + البطاطس المقلي ونخلطها سوى



وبعدين نحط الخلطه بالتوست وممكن نضيف جبن شرائح إزا بتحبو ونحمصهم بالتوستر



وسلامتكم

صبر يآ صبر

[مهرة القصر]

كيكة الآيس كريم


المقادير :

- ايس كريم KDD جوكليت بالمكسرات
- ايس كريم KDD فانيلا
- كيكه سارالي
- سنيكرز
- 8 شوكولاته آرو
- قالب سيليكون

الطريقة:
- نذوب ككاو آرو في حمام مائي او بالمايكرويف
- ندهن قالب السيليكون بالكاكاو
وحاولي تكون الطبقه وسط مو سميكه وايد ولا خفيفه
ونحطة 10 دقايق في الفريزر
-بعدها يكون جمد شوي فنكون مجهزين الايس كريم

ونضع الطبقة الاولى :
تكون فانيلا وقطعي لسنيكرز وخلطي مع الايس كريم

ونضع الطبقه الثانيه :
وهي الايس كريم جوكليت
- ونحطه بالفريزر3 ساعات

وبعدها نضع الطبقه الاخيرة:
نقصص الكيك سارالي شرائح
وندخلها بالفريزر لحد ماتجمد وتتماسك

إن شاء الله تنال اعجابكم وتسونها لانها وايد سهله وبسرعه تخلص



وبالـ ع ـــآفيه

bo7althat




- الحمدلله الذي بنعمته تتم الصالحات
- الحمدلله ملء السماوات وملء الأرض ومابينهما
- اللهم لك الحمد حتى ترضى ولك الحمد إذا رضيت ولك الحمد بعد الرضى

[مهرة القصر]

التمريه



المقادير والطريقه :

يحمس حوالي 3 ملاعق حليب بودره و3 ملاعق دقيق بر حتى يشقر لونه
ونضعهم على تمر معبوط (معجون)
و يضاف عليه حوالي نص اصبع زبده مذوبه
تعجن وتشكل وتغمس بالشعيريه والبسكوت المطحون والي تحبينه



الصوص :
الاول توفي والثاني صوص الشوكلاته
كنت مستعجله فااستخدمت صوص جاهز



ام عمر11

[مهرة القصر]

- قال صلى الله عليه وسلم ..
من قال :
لا إلهَ إلَّا اللهُ وحدَه لا شريكَ له ، له المُلْكُ وله الحمْدُ ،
وهو على كلِّ شيءٍ قديرٌ .
في يومٍ مائةَ مرَّةٍ ،

كانت له عِدلُ عشرِ رِقابٍ ،
وكُتِبت له مائةُ حسنةٍ ،
ومُحِيَتْ عنه مائةُ سيِّئةٍ ،
وكانت له حِرزًا من الشَّيطانِ يومَه ذلك حتَّى يُمسيَ ،
ولم يأتِ أحدٌ بأفضلَ ممَّا جاء به إلَّا رجلٌ عمِل أكثرَ منه

صحيح البخاري

-------



دجاج مشوي


،


تتبيلة الدجاج
على حسب عدد قطعكم او أحجامها
دبس رمان
خل بلسمي
فصين ثوم
م ك مليانه ملح خشن
اي بهارات تحبونها أنا اضفت ( ثوم + بصل باودر / كزبرة مطحونة /فلفل أحمر بودرة / بهارات منوعة / رشة بابريكا )
تبلتهم قبل بساعتين تقريباً طلعت لينه ولذيذة جداً صراحة



غرور أنثى

[مهرة القصر]

*الثومية ..



