قصص الولاده...

[شمس المحبه]

والله اختي ييتي على العوق

شو بالضبط تبيني اقولج يوم اشل المستشفى على راسي من الصياح والصريخ

ولا يوم اترجاهم واصيح مثل الياهل واقول لهم طلعوه خلاص شلوه ماباه بس خله يطلع

ولا يوم الدكتوره المسكينه تقول ادعيلي اتزوج وانا اقولها ( لا مابدعيلج حراااااااااام ) والمسكينه مب فاهمه ليش اقولها جذه

انا اقولها مابدعيلها اونه عشان ماتحمل وتتلعوز في الولاده مثلي

انا اذكر يوم سرت المستشفى عشان الويع اللي في بطني كنت ادري انه ويع ولاده لكن من قالوا يلا ولاده ودوها فوق

قمت اصيح من الزيغه ليش قالوا ولاده وقمت اقول احينه شو اسوي وانا اصيييييييييييييييييح شو اسوي بعد يلا اشد حيلي واطلعه وافتك

واحلا شي يوم حزت النونو بيطلع اهني خلاااااااااااااااااص خارت قواي الجسديه والمسكين تسكر الرحم على ويهه حتى يوم طلع ويه احمرررررررررررررررررر واخضر

زين ماجتلته ههههههههههههههه

وعقب ماخلصت الولاده خلوني مال ثلاث ساعات عشان تعرفون اونه تحت الملاحظه

سرت الحمام الممرضه تقولي فيج دوخه اقولها لأ .. بعدني مالحقت اكمل كلمتي إلا طحت واغمى عليه

نشيت شفت بدل الممرضه ممرضتين ماسكيني يبون يحطوني على الشبريه ومن شفتهم بعد مره ثانيه طحت وماعرفت شو اللي صار

ويوم نشيت المره الثالثه اقولكم بنات شفت ممرضااااااااااات على راسي جان اقولهم بسم الله شو فيه

ههههههههههههههههههههههههههه

والله كل ما اتذكر اموت من الضحك .. احينه انا اللي مزيغتنهم وآخر شي اقولهم بسم الله شو فيه

وهذا كل اللي عندي وفي وايد ناقص بعد لأني كنت مسويه فلم أجنبي في اهلي

المزيد من آخر المواضيع من نفس القسم:

• أسباب آلام الركبة بعد الولادة وكيفية علاجه
• ماهو الطلق البارد والطلق الحقيقي والفرق...
• اهم أسباب التهاب الجيوب الأنفية أثناء الحمل...
• افضل طرق الاستعداد لفترة النفاس
• اهم فوائد الحليب للمرأة الحامل
• افضل عشرة طرق طبيبعه لتسريع الولاده خاص...
• اهم نصائح للحامل البكر في الشهور الأولى
• اهم أسباب الجوع المستمر عند الحامل وطرق...
• افضل مسكنات طبيعية تخلصك من الألم أثناء الحمل
• طرق للتخفيف من آلام الظهر بعد الحمل حصري

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ام البنات]

الله يخليلج ميرة...... انشاء الله...الحين انا بخبركم تجربتي في ولادة بنتي الاولى........................
..انا في بنتي الاولى بصراحة وايد تعبت في ولدتها...(بس الحمد لله احسن عن غيري).... ريلي وامي كانوا معاي في غرفة الولادة .... وصار لي هذاك اليوم موقفين ماانساهم الموقف الاول (ريلي كان يالس يمسح على راسي وانا من كثر ما انا امعصبة وتعبانة..ضربته على ايده باقوى ما عندي من طاقة......عقب الولادة قال لي ليش ضربتيني على ايدي ..... قلت له بصراحة ما اتذكر بس كنت تعبانه وايد ومب طايقة حد.......
والموقف الثاني: بعد ما ربيت بالسلامة سألت امي سوال قلت لها يعنى الحين انتي تعبتي فينا مثل ما انا تعبت في ولادتي قالت لي اكيد........وعقب يلست اصيح واحب يد امي وهيه يلست اتصيح (سوينا فيلم هندي ) بصراحة من هذاك اليوم حسيت بقيمة الام اكثر من قبل.

