كيك جوز الهند.. مجربة من وصفات أمي الغالية الله يحفظها

**شمـــ وفا ـــعة** · 2005-11-30, 23:54

مرحبا خواتي..
اشحالكم؟!
عساكم بخير..

اليوم ييتكم بوصفة كيك جوز الهند ((النارجيل))..
الوصفة أنا شخصيًا ماخذتنها من عند أماية بس ماعرف هيه من وين يايبتنها..
وهي وااااايد لذيذه حق وقت العصر أو الرحلات..
وحتى حق الريوق..

عمومًا شوفوا المقادير والطريقة..

كيك جوز الهند

المقاديــــــــــــــر:

- 1 ونصف كوب طحين رقم 1
- 1 كوب جوز هند
- بيضتين + فانيليا
- 2 ملعقة صغيرة بايكينغ باودر
- ثلاثة أرباع الكوب سكر
- نصف كوب حليب سائل
- نصف كوب زيت

الطريــــــــــــقة:

- أول شي نخلط كل من السكر + البيض + الفانيليا + الحليب..

- بعد ما نخلط الخليط عدل نضيف عليه كل المواد الجافة (الطحين + جوز الهند + السكر + البايكينغ باودر)..

- نصبه في قوالب صغيرة أو قالب كبير ونخبزه في الفرن على نار متوسطة لمدة من ربع إلى ثلث ساعه للقوالب الصغيرة وطبعًا إذا كان قالب كبير يحتاج شوي وقت أكثر..

[08]أتريا تجاربكم..[/08]
أتمنى تعيبكم الكيكة..

المزيد من آخر المواضيع من نفس القسم:

**منى الحمادي** · 2005-12-01, 00:16

مشكووووووووووورة

يعطيج العافية

**شمـــ وفا ـــعة** · 2005-12-01, 00:17

[08]العفو غناتي..
الله يعافيج..
أتريا تجربتج للوصفة!![/08]

**طفلة زايد** · 2005-12-01, 00:28

تسلمين الغلا

يعطيج الف عافيه

**شمـــ وفا ـــعة** · 2005-12-01, 00:33

[08]الله يسلمج ويعافيج..[/08]

**صدى حنيني** · 2005-12-01, 19:37

مشكورة الغالية ..

**ظبية بوظبي** · 2005-12-02, 23:50

تسلمين الغاليه على الوصفه الحلوه

**شمـــ وفا ـــعة** · 2005-12-03, 00:22

[01]صدااااوي وظبووووي!!

العفو حبايبي الله يسلمكم..
أتريا تجاربكم في المطبخ يا طباخات!!

[/01]

**جواهر** · 2006-04-16, 11:33

[08]تسلميييييييين الغاليه ع الوصفه وان شاء الله بجربها[/08]

**شوق دبي** · 2006-04-20, 11:23

مشكووره الغاليه .....

**بدويه** · 2006-04-21, 15:53

تسلمين يالغالية
بس الحليب يصلع اسوي نيدو واخلطه بالماء بيصير حليب هذا المقصود بالحليب او شي ثانيه او حليب مراعي
وتسلمين

**بدويه** · 2006-04-21, 15:56

مشكوره يالغاليه
وصفة حلوة وسهلة
بس سؤال شو تقصدين بالحليب ؟؟
هل هو حليب مراعي يعني يصلح

**شمـــ وفا ـــعة** · 2006-05-12, 00:01

أقصد بالحليب حليب المراعي والروابي واخوانهم..
بس انتي ممكن تحطين نص كوب ماي مع ملعقة صغيره حليب باودر..
بس الحليب الفرش أضبط..

**شما المحيربي** · 2006-05-12, 00:27

مشكووووووووووووورة الغالية
ولما بفظى بسويها وبقولج النتايج ههههههههههههه ^_^

**توتة الامارات** · 2006-05-12, 15:11

يزاج الله خير الغاليه ننتظر يديدج

الموضوع: كيك جوز الهند.. مجربة من وصفات أمي الغالية الله يحفظها

أدوات الموضوع

عرض

كيك جوز الهند.. مجربة من وصفات أمي الغالية الله يحفظها

المزيد من آخر المواضيع من نفس القسم:

المواضيع المتشابهه

وصفات مجربة لمقاومة السرحان في الصلاة

وصفات مجربة لمقاومة السرحان في الصلاة

وصفات مجربة لتفتيح الهالات السوداء

وصفات مجربة لعدم السرحان في الصلاة !!!!