أول شي تاخذين 3 ملاعق كبيرة ممسوحة نشاء مع 3/4 كاس مويه وتحطينها ع النار
لحد ما تشوفينها تماسكت وصارت شفافه تقريباً وانتبهي لا تتعقد اسهل لك بالشغل بعدين
تتركينها على جنب تبرد شوي ..
وتسلقين حبة بطاطس صغيرة بعدين برضو تبرد

بالخلاط الكاس
تحطين 4 فصوص ثوم او 5 حسب رغبتك
مع النشا مع حبة البطاطس
مع شوية ملح لو تحبينها حامضه ممكن تحطين شوية عصير ليمون عليها
وتبدين تخلطين وتنزلين زيت الزيتون عليها شوي شوي
لحد ما توصل للقوام اللي تبينه وخلاص تحطينها بعلبة عندك وبالثلاجة

غرور أنثى

[مهرة القصر]

الحمص



بطريقة سموا ربي يسعدها

علبة حمص حب بدون مويتها
‎علبة قشطه
‎عصير ليمونتين
‎ملح -ثوم-زيت زيتون

‎بالخلاط وبعد ماتنخلط نضيف كوب طحينه
‎ونخلط من جديد

الوجه :
رشة كمون بودره

غرور أنثى

[مهرة القصر]

ورق العنب



بطريقة الجميلة Melissa

لحشوة ورق العنب نحتاج إلى :

_ بصلتين كبيرة الحجم .
_ طماطتين كبيرة الحجم .
_ بقدونس " قد أربع قبضات " .
_ نعناع " قبضة واحده " .
_ كأسين أرزَ مصريَ .
_ ملعقه صغيره حامض اللَيمون .
_ ملعقة طعام دبس الرمَان .
_ نصف كأس عصير ليمون .
_ نصف كأس زيت زيتون .
_ نضيف التوابل التالية : " شوي بهارات ، ملح ، شوي قرفه ، فلفل أسود وأبيض ، زنجبيل بودر ، ماجي " .
_ علبة ورق عنب " أستخدمت مره أورلاندو ومره حدائق كالفورنيَا " .
وبرأئي كالفورنيَا من أفضل ماجربت ورقته مُمتازه ونادراً ما ألقى شي مقطع .

طريقتة كالتالي :

_ نغسل الخضره ونصفيَها من الماء وتفرم لفرم ناعم ، ونغسلَ الأرزَ ونصفيه من الماء أيضاً .
_ نخلط معاً جميع المقادير المذكوره أعلاه ، وآخر خطوه نسويها نصفيَ الحشوة من السوائل عشان الزيت واللَيمون مايبهذلنا أثناء اللَف .
_ نغسلَ الأوراق ونزيل الرؤؤس منها ونبدأ حشيَ وبمجرد ماننتهي نكون مسبقاً مقطعين بطاطا وطماطم " حسب الرغبه " في قاع القدر .
_ نضع بالقدر نصف كأس زيت زيتون وعصير ليمون وماجي نكون مذّوبينه مع اللَيمون .
_ نذوّب ملعقة طعام صلصة في قليل من الماء ونضيفها بالقدر أيضاً .
نعمل الآن هالوصفة واللي على أساسها تعطي طعم أليم
_ ملعقة طعام نعناع طازج أو مجففَ + 5 فصوص ثومٌ | ندقّ الثومٌ مع النعناع ونضيفهم بالقدر .
_ آخر خطوه نضيف الماء لحدَ مايغطيَ الورق ، نخليه يغلي وبعد مايغلي نخفضَ على درجة النَار عالآخر لمدة ساعه الى ساعه ونصف .
_ سرَ نجاح ورق العنب ، لمَا ينضج مانتفح الغطا نهائي نتركه يبرد عن مايقلَ 4 إلى 5 ساعات .
_ بعد مايبرد نصفه بالطبق ، ونصفيَ المويه اللي تبقت من القدر ونرجع نصبه على الورق حتَى يحتفظ بطراوته وطعمه ولونه الزاهي

من دون مبالغه بحياتيَ ماذقت مثله


غرور أنثى

[مهرة القصر]

~ العجينة اللذيذة ,,
(عجينة مسك )