[شمس المحبه]

الله يخليلج ميرة...... انشاء الله...الحين انا بخبركم تجربتي في ولادة بنتي الاولى........................
..انا في بنتي الاولى بصراحة وايد تعبت في ولدتها...(بس الحمد لله احسن عن غيري).... ريلي وامي كانوا معاي في غرفة الولادة .... وصار لي هذاك اليوم موقفين ماانساهم الموقف الاول (ريلي كان يالس يمسح على راسي وانا من كثر ما انا امعصبة وتعبانة..ضربته على ايده باقوى ما عندي من طاقة......عقب الولادة قال لي ليش ضربتيني على ايدي ..... قلت له بصراحة ما اتذكر بس كنت تعبانه وايد ومب طايقة حد.......
والموقف الثاني: بعد ما ربيت بالسلامة سألت امي سوال قلت لها يعنى الحين انتي تعبتي فينا مثل ما انا تعبت في ولادتي قالت لي اكيد........وعقب يلست اصيح واحب يد امي وهيه يلست اتصيح (سوينا فيلم هندي ) بصراحة من هذاك اليوم حسيت بقيمة الام اكثر من قبل.

سويتي فلم هندي في غرفة الولاده ههههههههههههههههههه

احينه امج تحبين ايدها وهالمسكين ريلج ليش يالس يمسح على راسج تضربينه وبأقوى ماعندج بعد

اكيد حلف مايدخل وياج غرفة الولاده مره ثانيه :22 (5):

يلا الله يسهل عليج في المرات اليايه انشالله ويسر لج ولاداتج قولي آمين

[سحابة شوق]

انا ماعندي قصص ولاده للأسف

بس بخبركم عن ربيعتي اللي في كل ولاده تسوي لأهلها مسرحيه

في اول ولاده ليش انها بجر لعوزت اهلها تلعويز البلا بهدلت عيشتهم

من الصبح اللي هي تتويع لين الليل مسكينه وايد تبهدلت واهلها كلهم كانوا واقفين عند باب غرفة الولاده

ويسمعون صياحها وانا كل دقيقه كنت اكلم وحده من خواتها والله صوتها كان يعور القلب

ماخلت ممرضه ماحبت ايدها وتمت ماسكه يد الدكتوره وتترجاها عشان اطلع النونو منها

لا احلا شي تقول للدكتوره طلعي النونو الدكتوره تقول لها مايستوي لازم انتي تساعدينا هي تصيح وتقول انتي تقصين عليه

انا ادري انتي تقدرين تطلعينه طلعيه خلاص ما اقدر ماباه انتو شلوه بس طلعوه بموت

لا وآخر شي مسكينه يوم ولدت تمت لليوم الثاني مدوخه ماتدري عن حد كل ماتنش من الرقاد ترد ترقد مره ثانيه

والولاده الثانيه مسكينه هيه عندها حصى في الكلى ويع الكلى هو اللي ولدها

احلى شي انها كانت مرقده في المستشفى من ويع الكلى وماطاعت تم وطلعت على مسؤليتها بغصب

وعقب ماطلعت بساعتين بالضبط رجع عليها ويع الكلى مره ثانيه بس عاد هالمره مع ويع الولاده

المسكينه لعنوا خيرها يوم سوت بهم جذه لأنه محد من خواتها كان راضي انها تطلع من المستشفى

تخيلوا بنات ويع في الكلى وترجيع واسهال وويع ولاده .. والله كرهتني في الحمل والولاده

واحينه يوم اقولها يلا متى بتحملين تقولي فال الله ولا فالج بسم الله علي .. لا ابا احمل ولا شياته الحمد لله عندي بنتين غانيني عن الدنيا ومافيها

وحليلها والله وايد تتعب في الحمل والولاد .. وتقول ان خواتها كلهم جذه .. مساكين من النوع اللي وايد يتعبون في الولاده .. الله يسهل عليهم

[التــووح]

خخخخ والله سوالفكم سوالف

انا اذكر انه خواتي موصياتني اشل ويايه سح حق البيبي عشان سنة الرسول.. وانا ان شالله نسيتها.. تخيلوا وانا ميته من الويع محلي تذكرت اني مايبت السح هههه ويلست اتحرطم على امي واقولها.. امايه مايبت السح.. وهن " امي وام ريلي " داسات ضحكتهن عني ويصاصرن بعض ويضحكن عليه ههه ماييسرن يقولن شي ساعتها ههههه اسميني متفيجه ^_^

بس صح والله مثل ماقالت ام البنات صدق تحس بقيمة الام .. حتى انا سويت الفلم الهندي مال الامومه ههههه

[مريم الزعابي]

