مات اخوي ايش مصير زوجته الخاينه؟

[مشكلتي]

السلام عليكم
انا من السعوديه توفى اخوي ربي يرحمه ويغفر له قبل شهرين تقريباً بعد صراع مع المرض النفسي والجسدي
والسبب كان اكتشافه خيانة زوجته(خيانتها الالكترونيه)هذا اللي نعرفه والله يعلم بالباقي

ويشهد ربي باذني سمعهتا وهي تقوله بكلم شباب على كيفي وقالت هالكلام قدامنا انا وامي!!

وقتها اخوي كان تعبان نفسياً جدا لانه شاف شي من قبل وهذا كلامه بس مانعرف ايش هو بالضبط وكان مصر ان زوجته تعترف بخيانتها!!
مرت سنه على عذابه باخر سبع شهور تقريباً قررت تهرب لبيت اهلها طلعت من بيتنا بدون علمنا..
هي واخوي الله يرحمه كانو عايشين بجيزان لانه كان من الجنود اللي يحاربون ع الحد الجنوبي وفوق كل عذاب شافه زادته زوجته !!

ماكنا نصدق اخوي نهائي كانت تبين طيبه!! رغم ان فيها شي من الخبث بس ماصدقنا ابدا ولان اخوي كان يتعالج من الاكتئاب والانفصام اللي انصاب فيه بعد الحرب وبعد الخيانه فكنا نقول يتوهم!!

وهالشي خلى اخوي يبعد عننا ويقول انتو ضدي ومن هالكلام ومرض وتعب وعانا كثييييييير لين ربي اخذ امانته!!
لليوم مو مستوعبه وفاته ولا بسامح نفسي اني ماصدقت اخوي
المهم
بعد وفاته ب3ايام قررت الخاينه تضيف بنت اختي من انستقرام ثاني!! فيه حول ال400متابع!! وهذا دليل على انه مو جديد ابد

طبعاً عرفت انها هي لانها كاتبه عن وفاة زوجها اللي توفى بنفس يوم وفاة اخوي!!
وعاشت بنفس المدينه اللي عاشو فيها قبل الحرب!!
واخيرا حاطه صورة ارنب اخوي االلي مات بفندق وهو نفسسس الموقف اللي مات فيه ارنب اخوي!!

سويت اكاونت جديد وقعدت اتابعها فتره وعرفت اشيااااء كثيره منها انها تعرف شباب كثير!! ومسوين قروبات!! ع واتسب!!!

والادهى والامر ان اختها معاها واختها كمان متزوجه بس زواجها زي زواج المسيار

وتاكدت من كل شي لما بيوم من الايام فتحت لايف انستقرام!!!! هي ويشهد ربي علي هي صوتها لهجتها اسلوبها هييييييييي ولسى بالعده!!! وتسوي قستات مع شباب!!!

وفي شخص معين تصور محادثاتها معه واتصالها فيه!! وحتى لما دخل الايف كانه هصب انها فاتحه لايف!! وقعدت تقول هذا شخص عزيز علي وروحو تابعهوه!! وبعدين سكرت واستمرت على هالحال لين انا بالغلط سويت حركه غبيه ودخلت ع اكاونت اخوي الله يرحمه بعدين علي يتابعونه واحد فيهم منزل صوره له هو واخوي بس من رماااان منزلها وحطيت لايك! والظاهر شافت وخافت انو انا اعرفها فعلى طول كتبت انها بتحذف حسابها وحذفت كل الصور اللي نزلتها وحطت دعاء لمميت بس مابلكتني ولاشي ولسى تستخدم حسابها للحين تتابع ناس وتحط لايكات بس ماعاد تعلق ولا تنزل شي للاسف وربي كنت ناويه على شي بس ربي رحمها

انا انصدمت وقعدت افكر ياترى اخوي الله يرحمه ايش شاف!! كان يستر عليها بس ربي يفضحها فوق الارض ويوم العرض!!

اللي غابني كاتبه ان في تغير جديد بحياتها وبيكون لاافضل!!!

حتى موت اخوي مو فارق معاها!!!
اخوي ماقصر معاها بشي نهااااائي الا بعد ماشاف اللي شافه والله يعلم ايش!! كسر جوالها منعها تطلع من البيت ..لين هربت

تدرون ايش اللي يقهر صدق!!! انها بتورث اخوي!! ادري هذا شرع ربي بس والله ماتستاهل

الحين سؤالي .. هل لها نصيب من راتب التقاعد مع العلم انه ماعندها عيال؟

اخوي كان باني بيته وقاعد يجهزه بس لسى ماخلص هل هي بتاخذ البيت؟!!

هل بتعيش من فلوس اخوي وهي حتى موته ماحترمته!!!!!!!

ماقول غير حسبي الله ونعمى الوكيل فيهاا وعساها كل ريال تاخذه من ورث اخوي تصرفه علاج لها

المزيد من آخر المواضيع من نفس القسم:

• تزوجت مريض نفسي
• مشكلة حالتي بعد الأمومة
• مشكلة تقدم لي خاطب وافد
• مشكله بنتي
• زوجي تعبني بالضرب كليوم💔
• أواجه زوجي بكذباته ولا اسكت
• ريلي احبه ،، بس ماعرف شو الي حصل
• مشكلتي التعلق الزائد
• رفض ريلي للحمل
• عااااجل مشكلة واجهتني