,, السلام عليكم ورحمة الله وبركاته ,,

مسائكم / صباحكم , أحلى من السكر ,,

موضوع صغير ,,
فقط أحببت أفيدكم لو بشيء صغير و بسيط ,,

~ الموضوع :

[ العجينة اللذيذة ]

~ مميزاتها :

- لذيذة ,
- خفيفة ,
- طرية لأبعد حد ,
( تبقى معك طرية يوم يومين ثلاثة ,, )

- تستخدم حلا و مالح ,

- بإمكانك عجنها وحفظها بالثلاجة * ع طول ,
( تجلس معك يوم يومين )

~ المقادير + الطريقة :

3 ك. دقيق كويتي
1.م.ص. bp
1.م.ص. ملح
1.م.ك. خميرة
1.فنجان قهوة / سكر
1.فنجان قهوة / حليب باودر

~ تنخل و يضاف لها .. >> 1. فنجان قهوة / زيت ,,
^ يفرك الطحين بـ [ الزيت ] لما يشمله كله ,,

~ ~ يضاف له [ 1.بيالة شاي - لبن دافيء ]
^ نفس اللي فوق يفرك لما يختفي ,, < تستخدم العجانة ,,

~ ~ ~ بـ التدريج يضاف / [ 1.ك. ماء دافيء ]
تعجن كويس وتصير تلزق باليد مو مشكلة .. < مهم تلزق شوي ,,
تحفظ بمكان دافيء ساعة لتختمر ,,

~ المقدار قليل نوعاً ما ,,
ضاعفي زي ماتحبين ولو زاد اتركيه بالثلاجة ماراح تخترب ان شاء الله ,,

~ تطبيقات بسيطة :

~ فطيرة بالجبنة ~

،


- خذي كرة افرديها بشوية طحين سمك متوسط مائل للرقيق ,,
ابعدي عن الاطراف مقدار 1 سم / امسحيها بجبنة سائلة شوية
وضيفي لها جبنة عكاوي مبشورة + موزريلا + قشقوان ,, < اللي متوفر ,,
ع فرن ساخن حرارة 350 درجة ..
بحدود 10 دقايق تمتعي بمعجنات ساخنة & جبنة تذووب ..
-

~ الفطيرة الخاصة ~


- نفس طريقة اللي فوق بعد الحشوة سكريها مع برم الأطراف وامسحيها بـ نتفة زيت + اوريقانو ..
- الصوص السحري الخاص .. < جربوه
[ لبنة أولكر + صوص بيستو + قليل من الزيتون المفروم + قليل جبنة سايلة ]
^ تخلط وتحفظ بالثلاجة بعد تغطية السطح بقليل من زيت الزيتون - لمدة أسبوع ,,
-

~ الفطيرة الرباعية ~


[ بيتزا + جبنة نوعين + الصوص اللي فوق ]
-

~ سينبون ~


- أفردي العجينة بشكل مستطيل كذا ,,



- أدهنيها بزبدة ذايبة ( ع حرارة الجو ) , رشيها بسكر بني + قرفة و ع وجه جوز حسب الرغبة ,,
- اتركيها من ربع ساعة الى نص ساعة وبعدها ع الفرن لما تشقر خفيف ,,

~ كريمة السينبون ~
- ( ربع أصبع زبدة لينة تخفق > 3/4 ك.سكر باودر مطحون جاهز > قالب صغير جبنة فلادلفيا > قطرة فانيليا > 1.م.ك. ماء بارد ) اخفيقهم ( خفاق الكيك ) لما تبيض...
- جربتها بجبنة كيري طلعت ألذ ,,
- زيدي السكر زي ماتحبين يكون حلاها ,,



~ ^ بـ حليب نستلة فقط ,,
-

~ نصائح عامة ~

- السوائل المستخدمة تكون دافئة ,,
- انخلي المكونات الجافة ,,
- كل مازادت مدة العجن كان أفضل ,,
- إذا بتذوبين الخميرة ( احرصي ماتذوبينها مع ملح أبداً لأنه يفسد مفعولها ) ,,
- إذا عندك وقت خليها تختمر بعد التشكيل قبل ماتخبزينها ,,
- انتبهي لها وقت الخبز إذا حمرت بزيادة تصير قاسية وناشفة ,,
- بعد ماتطلع من الفرن غلفيها بقصدير كويس أو ( انقليها لـ حافظة ) ,, هذا سر يحافظ ع طراوتها ,,
-

~ النهاية ~

ان شاء الله الموضوع يكون خفيف عليكم & يرضي أذواقكم ,,
دعواتي يحقق لكم الرحمن كل ماتتمنون ,,

.. مـسـك ..

[مهرة القصر]

حلى الطبقات



المقادير : -



خليط كيك جاهز ( أنا آخترت بيتي كويكر )
بسكوت ( آخترت أولكر )
جبن كيري
قشطة
جالكسي سادهـ
مالتيزر للتزيين
.:::.

الطريقة : -




(( الطبقة الأولى ))
* نسوي خليط الكيك الجاهز مثل ماهو مكتوب عليه ( انا سويت الخليط كامل ) و يكون الفرن مشغّل من قبل .
* بعدين نخليه شوي يبرد ثم نفتته في صينيه و نضغط عليه باليد حتى يتماسك .

(( الطبقة الثانية ))
* نذوّب 8 حبات جبن كيري ( إذا كنتِ مسويه خليط الكيك كامل و 4 إذا كنتِ مسويه نصفه ) نذوّبهم في القشطه علشان يذوب زين .
* بعدين نضيفهم على 2 كأس بسكوت مطحون طحن ناعم ( كأس واحد بسكوت إذا كان نصف الكميه ) .
* ونخلطهم مع بعض ثم نسكبهم على الطبقة الأولى وبرضو نضغط عليهم باليد حتى تتماسك .

(( الطبقة الثالثة ))
* نذوّب 6 علب جالكسي سادهـ مو 6 حبات ،، 6 علب في حمام مائي و إذا بدأ يذوب نضيف عليه 2 قشطه ونخلطهم مع بعض زين .
* بعدين نصب الخليط هذا وهو حار على الطبقة الثالثة ،ثم توضع الصينيه في الثلاجه حتى تتماسك .
( نحط نصف المقادير إذا كنتِ حاطه نصف الخليط يعني 3 علب جالكسي و قشطه وحدهـ )

إذا تماسك وبرد نطلعه ونقطعه دائري او مثل ماتبين ،
و يزيّن بـ حبات المالتيزر و انا اضفت الزينه الذهبيه هذي من عندي .
"عباره عن حلويات صغيره تباع في محلات تزيين الكيك"



و بالهناء والعافيه

b . A

.:::.

( اللهمَّ صلِّ على محمدٍ وعلى آلِ محمدٍ ، كما صلَّيتَ على إبراهيمَ ، وعلى آلِ إبراهيمَ ، إنكَ حميدٌ مجيدٌ ،
اللهمَّ بارِكْ على محمدٍ وعلى آلِ محمدٍ ، كما باركتَ على إبراهيمَ وعلى آلِ إبراهيمَ ، إنكَ حميدٌ مجيدٌ )

[مهرة القصر]

عصير ليمون بنعناع



جيبي نعناع قد قبضة اليد تقريباً .. أو اكثر شوي .
واخلطيه بالخلاط مع 5 ملاعق كبيره سكر وشوي ماي -
بس شوي انتبهي لا تكثرين عشان ينخلط معك ولا يصير قطع كبار -

الحين صبي عليه عصير ليمون - نص كاس تقريباً - طازج طبعاً .
وحطي ملعقه كبيره حليب بودره - الملعقه ممسوحه مو مليانه -
وثلج .

وخليهم ينخلطون
الحين صبي عليها 3 كاسات ماي .
وبعدين عاد عدلي اللي تبين .. السكر .. الماي .. الليمون ..اللي هو يعني .
ع اللي يجي على مزاجك

k2ana