وانا بخبركم عن ولادتي في ولدي البجر كل الأمور كانت زينه والحمد لله ومن شدة الألم عصبت على الدكتورة اللي بتولدني لأنها قالت لي لازم عملية والدكتورة المناوبه اكدت بأن الرحم مفتوح والحال بيمشي على خير وراحت الدكتورة الثانية وشدت الجهاز لدقات قلب الجنين على بطني وارتفع الياهل فوق وماطعت وطلبت تحويل لمستشفى ثاني وهيه مب راضيه تصدقون من الويع طلبت من أخوي يبلغ عليها مدير المستشفى وصار وعلى طول تم تحويلي لمستشفى ثاني بس تعبت لين حسيت إن الموت كان مصيري والحمد لله بعد ولدت بعملية لأن الحبل السري إلتف على رقبت الياهل


وفي ولادتي الثانية بعد قالولي عملية وكنت مصرة أولد طبيعي وزوجي يقولي توكلي على الله وولدي عملية لأني كنت تعبانه موت كنت أصارخ عليه وطردته من الغرفة يحليله وفي الطريق للعملية كنت أقوله ما أبغي أشوفك أبغي أمي وأنا أصيح وهوه يحليه كأنه الذنب ذنبة وتم متضايق ويقول لأمي إذا صار على مريم شي مابسامح عمري وخلاص أوعدج عموه مابنيب عيال بس اثنين الحمد لله

لكن شاء الله بأن رزقني بولدي محمد من أسبوع ولدة به بعد بعمليه بس الحمد لله الذي لايحمد في الأرض سواه

[زوجه همو]

اذكر هاك اليوم في الليل كنت يالسه على المنتدى وبطني كان يعورني وما تخيلت
ان بيكون وجع الولاده والمشكله ان ريلي في الدوام نمت وكل ساعه اقوم لين صلاة
الفجر وبعدين رحت لعمتي وقلت لها اول شي خافت عقب خبرت ريلي
وهو كل نساعه يتصل بي انتي تعبانه يلا روحي المستشفى لين ساعه 2 الظهر
قالوا مفتوح 3 تو الناس وانا اقولهم يلا نروح صدق ترى ما يعورني الين الساعه5
بعدين وصل ريلي سمع الحريم الي كانوا يصارخون وتقريبن 10 دقايق وشرد الشيخ
وساعه 7 ونص كان الويع قوي مسكت يد عمتي اقولها والله يعورني وهي اتقولي
عادي عادي ما في شي والساعه 8ونص وصل حمودي للدنيا
بس الحمد لله الحياه
معاهم احلى والله يرزق الي ماعنده

[غزالة دبي]

الحمدلله على كل حال ذكرتوني بولادتي ولانها بجر تتاخرت عن موعد ولادتي وسولي سلافه وامي تقولي سيري المستشفى واخيرا بعد ما طاف 12 يوم من موعد الولادة سرت عند الدكتوره زينب وقالتي انه الماي في المشيمه شويه ولازم تولدين انا كنت سايره عندها بالاربعاء وهي قالت لازم تولدين بالخميس ولا الجمعه وكنت وايد خايفه ان الياهل يختنق ولا شي وعقب ياني الويع وزاد علي لين 6 الصبح وسرت المستشفى ويا امي وهناك قالو فاتح سانتي ونص وقالت سيري فوق وفرت واااايد انه خلاص اخيرا بولد وبفتك من التعب وقلت هو يوم واحد بتعب وخلاص وتحملت الويع ولا قلت شي بس كل ما ياني الويع كنت اغمض اعيوني واقول امي وبس وتقول امي يعورج خذي نفس وقالو لي ما نسمع دقات قلب الياهل عاد هني قلت خلاص اكيد بنتي ماتت واصيح واقول ليش شو فيها وتقولي لا لا تخافين الياهل شكله راقد وتضرب بطني وتتحرك النونو ويدق قلبها وترد مره ثانيه ترقد وتضحك الممرضه تقول ان النونو وايد كسلانه وتيب حضرتها حديده طويله قالت بندخلها داخل عشان نسمع دقات القلب اوضح ويالله عذاب والله ومتحمله كل هذا كنت استحي اصرخ وحد يسمع صوتي واخير على الساعه 4 وثلث ولدت ويبت شواخي الحلوه وملت علي الدنيا انا صدق ما صرت وانا اولد بس صرخت هم يسون الخياطه وسبيت الدكتوره والممرضه زين انه الدكتوره هنديه وما تفهم شو اقول والحمدلله على كل حال بنتي عندي تسوى الدنيا باللي فيها.

