زوجي مسجون دعواتكم لي دخيلكم

[مشكلتي]

السلام عليكم ورحمة الله وبركاته

أنا متزوجه من ثلاث اسنين والحمدلله رب العالمين الله رزقني بالعيال ,,, المهم انا ماخذه زوجي عن حب ولين اليوم احبه واتمناه قربي بس المشكله ان زوجي مسكوه الشرطه من شهرين هو الحين مسجون تخيلو البيت بأسمه عن طريق الدوام والدوام فنشوه ووقفو راتبه والعقد بينتهي هالشهر انا وعيالي ما نعرف وين بنروح خبرت المالك عن وضعنا قالي لازم تطلعين وكلمت الديوان ولين الحين موضوعي تحت اجراء التعليمات والله يا بنات انا ما اعرف كيف متحمله بدون زوجي شهرين ... رغم اني كنت انضرب منه وكله ضرابه بس ما تمنيت في يوم اني اتطلق او ينسجن... بنات انا ريلي مسكوه في قضية تعاطي مخدرات من جي كان يضربني هو ما كان في وعيه ... قدر الله ما شاء فعل ...انا فرحانه انه انسجن ولا اني اشوفه ميت بسم الله عليه يدامي ... لان هالشي بس له طريقين... فهالموقف هو بيعرف منو واقف معاه والحرمه لابد انها توقف مع ريلها وهو بيحس بقيمتي يكفي اني ازوره اشوفه كيف ندمان ما تتخيلون كيف قلبي يتقطع عليه بس بعدني بترياه طول العمر... دعواتكم لي يا بنات ... ونصيحتي لكم يا بنات الطلاق مب كل شي فكرو في عيالكم وفكرو فالعشره

المزيد من آخر المواضيع من نفس القسم:

• كرهت حياتي
• مطلقة و اريد اعيش لحالي
• مشكلتي الفراغ
• مضغوطه وفقدت الامل
• تزوجت مريض نفسي
• مشكلة حالتي بعد الأمومة
• مشكلة تقدم لي خاطب وافد
• مشكله بنتي
• زوجي تعبني بالضرب كليوم💔
• أواجه زوجي بكذباته ولا اسكت

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[المراقبة العامة]

الكلمة الطيبة صــــــــدقة

[تفاحتي]

خلي المشاعر ع صوب ودوري ع مكان يضفج انتي وعيالج ويسد حاجتهم

[ام احلى بنات]

الله يفك اسره و يهديه لطريق الصواب و انت يا اختي انسانة اصيلة و الله ما بيضيعج ،عليج بقيام الليل و الدعاء لان محد يقدر يخلصج من هذا كله غير رب العالمين.

و الحين المهم حاولي تحصلين شغل و تدفعين اقساط البيت عشان ما تتبهدلين انت و عيالج

[غلآ نفسي]

الله يسهل امورج

مثل ما يقولون ( اخجلني وفائج )

بالتوفيق

[Ward-uae]

اذا امه عايشة سيري لها واسأليها عن ولدها هل هي راضية عنه واذا هيه طلبي منها انها تقعدج عندها وتدعي لولدها دوم واذا لا صدقيني الريال ما فيه بركة الا اذا هو اصطلح حاله ورجع لامه يستسمح منها
فيه شي ناس تغفل عنه هو رضى الوالدين غضب الوالدين كبير وخاصه لما واحد منهم يجرحهم بكلمه او وصل فيه لرفع الإيد هنا يباله يرجع لها ويرضيها انه ما يرجع لهذا الطريق لنفسه