بنتي والحمام لين متى الصمت :(

[بنت الشوامخ]

السلام عليكم

بنتي يوم كملت سنتين و 10 شهور علمتها عالحمام
والحين كملت شهرين على تعليمها الحمام
حاليا عمرها ثلاث

تميت كم يوم اعلمها والحمدلله عقب صارت تعرف يوم احطها عالمرحاض انه لازم تسويها هني
والحمدلله مافي مشاكل من ناحية تكرمون خروج البطن وتسويها بالحمام

وبالليل وقت النوم اللهم لك الحمد صارت ناشفه

لكن

في مشكله وايد متعبتي وانا اشوف انها اهم شي
انها ماتبين لي رغبتها انها تبغي الحمام

يعني لازم انا اقول لها حمام وحمام
واتم وراها واذكرها
وطبعاً هي تعاند ماتروح بروحها او تبين لي رغبتها
لازم انا اوديها وفعلاً تكون محصوره او بطنها بيمشيها

وللاسف لين الحين تغلط
يعني اذا انا ماذكرتها عادي تنسى وتسويها على نفسها
وعقب ماتسويها تقولي ومبين انها متوهقه

جربت اللين وياها وجربت المكافأه
وخلاص لما مر اكثر من شهر بديت اضربها يوم تسويها على عمرها
لكن الله يحفظها عنيده وماتتأثر بالضرب وعادي تضحك والحياة حلوه

ف اللي ابغي اعرفه
شو سويتوا عشان عيالكم يتكلمون يبينون رغبتهم انهم يبون الحمام


لازم اذكرها واوديها غصب

ويوم تغلط واعصب عليها
اقول لها وين يروحون اذا في بول ؟ تقول نروح الحمام

يعني ماشاءالله فاهمه السالفه وتعرف انه لازم بالحمام وللعلم انا دوم اشرح لها الموضوع

بس ليش لين الحين تغلط وماتقول لي بروح الحمام او حتى لو تروح بروحها ماعليه
احسها ماتخاف وتسويها على نفسها عقب تخبرني جنه الموضوع عادي

لين متى لازم انا اوديها واذكرها ان شاء الله عقب سنه بتدش الروضه واحاتي هالوضع يطول

المزيد من آخر المواضيع من نفس القسم:

• اجمل تسريحات اطفال ينات بمناسبة عيد الفطر
• اجمل موديلات فساتين اطفال بمناسبة عيد الفطر
• اسباب قضم الأظافر عند الأطفال
• احدث موديلات فساتين اطفال للأعراس
• اجمل تسريحات اطفال انيقة للمدرسة
• اجمل موديلات قفطان مغربي للاطفال بمناسبة...
• طريقة تظيف انف الطفل الرضيع من المخاط
• العناية بالمولود الجديد
• اسباب واعراض وطرق علاج فقر الدم عند الاطفال
• اجمل موديلات فساتين اطفال شتوية انيقة وناعمة

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا