توزع المهر

[هوى الروح]

السلام عليكم خواتي

شحالكم

بغيت رايكم

كيف نوزع مهر قيمته 70 الف ع اقراض الزهبه ؟؟؟

من ذهب و فستان و كل شي ؟!!


يا ريت الكل يشارك

المزيد من آخر المواضيع من نفس القسم:

• صور تورتة اعراس غاية الجمال والرقي
• خلطات طبيعية سريعة ومضمونة لتطويل شعر العروس
• طريقة عمل ماسك الموز للعناية بشعر العروس
• صور بدلات عريس انيقة وجميلة
• صور ديكورات اعراس شتوية ساحره
• صور ديكورات طاولات زفاف راقية لحفل زفاف انيق
• اجمل تصاميم كروت زواج انيقة وعصرية
• كيكات زواج انيقة ومميزة باللون الازرق
• اجمل اشكال كيكات زواج لاعراس موسم الشتاء
• تنسيقات طاولات زفاف بألوان مبهجة وعصرية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ms.goldy]

مــــــــــــــــــــــــا عندي خبره

[وحيدة زماني]

امممممممم ولو اني رزه داخله عموضوعج لان ماجربت هههه بس عندي خبره من خواتي

امممم شوفي اول شي حطي فبالج الفستان تقريبا يكون 10 بتلاااقييييييين لاااتقولين صعبه واذا قيتي اكثر عن 10 كااااااااااااااسري..
تلحين بقى عندج 60
اول شي كتبي كم كندورة مخورة تبين يعني قولي 12تقريبا بحدود 2500حااولي تسوين بهالسعر او3000
البدل خذي لج مثلا 6
الذهب احس بتيييج هدايا من الاهل يعني لااتكثرين خذي الاشياء الاسياسيه مثل المرتعشه مب شرط كبيييرة وكم خاتم على كم تقم ابيض واصفر والحقي عمرج تر الذهب يغلااااااااااا..

اممممممممممم بعد شو بعد شووو هيه ملابس النوم خذي كم شغله حلوة..وصدقيني سمي بسم الله قبل لااتصرفين وتوكلي على الله وربج كريم..

والله يوفقج

[المصارعه]

كيف جي مهر؟؟؟
انا اعرف انا المر يكون ملكج بس في بيزات حق الشر (خخ اتفلسف)
طبعا الاغراض ضو هالايام
اقول حطي عشر وشوي حق الفستان
وحطي 10 حق الذهب
وحطي 3 حق العطوور ولاتخذيين واااايد مع العود والدخون والصينيه
وحطي 4 حق المكياج
وحطي 10 حق الملابس
انتي قسميهم
حق البدل وقمصان نوم والبيجامات والتفصيل والفساتين الجاهزه وانعول والاكسسوارات
وطبعا لاتنسين تحطين حق ليلة العرس حق التعديل المكياج والتسيرحه على حسب ان وين بسويين(طبعا مع شل الحلاوه والحنا والمنكير والبدكير وإذا بتصبغين شعرج بس نصيحه لاتغيرين لوكج
إلا بعد العرس بكمن شهر عشان تغيري استايلجو
وخلي الباقي لطوارئ

[Q8ia_100%]

شوفي حبيبتي
اول شي اذا تبين تصرفين مهرج على تجهيزج اخذي المبلغ واقري عليه واطلبي ربج ان اله يبارك لج فيه
واقري دوم دعاء الاستخاره قبل لا تشترين شي
انا ما اعرف اسعاركم في الامارات بس حطي اول شي سعر بدلتج وسعر مكياج عرسج وسعر شبكتج في ظرف اذا ما كان لج شبكه منفصله عن المهر
ولا تلمسين الظرف ابد الا اذا لقيتي مرادج
وباجي البيزات اشتري فيهم قمصان النوم على جم بدله وجم دراعه واخذيلج دبله حلوه مع جم طقم تراجي مع سلسلتهم
والله ياختي مادري اشلون بتكفيج سبعين الف بس ميخالف على قولت المثل( ما هان تبارك)