[ساحرة العيون]

عشان جي الجنة تحت اقدام الامهات
انا بعدني ما حملت لكن ادعولي بلذرية بس بقولكم سالفة اختي انا وهي علاقتنا وايد مع بعض لانها ماخذة ولد خالة ريلي واخوه بالرضاعة وساكنين عند بعض المهم
اختي كانت طايفة ولادتها يومين وعقب رقدوها تاريخ 1/11 في مستشفى القاسمي وما كان فيها ويع مول وريلها كان عندها لين الساعة 12 وسار وتمينا نرمس لين الساعة 2 بلليل عقب سمعنا صوت (؟؟؟) برع الغرفة
ضحكتنا وايد وميودين الضحكة لين ما نزل عليها الماي اتقولي ازقري الممرضة اقولها بهاي السرعة لا يمكن سويتيها على عمرج وانتي ما تدرين لان الياهل يضغط على المثانة وهي خايفة انا اضحك عليها لين ما زقرت الممرضة بعدين الممرضة نادت الدكتورة وشافت الرحم مفتوح 2سم
ونزلوها الولادة واذكر كان في شهر رمضان المبارك اختي ودوها وانا اسوي اتصلات حق الكل اتصل في ريلها يقولي جذابة من ساعاة عندكم وما فيها شي والله صارت مواقف اتضحك في هاذا اليوم
المهم يحليلها من 2 الفيرلين5 العصرونحن انصيح وندعيلها وامي تمت اتصيح استغربت قلت لها توج تعيبن علينا والحين دورج واختي من النوع اللي تزاعج وايد وجي لين الساعة6الاعشر حتى قالوا لريلها اذا ما ربت الساعة 6 بيسوون لها عملية ربت ويابت ميود الله يحفظه ويحفظ عيالكم من كل سوء
لكن لين ما سرنا فوق في حجرتها عرفنا ان ابونا زايد اتوفى الله يرحمه ويرحم موتانا
صدق الواحد قد ما يكون مستانس يضايق برحيل الوالد زايد الله يرحمه
وعقب ودرنا اختي في حجرتها ورحنا الاستراحة نتطالع التيلفزيون مراسم دفن الوالد وبس
ادري اني غثيتكم السموحة

اما في ولادتها الثانية فكان مفاجئ كنت سايرة السينما ويا ريلي واتصل نسيبي الساعة 11 ونص في ريلي يقول ان اختي السكر مرتفع عندها وبولدونها لما ريلي قالي جاسني خبال تميت اصيح لان اختي يحليها فيها ضغط وسكر حمل
اترجى ريلي يوديني عندها لان امي كانت في العدة واختي العودة ماتعرف بهاذي الاشيا
مع اني اصغر خواتي بس قلبي شديد المهم سرت عندها شفت اني اول الواصلين مع اني كنت على البحيرة تميت اهديها وتصيح تبى امي الدكتورة تقولها انتي مب صغيرة وامج بتخلص عدتها عقب شهرين بتترينها زين ان الدكتورة مواطنة مب هندية ما تفهمين شي منهم
عقب خالاتي وام ريلها وعمتي يو وشوي هدت لما شافت اليمعة وتمت في الويع لين الساعة 7 الصبح
ربت ويابت بنتها غاية الحلوة بس اديها كانت مكسورة لانها كانت 4 كيلو وساحبينها غلط الحين هي بخير وعمرها خمس شهور الله يحفظها
هاه استانستوا من اختي الحين دوري كل وحده تدعيلي بالذرية امانة
والسموحة

[السعادة الحقيقية]

ساحره العيون الله يرزقج الذريه الصالحه انشاءالله

[ساحرة العيون]

ماما ميرة
مشكووووووووورة الغالية
السعادة الحقيقية
مشكووووووورة فديتج
الله يرزقكم ويرزقنا

[اناناسة]

الله يرزقج الذريه الصالحة الغالية ساحرة العيون

[خلود الامل]

مع انها متاخره بس الحمد لله على السلامه ويتربون في عزكم انشاء الله

أسأل الله أن يجنبهم الشيطان, وأن يعيذهم بكلماته التامَّة من كل شيطان وهامَّة ومن كل عين لامَّة, وأن يجعلهم ذريةً طيِّبةً .

[ساحرة العيون]

اختي اناناسة مشكووووورة الغالية على الدعاء

[Miss_candy]

يااااااااااااااي حلوووووووووووووو !!! بعد اكتبووو قصص والله اندمجت واتخيلت بعد !! اسميييكم سوالف ....

لووووول بعدني ما عرست بس احب اسمع هالسوالف .....