مين الغلطان انا ولا زوجة اخوي ؟!

[ريم العسووله]

بصراحة زوجة اخوج انسانة سيئة ، و من النوع الي يلفون و يدورون ، أنصحج تتجنبينها و أبعدي قطوتج عن ولدها أنتي سويتي الي عليج و نصحتيها عشان ولدها ، خلاص عقب هالحادثة ابتعدي عنها و عن ولدها و لا كأنها موجودة ... تجنبيها كثر ما تقدرين شكلها راعية مشاكل و ظنونها سيئة بالناس و قلبها أسود حقود و قوية عين و جذابة ... فلا تعطينها مجال لان واضح انج طيبة ... لا تخلينها تستغل طيبتج و تقلب عليج الامور لازم تصيرين ذكية في تصرفاتج معاها ... حاولي تسبقينها في أي شيء تحاول تسويه ضدج قصدي لا تعطينها مجال انها تلف و تدور و تلفق عليج قصص ، حاليا خليج بعيد عنها و حاولي تفهمين شخصيتها و تراقبينها من بعيد عشان تكونين جاهزة لأي مشكلة مستقبلا مع هالاشكال ... لان اشكالها خبثاء ما ينردعون الا اذا عاملتيها بالمثل ...