المهم انج تشترين الاساسيات ولابد من اهلج يساعدونج بعد وبتييج هدايا فلوس وذهب من ربعج واهلج

وبعدين انا لو منج اخش لي مبلغ لو بسيط علشان ما اعتاز لاحد

المهم الريال الصالح والا المهر يطير على خرابيط

بقولج شغله
لا اتكثرين قمصان نوم
اخذي خمسه طوال باروابهم وحاولي يكون الروب ساده علشان انتي عقب اتركبين قمصان بروحج

واخذي خمسه بيبي دولات حلوين راقين مع جم روب قصير يناسبهم

واخذي جم طقم اندروير الوان وتايجر وزيبرا واشتري لفات مثل ملوت المايوهات الشيفون الملونين ولقي روحج فيهم مره حطيه على ورب مثل مرت طرزان ومره توزري فيه ومره حطيه لف من تحت ايدج

يعني المراد بقولج لا تروح فلوسج على قمصان نوم لان لما اتزوجين راح تكتشفين ان ساعات هالاشياء مالهم لازمه لوووول يعني ممكن تلبسينهم بس مو كل يوم خاصه العروس واذا خذيتي الريال كملي جهازج معاه اذا بتسافرين او بالديره
عوديه يشتريلج من البدايه

طولت عليج وقلبت راسج بس ميخالف هذي نصيحه مني لاني انا كنت مخطوبه بنفس هالفتره العام وتزوجت على طول والحين كرشتي جدامي بولد ويمكن الليله بعد لووول الله يهون علي وعلى البيبي امين

الفال لج ولكل من يبي العرس والياهل

[Q8ia_100%]

نسيت اقولج
لا تشترين مكياج وخرابيط
ماكو بنت بالعالم ما عندها مكياج
نقلي اغراض تسريحتج اللي في بيت ابوج الى بيت ريلج وكملي الناقص من الالوان بس
واشتري جم عطر يديد ولا اتكثرين لان ساعات الريال ما يعجبه فأحلى شي تشترين معاه على ذوقه خاصه ان قرشه العطر غاليه اذكر جم قرشه دزيتها على امي وخواتي والسبب انها ما تدش مزاج ريلي

بس حبيت اذكر هالنقطه علشان اتوفرين من المبلغ

[anglsky]

حطي 12 ع الاقل حق الفستااان
5000 حق مكيااج اخر ليلة
و30 للذهب
و3500 مكيااج لج

و3500 للمخااوير
3500 للبدل
3500 للنعل والشنط
والباقي قمصاان نوم واندر ويير وملابس للبيت

و 2000للتنظيفااات

[( درر )]

اول شي مبرووووووووووك ياقلبي تستاهلين كل خيرررر

وثاني شي ترى ايام الزهبة مرة بالعمر وحاولي انج تستانسين فيها قد ماتقدرين

لانها مابترجع مرة ثانية

والحين باسم الله نبدأ

---------------------------------

( 70 ألف درهم )

اول شي تبرعي من هالمبلغ للجمعيات الخيرية او للفقارة

وحطي في نيتج انج تتبرعين لله مب علشان يزيد المبلغ !!!

>>>> في بعضهم جذي يفكرووون

عاد وانتي على حسب رغبتج تبين تتبرعين بـ 500 , 1000 , 1500

هذي فلوسج وانتي بكيفج

---------------------------------

اعزلي 5000 درهم للمكياج والتسريحة والحناء والبدكير والمنكير والحمام المغربي

>>>>> وصدقيني هالمبلغ يكفي لكل هالاشياااااااااااااااااااااااء

لانه فيه خبيرات تجميل وماكييرات يسوون للعروس ب 2000 او 2500 حدهم

------------------------

اعزلي 10000 درهم للفستااااااااااااان وحاولي انج ماتزيدين عن هالسعر

لانه فيه حريم ياجرون فساتين من اروشي وازرا وغيرهم بهالسعر وانتي ترومين تكاسرين

وياهم , واحلى الفسااااااااااااااتين عند ام محمووووود والله ماراح تندمين

انا فستان عرسي انشالله خذته من عندهاااااااا وهي طيبة ومره عوده وتراعيج احليلها

----------------------

نيي الحيييييييييييين للذهب :

على حسب اذا انتو بتورون الذهب ولا لاء !

