ريجيم صحي وبسيط

[امطار شرقية]

السلام عليكم ورحمة الله وبركاته .... هذي اول مشاركة لي وياكم واتمنى تستفيدون منها ^_^

بصراحة انا سرت لمركز صحي عندنا في جميرا وتحت اشراف دكتورة تغذية وطبعا عقب ماخذت المقاسات والوزن وسالتني شو تحبين تاكلين وتشربين وصفت لي رجيم بصراحة ماانحرمت من الاكل بس خفيت منه شوي وركزت على السلطة والفواكه اكثر وخلال شهرين نزلت 10 كيلو تقريبا .

الافطار :
2 رغيف من التوست الاسمر او 1 حبة من الصمون الاسمر+ شريحة من الجبن الخفيف الدسم او جبن فلاديفيا القليل الدسم +احبة طماطم + ا خيار او عدد ا بيضة مسلوقة
(طبعا اما بيض او جبن ).

الفترة بين الوجبتين : اما تفاحة واحدة او حبة من الموز .

الغداء : 2 كوب من السلطة + كوب من الارز + صدر دجاج مشوي او كوب من المعكرونة او كوب من البرياني ( اهم شي السلطة تكون ضعف الوجبة ).

الفترة بين الوجبتين : 2 اصبع كيت كات او كوب صغير من الايس كريم او 2 حبة من الفواكه .

العشاء : مثل وجبة الغداء او وجبة الافطار + 2كوب سلطة .


ملاحظات :
1- مسموح بشرب كوب واحد من الشاي بدون سكر او قارورة واحدة من البيبسي او الفن اب الدايت
2- شرب على الاقل مايعادل 6الى 8 اكواب من الماء .
3- شرب 1كوب من الماء الدافئ على الريق .

اذا عندج عرس او مناسبة تقدرين تاخذين عدد 4 علب لبن + 10 حبات تمر طول اليوم بتحسين بعمرج خفيفة ونشيطة .........

اتمنى الاستفادة وسلامتكن ......... :22 (5):

المزيد من آخر المواضيع من نفس القسم:

• اهم أسباب تراكم الدهون في الظهر وطرق التخلص...
• بغيت خلطة تسمين
• حيل ذكية لخسارة الوزن بفعالية وفي وقت قصير
• اسرع طريقة للحصول على بطن مسطح
• اهم أسباب ثبات الوزن أثناء الرجيم وطرق...
• احذري هذه الانظمة فهي تخسس لكن تدمر
• رجيم قاس جدًا سريع المفعول لنسف الدهون بالجسم
• تعرفي على رجيم الكورن فليكس
• تعرفي على جدول في السعرات الحرارية للخضروات
• افضل حمية غذائيّة لإنقاص الوزن بسرعة

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[عيون دبي]

الغاليه ممكن اتقولين لي اي عياده وعند اي دكتور؟

[الحياة]

الريجيم حلوووو

مشكورةاختي

[جرناس]

مشكوره حبيبتي ع الموضوع الحلو.......

أنا مربيه من قريب عادي أجرب هذا الرجيم، عشان الله يعلم كيف انتفخت من الحمل.

[رعبوبة العين]

مشكوره حبوبه عساج عالقوة ان شاء الله

[امطار شرقية]

الغاليه ممكن اتقولين لي اي عياده وعند اي دكتور؟

اسمه (كوزومسيرج) في جميرا وراء مستشفى الامارات التخصصي والله اتصدقين نسيت اسم الدكتورة بس كل الدكاترة اللي عندهم اوكي ........ ^_^


تشرفت بمرورج الغالية .......

[امطار شرقية]

خواتي الكريمات ..... الحياة & رعبوبة العين اسعدتني ردودكن ^_^

اختي الكريمة جرناس مااقدر ااكدلج بس انا اشوفه عادي بس انصج تاخذين كل يوم حبة من حبوب الكالسيوم + حبة فيتامينات . وسلامتج ^_^

[حروف الحب]

هلا اخت امطار شرقية .... عندنا في بوظبي عيادة كوزميسيرج و كنت ناوية اروحلها
بس غيرت رايي من فترة هالشي ....
و النظام اللي اتبعتيه وااايد حلووو و سهل و الواحد ما بيحس ابيوع معاه بس عيبه
انه هب متنوع !!!
خصوصا الغدا

اتمنالج التوفيق و اتنولين اللي في بالج يا رب ..

[امطار شرقية]

حياج الله يالغالية ... انصحج تسيرين لهم ويمكن يكون الريجيم اللي بتسوسلج اياه غير عن ريجيمي

وسلامتج ^_^

[شيما]

يزاج الله خيرا

[فطوم علي]

شكراً أخيتي

[mmks75]

حلو ومشكوره

[fulla2008]

الصراحه الرجيم
وايد حلو ومريح
مشكووووووووووه حبيبتى

[الموج الحزين]

مشكووووووورة اختي ويزاج الله خير