ولا تكثيرين وايد ولا تاخذين لج الاطقم العوووودة

اذا عندج طقم الملجة وينفع للعرس البسيه ترى محد بيتذكره خخخخ

وخذي لج 3 او 4 اطقم خفيفة تلبسينهم دوم مع البدل والمخاوير

بيطلع لج بحدود ال 15000

وب 4500 خذي لج سوع ماركات وب 500 خذي خواتم اكسسوارات ولاتكثرين

لانه دوووم ينزل شي يديد

-----------------------

والحين دووور الملابس

خصصي لهم 11000 من مخاوير وبدل ولاتكثرين لانج بعد العرس

بعد بتشترين وبتسوين غيرهم لانه الوحده اذا كثرت من الملابس بتمل منهم عقب

وملابس النوووم بعد لاتكثرين لانج بتحصلين هداااااياااااا اغلبها قمصان نوم

وخذي لج اندرويرات اطقم تقريبا 15 واحد لانج بتستهلكينهم وايد

----------------------

ووووووو للعبي خذي لج طقمين عباة مفتوحة وطقمين عباة مسكرة

بحدود ال 3000

------------------------------

لعطوووووووووور والمكيااج والبخور طبعااااا ما احس انه هالشي يبيله ميزانية

لانه مافيه بنت ماعندها مكياجها الخاص وعطووورهااا بعد

وجان تبين اشتريلج جم عطر مع لوشناتهم وشوي ميك اب ومابيطلع عليج

اكثر من 1000 درهم

----------------------------

وووو اخر شي الجنط والجواتي عزلكم الله خلي لهااا 5000 درهم

مممممممممممممممممممممم هاذه كل شي تقريبا

وبيبقى لج 15000 درهم حلالا بلالا علييييييييييييييج

بتستفيدين منهم عقب العرس

لانه كل شهر ينزل في السوق شي يديد وموضة يديدة

فأنتي اكيد بيعيبج شي لكنج بتستحين تطلبين من ريلج

فهالمبلغ بينفعج عقب

-------------------

والحيييييييييين اهم شي ترتبين عمرج وتخصصين لكل شي مبلغه المحدد

وماتطلعيييييييين عنه

يعني اذا قلنا لذهب 20 الف يعني 20 الف عرفتي فديتج

والله يتمم لكم على خيرررررر انشالله

وماريد غير انكم تدعون لي والله يوفق الجميع يارب

[بنت الكندي]

داخلة عرض

ومنكم نستفيد

خخخخخخخخخخخخخ

سامحونا على التدخل

[الـغـلا]

مبرووووووووووووووووووووووووووكة حبيبتي


نصيحة اشتري ذهب كثري من الذهب لان الذهب زينه و خزينه

وانا قسمت على طريقتي و ان شاء الله يعجبج

30 ذهب
20 ثياب و عطور و باقي الاغراض
10 فستان و تجهيز
و عشر الباقيات احتفظي بهن

و حاولي توفرين ادنيا يوم ابيض و يوم اسود افتحي لج محفظة ابرك لج

و السموحة و الله يوفقج

[( درر )]

.....

للرفع عسب الكل يستفيد

.....

[Baby22]

موفقه الغاليه....و مبرووك مقدما

[أم_سعود]

أهم شي إنج تسجلين إحتاجاتج في ورقة...
وبيزات فستان العرس والمكياج إفصليهم عن البيزات..
لا تكثرين من اللبس لأن يمكن جسمج يتغير.. أو تحملين.
وبالنسبة للذهب لا تاخذين وايد أكيد بتيج هداية..
موفقه إن شاء الله

[عمةالدلع]

upppppppppppppping